25 Shkurt 2020

2,9 milionë turistë të huaj vizituan Turqinë në maj

Ankara, 30 qershor - Numri i të huajve që kanë vizituar Turqinë në maj të këtij viti është rritur me 16,27 për qind krahasuar me vitin e kaluar, duke arritur në 2 milionë 889 mijë 873 vetë.

Në faqen e internetit të Ministrisë së Kulturës dhe Turizmit janë publikuar statistikat e Drejtorisë së Përgjithshme të Policisë për “Hyrjet-daljet në kufi për muajin maj 2017”.

Sipas këtyre të dhënave numri i të huajve që e kanë vizituar Turqinë në periudhën janar-maj 2017 është rritur me 5,55 për qind, krahasuar me periudhën janar-maj 2016.

Numri i të huajve që kanë ardhur në Turqi në këtë periudhë ka qenë 8 milion 762 mijë 509.

Në renditjen e vendeve që kanë dërguan më shumë vizitorë në Turqi në muajin maj në vend të parë qëndron Rusia me 21,6 për qind.

Sipas statistikave, në maj nga Rusia në Turqi erdhën 608 mijë 472 vizitorë.

Vendi i dytë që dërgon më shumë vizitorë në Turqi është Gjermania me 295 mijë e 7 turistë (ose 10,21%), pastaj vjen Gjeorgjia me 235 mijë e 462 (ose 8,15% të numrit total).

Në renditjen e vendeve që kanë dërguar më shumë vizitorë në Turqi gjatë pesë muajve të fundit (janar-maj 2017) këtë vit, Rusia ka qenë e para me 928 mijë e 376 persona (ose 10,59%), Gjeorgjia është renditur e dyta me 874 mijë 955 (ose 9,99%) dhe Gjermania me 863 mijë 572 persona (9,86 për qind) në vendin e tretë.

Sipas statistikave, 98,35 për qind e vizitorëve të huaj që erdhën në Turqi në maj të vitit 2017 kanë qenë turistë.

Kalendari

Ngjarjet e datës 25 shkurt 2020 - Ministri i MPBAP-së, Agim Veliu do ta vizitojë Policinë i cili do të pritet nga drejtori i Përgjithshëm i PK-së, Rashit Qalaj. (Drejtoria e Përgjithshëm, ora 10:00)

- Konstituohet Komisioni për Mbikëqyrjen e Agjencisë së Kosovës për Inteligjencë. (Ndërtesa e Kuvendit, salla N 303, ora 10:00)

- Koalicioni i OJQ-ve për Mbrojtjen e Fëmijëve në Kosovë organizon konferencë të jashtëzakonshme për media për të shprehur shqetësimin lidhur me trajtimin e rasteve ku fëmijët janë viktima të formave të abuzimit dhe dhunës seksuale. (Ambientet e organizatës Forumi për Iniciativa Qytetare në lagjen Pejton, ora 10:00)

- Konstituohet Komisioni për Shëndetësi dhe Mirëqenie Sociale, Vendi: (Ndërtesa e Kuvendit, salla N302, ora 10:00)

- Demokracia Plus dhe Qendra për Avokim dhe Kulturë Demokratike në bashkëpunim me programin e USAID për Fuqizim të Sistemit të Drejtësisë organizojnë konferencën në cilën do të shpalosen rezultatet e Anketës me përdoruesit e shërbimeve të gjykatave. (Hotel Sirius, ora 10:00)

- Ministri i MPBAP-së, Agim Veliu do ta vizitojë Kampinë e policisë “Vrella“ Sllatinë. (Kampi Vrella në Sllatinë, ora 10:45)

- Konstituohet Komisioni për Buxhet dhe Transfere. (Ndërtesa e Kuvendit, salla C 203, ora 11:00)

- Konstituohet Komisioni për Punë të Jashtme dhe Diasporë. (Ndërtesa e Kuvendit, salla N 10, ora 11:00)

- Bibloteka Kombëtare e Kosovës dhe Shoqata e të Burgosurve Politik organizojnë hapjen e ekspozitës "Kujtesa e Kosovës, portrete të Adem Demaqit në pikturë dhe fotografi". (Bibloteka Kombëtare, ora 11:00)

- Konstituohet Komisioni për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N 204, ora 11:00)

- ADMOVERE e mbështetur nga KFOS promovon raportin "Gjendja në Fakultetin e Gjeoshkencave të Universitetit të Mitrovicës". (Hapësirat e rektoratit të UMIB-it në Mitrovicë, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike mban diskutim lidhur me detyrat me prioritet dhe organizimin e punës së Komisionit. (Ndërtesa e Kuvendit, salla C 203, ora 12:00)

- Kryeministri Albin Kurti pret në takim delegatin Apostolik të Vatikanit për Kosovë, Jean Marie Speich. (Ndërtesa e Qeverisë, ora 12:30 - vetëm pamje)

- Anibar Festivali Ndërkombetar i Animacionit organizon shfaqjen e filmave nga java e Kinematografisë afrikane. (Kinema Jusuf Gërvalla, 13:00)

- Kryeministri Albin Kurti pret në takim delegacionin e Fondit Monetar Ndërkombëtar. (Ndërtesa e Qeverisë, ora 15:00  - vetëm pamje)

- Ipeshkvia e Prizrenit organizon meshën e shenjtë kushtuar e Imzot Nikë Prelës në 24 vjetorin e kalimit në amshim. (Katedralja “Nëna Terezë”, nga ora 16:00)

- Ministrja e Arsimit, Shkencës, Teknologjisë dhe Inovacionit, Hykmete Bajrami, së bashku me kryetarin e Komunës së Kamenicës, Qëndron Kastrati, do të mbajnë konferencë të përbashkët për media, lidhur me çështjen e riorganizimit të procesit mësimor në komunën e Kamenicës.  (MAShTI, ora 16:00

- Fondacioni Shtatëmbëdhjetë organizon hapjen e ekspozitës Infrared: Additions. (Rr. Henrik Bariq, nr 5,  Shtatëmbëdhjetë, Prishtinë, ora 18:00)