28 Shkurt 2020

Trump vendos tarifa ndaj produkteve meksikane

Washington, 31 maj - Presidenti amerikan Donald Trump ka njoftuar vendosjen e tarifave ndaj të gjitha produkteve që hyjnë në vend nga Meksika, në një përpjekje për të frenuar emigracionin ilegal.

Përmes një “cicërime” në Twitter, Trump tha se duke nisur nga 10 qershori, një tarifë prej 5% do të vendoset dhe me kalimin e kohës do të rritet pak nga pak “derisa problemi i emigracionit ilegal të zgjidhet”.

Sipas Trumpit, tarifat do të rriteshin me 5% çdo muaj deri më 1 tetor, kohë në të cilën do të shkonin në 25%.

Shefi i Shtëpisë së Bardhë shpalli emergjencën kombëtare për të luftuar atë që ai pretendon se është një krizë në kufirin jugor të Shteteve të Bashkuara. Agjentët kufitarë thonë se janë tronditur, ndërsa kritikët shprehen se ata po e keqmenaxhojnë situatën dhe keqtrajtojnë emigrantët.

Jesus Seade, kryediplomati i Meksikës për Amerikën e Veriut, tha se tarifat do të ishin “shkatërrimtare”. “Nëse kjo masë gjen zbatim, atëherë ne duhet të përgjigjemi reciprokisht”, tha ai.

Gjatë fushatës zgjedhore dhe përgjatë të gjithë kohës në detyrë, presidenti Trump ka qenë në kërkim të fondeve për të ndërtuar një mur në kufirin SHBA-Meksikë. Ai shpalli gjenden e emergjencës kombëtare në shkurt, në përpjekje për të devijuar fonde federale për murin, por gjykata i bllokoi këto përpjekje gjatë majit.

Shtëpia e Bardhë njoftoi të enjten se presidenti do të përdorte Aktin ndërkombëtar për Emergjencat Ekonomike për të implementuar tarifat e reja me Meksikën. Njoftimi erdhi në të njëjtën ditë, kur Shtëpia e Bardhë i tha Kongresit se kishte planifikuar të vijonte me një marrëveshje të re tregtare me Meksikën dhe Kanadanë.

Kalendari

Ngjarjet e datës 28 shkurt 2020 - Kryetarja e Kuvendit të Kosovës, dr. Vjosa Osmani takohet me kryetarin e Komunës se Pejë, Gazmend Muhaxherinë. (Ndërtesa e Komunës së Pejës, ora 9:30)

- Kryeministri Albin Kurti pret në takim Myftiun Naim Tërnava. (Ndërtesa e Qeverisë, ora 9:20 - ndryshim orari, ora 11:00 - vetëm pamje)

- Instituti EPIK, me mbështetjen e Fondacionit të Kosovës për Shoqëri të Hapur do të jetë nikoqirë i pjesëmarrëseve të veçantë në kuadër të tryezës “IPA III”. (Hapësirat Shtëpisë së Europës, përball Zyrës së BE-se, ora 10:00)

- Kryetarja e Kuvendit të Kosovës, dr. Vjosa Osmani viziton shkollën e mesme të arteve “Odhise Paskali” në Pejë. (Objekti i shkollës se mesme të arteve “Odhise Paskali”, ora 10:00)

- Kryetari i Bashkësisë Islame të Kosovës, Myftiu Naim Tërnav dhe  Dr. Mirza As Saeg shefi i kabinetit të ministrit të Financave të Emirateve të Bashkuara Arabe dhe njëherësh ë edhe anëtar i Fondacionit Al Maktoum nga Dubai do të mbajnë konferencë për shtyp. (Sëiss Diamond Hotel, ora 10:00)

- Mbahet e mbledhja e 26-të e legjislacionit te VI-të Kuvendit Komunal të Istogut. (Ndërtesa e Kuvendit Komunal të Istogut, ora 10:00)

- Mbahet mbledhja e dytë e rregullt e Kuvendit Komunal të Rahovecit. (Salla e mbledhjeve të Kuvendit Komunal në Rahovec, ora 10:00)

- Komisioni për Shëndetësi dhe Mirëqenie Sociale, mban takim me ministrin e Shëndetësisë Arben Vitia dhe drejtorët e SHSKUK, IKSHP dhe Klinikës Infektive. (Ndërtesa e Kuvendit, salla N10, ora 10:00)

- Kryetarja e Kuvendit të Kosovës, dr. Vjosa Osmani viziton shkollën e fillore “Asdreni” në Pejë. (Objekti i shkollës 'Azdreni' në Pejë, ora 10:20)

- Grupi për Studime Juridike dhe Politike organizon tryezën e diskutimit me temë “Vetingu në Kosovë: Si të implementohet një proces i tillë në mënyrë që të sigurohet pavarësi e plotë e sistemit të drejtësisë?”. (Qendrën e Konferencave Orion, ora 10:30)

- Kryetarja e Kuvendit të Kosovës, dr. Vjosa Osmani merrë pjesë në zbulimin e shtatores së Majlinda Kelmendit në Pejë. (Pejë, ora 11:00)

- Mbahet mbledhja e Qeverisë së Republikës së Kosovës. (Ndërtesa e qeverisë, ora 12:00)

- Komisioni Qendror i Zgjedhjeve mban mbledhjen e radhës. (Selia e KQZ-se, ora 13:30)

- Mbledhja e Kryesisë së Kuvendit të Republikës së Kosovës lidhur me kërkesa e 41 deputetëve për thirrjen e seancës së jashtëzakonshme të Kuvendit. (Ndërtesa e Kuvendit, salla C 301, ora 14:00)

- Kryeministri Albin Kurti pret në takim protestuesit e Trepçës. (Ndërtesa e Qeverisë, ora 14:30 - vetëm pamje)

- NISMA Socialdemokrate, shënon 6 vjetorin e themelimit të partisë. (Hotel Emerald, ora 17:30)