27 Prill 2018

Zbatimi i kufizimeve të importit do t'i dëmtojë të gjithë

Washington, 13 prill - Presidentja e Fondit Monetar Ndërkombëtar Christine Lagarde tha se zbatimi i kufizimeve të importit do t'i dëmtojë të gjithë.

Duke folur në një veprimtari të Institutit Global të Azisë në Hong Kong, ajo shtoi se qeveritë e vendeve të ndryshme duhet të qëndrojnë larg çdo forme proteksionizmi.

Sipas shefes së FMN-së, kufizimi i importeve jo vetëm do të sjellë çmime më të larta të prodhimeve, por gjithashtu do të pengojë rolin e tregtisë për nxitjen e produktivitetit dhe shpërndarjen e teknologjive të reja.

Lagarde, theksoi se industritë e mbrojtura mund të vuajnë gjithashtu nga konkurrenca e dobët. Përveç të qëndruarit larg proteksionizmit, Lagorde gjithashtu theksoi se ekonomia globale duhet të ruhet nga rreziqet fiskale dhe financiare.

Analiza e fundit e Fondit Monetar Ndërkombëtar tregon se politikat e lirshme financiare që janë ndërmarrë në 10 vjet kanë nxitur rritjen e borxhit publik dhe privat mbi nivelin e 164 trilionë dollarëve amerikanë.

Lagarde tha se vendet e ndryshme duhet të krijojnë politika mbrojtëse dhe mënyra të reja të favorshme për rritjen ekonomike.

"Përveç kësaj, të gjitha vendet e botës duhet të shtojnë reformat ekonomike dhe veprimet politike për të nxitur produktivitetin dhe rritjen afatgjatë e të qëndrueshme ekonomike," tha shefja e FMN-së.

Kalendari

Ngjarjet e datës 27 Prill 2018 - Ministria e Zhvillimit Ekonomi organizon konferencë për të shënuar Ditën Ndërkombëtare të Vajzave në TIK. (Ndërtesa e AUK, rruga për Gërmi, ora 9:00)

- Grupi Parlamentar i Lidhjes Demokratike të Kosovës do të vendos lule tek përmendorja dedikuar personave të zhdukur. (Përballë Kuvendit të Kosovës, ora 9:30)

- Mbahet ushtrimi i fundit i Shpatës së Argjendtë i cili do të zhvillohet në praninë e Vizitorëve të shquar dhe kryetarëve të të gjitha institucioneve pjesëmarrëse (Kampin Pomozatin, ora 9:30)

- Kryeministri Ramush Haradinaj merr pjesë në mbledhjen e Qeverisë së Republikës së Kosovës. (Ndërtesa e Qeverisë, ora 9:30)

- Mbahet seanca e jashtëzakonshme e Kuvendit të Republikës së Kosovës në të cilën do të mabahet debat parlamentar për personat e pagjetur. (Kuvendi i Kosovës, ora 10:00)

 - Kryeministri Ramush Haradinaj bënë homazhe në nderim të viktimave në Kompleksin Memorial në Mejë, Komuna e Gjakovës. (Kompleksi Memorial në Mejë, Komuna e Gjakovës, ora 11:40)

- Komisioni Qeveritar për Persona të Zhdukur në bashkëpunim me Këshillin Koordinues të Asociacioneve Familjare te të Zhdukurve të Kosovës organizon tubimi përkujtimor. (Kompleksi Memorial në Mejë, Komuna e Gjakovës, ora 12:00)
 
- Kryeministri Ramush Haradinaj merr pjesë në Tubimin Qendror Përkujtimor në Kompleksin Memorial në Mejë, Komuna e Gjakovës. (Kompleksi Memorial në Mejë, Komuna e Gjakovës, ora 12:00)

- Mbahet ushtrimi i fundit i Shpatës së Argjendtë i cili do të zhvillohet në praninë e vizitorëve të shquar dhe kryetarëve të të gjitha institucioneve pjesëmarrëse. (Aeroporti Ushtarak në Sllatinë, ora 12:00)

- Presidenti i Republikës së Kosovës, Hashim Thaçi, do të marrë pjesë në Tubimin Përkujtimor në Kompleksin Memorial në Meje të Gjakovës. (Meje të Gjakovës, ora 12:00)

- Në vazhdën e aktivitetit “Ditët e Kuvendit”, të premten, më 27 prill 2018, mbahet takimi i deputetëve të Kuvendit të Republikës së Kosovës me qytetarë të Prizrenit. (Shtëpia e Kulturës “Xhemajli Berisha”, Prizren, ora 14:00)

- Presidenti i Republikës së Kosovës, Hashim Thaçi, do të marrë pjesë në takimin e liderëve rajonalë që mbahet në Shkup, në kuadër të procesit të Brdo Brijunit. (Shkup, ora 16:00)

- Nisma e të Rinjve për të Drejtat e Njeriut organizon aksionin simbolik me rastin e Ditës Kombëtare për Personat e Pagjetur. (Sheshi Ibrahim Rugova, ora 20:00)