27 Shkurt 2020

Turqia eksportoi 6.8 miliardë euro në vendet anëtare të Bashkimit Evropian

Bruksel, 17 korrik - Zyra Evropiane e Statistikave (Eurostat) ka publikuar të dhënat e tregtisë ndërkombëtare të vendeve anëtare të Bashkimit Evropian dhe të Zonës Euro për muajin maj 2019.

Sipas të dhënave të Eurostat eksportet turke drejt BE-së në maj u realizuan në shifrën e 6 miliardë e 873,8 milionë eurove, ndërsa importet nga BE-ja ishin 6 miliardë e 309,3 milionë euro. Kështu Turqia ka shënuar në maj të këtij viti 564,5 milionë euro suficit tregtar me BE-në.

Në shkëmbimet e saj tregtare me vendet e Bashkimit Evropian, Turqia  ka vazhduar të shënojë suficit që nga gushti 2018.

Në bazë të muajve suficitet tregtare të Turqisë me BE-në janë: në gusht 745,5 milionë euro, në shtator 467,7 milionë euro, në tetor 1 miliard e 723,7 milionë euro, në nëntor 1 miliard e 485,7 milionë euro, në dhjetor 765,8 milionë euro, në janar 1 miliard e 783,7 milionë euro, në shkurt 841,1 milionë euro, në mars 126,8 milionë euro dhe në prill 857,8 milionë euro.

Kështu në 10 muajt e fundit Turqia ka shënuar pa ndërprerje suficit tregtar në shkëmbimet e saj me vendet e BE-së.

Në 5 muajt e parë të vitit Turqia ka eksportuar në BE rreth 34 miliardë euro mallra dhe shërbime, ndërsa ka importuar nga BE-ja 29,8 miliardë euro. Si rrjedhim eksportet turke drejt BE-së kanë qenë 4,2 miliardë euro më shumë se sa importet për 5 muajt e parë të vitit 2019.

Kalendari

Ngjarjet e datës 27 shkurt 2020 - Kryeministri Albin Kurti pret në takim Komandantin e KFOR-it, Michele Risi. Ndërtesa e Qeverisë, ora 8:40 - vetëm pamje)

- Shefja e Zyrës së Bashkimit Evropian në Kosovë, Nataliya Apostolova do të marrë pjesë në eventin përmbyllës të projekti të BE-së për mbështetjen e shërbimeve korrektuese dhe sprovuese të Kosovës, i cili do të mbahet në Prishtinë. (Hotel Emerald, ora 9:00)

- Nën organizimin e Sindikatës së Pavarur të Sektorit Privat të Kosovës, punëtorët e sigurimit fizik të Rektoratit të Universitetit të Mitrovicës do të protestojnë për shkeljet e tyre ligjore nga ana e kompanisë e cila edhe pse është vërtetuar që ju ka borxh punëtorëve asaj nuk i intereson kjo. (Para Rektoratit të Universitetit të Mitrovicës, ora 10:00)

- Mbahet  seanca e Kuvendit të Komunës së Gjilanit. (Salla e mbledhjeve të Kuvendit të Komunës së Gjilanit, (ish objekti i gjykatës. ora 10:00)

- Kryeministri Albin Kurti pret në takim zëvendës presidentin e Parlamentit Evropian, Rainer Wieland. (Ndërtesa e Qeverisë, ora 10:00 - vetëm pamje)

- Koalicioni i OJQ-ve për Mbrojtjen e Fëmijëve në partneritet me rrjetin Kraeeyn organizon konferencën për publikimin e “Politikës rekomanduese për zhvillimin në fëmijërinë e hershme”. (Hotel Sirius, ora 10:00)

- Mbahet mbledhja e rregulltë e Kuvendit Komunal të Mitrovicës. (Salla e Kuvendit të Komunës së Mitrovicës, ora 10:00)

- Zyra e Bashkimit Evropian në bashkëpunim me komunën e Prishtinës do ta përuroj çerdhen në lagjen Kalabria në Prishtinë. (Lagjja Kalabria, ora 10:30)

-  OJQ-së Aktiv bën prezentimin e letrës ‘Vlerësimi i të drejtave dhe lirisë në komunitetet Serbe të Kosovës’, mbështetur nga Qendra Ndërkombëtare Olof Palme. (Hotel Sirius, ora ora 11:00)

- Komisioni për Integrim Evropian bën shqyrtimin e draft-planit të punës së komisionit për vitin 2020. (Ndërtesa e Kuvendit, salla N 204, ora 11:00)

- Nënkryetari i Komunës së Gjilanit, Arbër Ismajli, me bashkëpunëtorët pret në takim zëvendësministren e Arsimit, Sportit dhe Rinisë të Shqipërisë, Lorena Haxhiu. (Zyra e kryetarit, ora 13:30)

- Mbahet mbledhja e Qeverisë së Republikës së Kosovës. (Ndërtesa e Qeverisë, ora 16:00)

- Fondacioni Shtatëmbëdhjetë organizon hapjen e Ekspozitës INFRARED: Additions në Fushë Kosovë. (Rr. e Pejës të rrethi në Fushë Kosovë, ora 18:00)