07 Korrik 2020

Vazhdon rënia e çmimit të naftës

New York, 21 shkurt - Çmimet e naftës së papërpunuar kanë rënë të premten, për shkak të presionit që ka shkaktuar koronavirusi, por edhe teprica e rezervave amerikane të naftës së papërpunuar e cila rrit tepricën në treg.

Brenti ndërkombëtarë i naftës tregtohej me 58,19 dollarë amerikan për fuçi të premten në mëngjes, që është një rënie për 1,94 për qind, pasi që të enjten në mbylljen e bursës shitej për 59,31 dollarë për fuçi.

Indeksi amerikan West Texas Intermediate të premten tregtohej me 52,97 dollarë për fuçi, që është një rënie prej 1,5 për qind pasi një ditë më parë u mbyll me 53,78 dollarë për fuçi.

Numri i vdekjeve në Kinë nga shpërthimi i koronavirusit është rritur në 2.238 persona, ku ka 75.465 raste të konfirmuara të koronavirusit, i njohur tani si COVID-19, 11.633 prej të cilëve janë në gjendje kritike.

Rezervat komerciale të naftës së papërpunuar në Shtetet e Bashkuara të Amerikës u rritën 0.4 milionë fuçi, ose 0,1 për qind, në 442.9 milionë fuçi në javën që përfundoi më 14 shkurt, sipas të dhënave të lëshuara të enjten nga Administrata e Informacionit të Energjisë (EIA).

Rritja e rezervave të naftës së papërpunuar ka tejkaluar furnizimin e tregut, duke ngritur shqetësime në tregun global të naftës dhe duke ulur çmimet. Për shkak të koronavirusit, tregu parashikon kërkesë të ulët globale për naftë.

Kalendari

Ngjarjet e datës 7 Korrik 2020 - Dr. Basri Sejdiu do të mbajë konferencë për media lidhur me vendimin e Bordit Drejtues për shkarkimin nga detyra e drejtorit të përgjithshëm të SHSKUK. (QKUK, ora 11:00)

- Ministri i Drejtësisë Selim Selimi do të vizitoje Komunën e Prishtinës. (Ndërtesa e Komunës së Prishtinës, ora 11:00)

- Kryetari i Sindikatës së Pavarur të Sektorit Privat të Kosovës, Jusuf Azemi do të mbaj takim me Ministren e financave, znj. Hikmete Bajrami me të cilën do të bisedoj lidhur me pagesën e pagave të  punëtorëve nga pakoja emergjente, tërheqjen e mjeteve për punëtorë nga fondi i kursimeve si dhe eliminimin e gabimeve teknikeve gjatë  aplikimit për pakon fiskale emergjente. (Kabineti i ministres Bajrami, ora 11:00)

- Kryetari i Sindikatës së Pavarur të Sektorit Privat të Kosovës, Jusuf Azemi pas takimit me Ministren e financave, znj. Hikmete Bajrami do të mbaj konferencë për shtyp, ku do të ju njoftojë lidhur me këtë takim. (Zyret e Sindikatës në objektin e ish Gërmisë, ora 11:45)

- Lëvizja Vetëvendosje! mban konferencë për media në të cilën flet nënkryetari Besnik Bislimi. (Zyret e LV-së në Arbëri, ora 12:00)

- Ministri i Drejtësisë, Selim Selimi, do të  mbajë konferencë për media për Kodin Civil. (Holli i Ministrisë së Drejtësisë, ora 14:00)

- Organizatat e dala nga Lufta e UÇK-së dhe Shoqata e ish të Burgosurve Politik, që janë Këshill Organizues i Protestave mbajnë sot konferencë për medie. (Selia qendrore e Organizatës së Veteranëve të Luftës së UÇK-së në Prishtinë, ora 14:00)

- Me hapjen e ekspozitës multimediale në hapësirat e SENSE Qendrës në Pulë, Qendra për Drejtësi Tranzicionale në bashkëpunim me Fondin për të Drejtën Humanitare Kosovë nisin kampanjën me titull: Srebrenica 25: Së bashku kundër virusit të mohimit në ditën kur në vitin 1995 ka rënë Srebrenica. (Transmetim direkt livestream http://srebrenica.sensecentar.org, ora 17:00)

- Komuna e Rahovecit mban dëgjim publik me banorët të fshatrave Malësi e Vogël dhe Gexhë. (Objekti i Shkollës Fillore të Mesme të Ulët “Skender Kastrati” në fshatin Malësi e Vogël, ora 19:00)

- Komuna e Rahovecit mban dëgjim publik me banorët të fshatrave Ratkoc, Dejnë, Vrajak dhe Bratotin. (Objekti i Shkollës  Fillore të Mesme të Ulët “4 Dëshmorët” në fshatin Ratkoc, ora 20:00)