Ankara, 2 tetor - Asambleja e Eksportuesve të Turqisë (TIM) publikoi shifrat në lidhje me eksportin e bërë nga Turqia gjatë muajit shtator.

Sipas këtyre të dhënave, eksporti i muajit shtator në krahasim me të njëjtën periudhë të vitit të kaluar, është rritur me 8,9% duke arritur në 11 miliardë e 337 milionë dollarë.

Ndërkohë që nga fillimi i këtij viti e deri më sot, eksporti turk është rritur 10,6% duke kapur shifrën e 114 miliardë e 661 milionë dollarëve, eksporti nga Turqia për 12 muajt e fundit është rritur me 9% duke arritur në 153 miliardë e 24 milionë dollarë.