28 Shkurt 2020

Tregu europian njihet me cilësinë e produkteve të drurit nga Kosova

Prishtinë, 8 janar - Pjesëmarrja e prodhuesve kosovarë nga industria e përpunimit të drurit në panairin më të madh të kësaj industrie që mbahen në Zvicër çdo dy vjet në muajin janar, Swissbau, është bërë tashmë traditë.
 
Panairi Swissbau që organizohet çdo dy vjet në Basel këtë vit mbahet në datat 14-18 janar 2020. Kompanitë kosovare që do të ekspozojnë produktet e tyre të ndryshme nga druri dhe zgjidhjet për ndërtim dhe enterier në këtë panair janë: Shehu, Lesna shpk, Berto, Dardania - Model, Palma ,Greenhouse dhe Bellino.

Ky është panairi kryesor për industrinë e drurit dhe të ndërtimtarisë në Zvicër, ku çdo dy vite prezantohet inovacioni botëror në këtë industri.  

Në Swissbau, kompanitë kosovare do të ekspozojnë një gamë të gjerë të produkteve, si: dyer, dritare, kuzhina, shkallë prej druri, shtepia nga druri,elemente të drurit për enteriere dhe produkte të tjera.

“Pjesëmarrja e prodhuesve kosovarë në panaire ndërkombëtare të kësaj madhësie dhe rëndësie rezulton e suksesshme çdo herë, ndaj është e rëndësishme të jemi të pranishëm. Pas ekspozimit, prodhuesit tanë nënshkruajnë kontrata, nisin eksportin e produkteve made in Kosova dhe tashmë kanë krijuar pikat e tyre në shtete të ndryshme evropiane,” thotë Arieta Vula-Pozhegu, Drejtoreshë Ekzekutive e Shoqatës së Përpunuesve të Drurit të Kosovës.

“Përveç krijimit të lidhjeve të biznesit, pjesëmarrja në këto panaire është shumë e rëndësishme, pasi prodhuesit tanë përfitojnë direkt nga inovacioni që prezantohet në këto ngjarje. Për shembull këtë vit, fokusi i panairit Swissbau do të jetë tek automatizimi i ndërtesave, energjia në ndërtesa, teknologjia e dritës dhe ndriçimit dhe siguria e ndërtesave”.

Po ashtu, nga 14 deri 19 janar 2020, katër kompani nga Kosova: ALBED, ELNOR, KELMENDI dhe KOSOVA-MODEL do të ekspozojnë produktet e tyre në panairin më të madh të mobilerisë në Evropë, IMM Cologne 2020. Produktet me dizajne dhe inovacion në fushën e mobilerisë do të gjenden të ekspozuara nga kompanitë e Kosovës në Gjermani .

Pjesëmarrja e kompanive në këto dy panaire mbështetet nga Qeveria gjermane përmes projektit të GIZ-it për promovimin e eksportit, ndërsa gjithçka koordinohet nga Shoqata e Përpunuesve të Drurit të Kosovës.

Kalendari

Ngjarjet e datës 28 shkurt 2020  - Kryetarja e Kuvendit të Kosovës, dr. Vjosa Osmani takohet me kryetarin e Komunës se Pejë, Gazmend Muhaxherinë. (Ndërtesa e Komunës së Pejës, ora 9:30)

- Kryeministri Albin Kurti pret në takim Myftiun Naim Tërnava. (Ndërtesa e Qeverisë, ora 9:20 - vetëm pamje)

- Instituti EPIK, me mbështetjen e Fondacionit të Kosovës për Shoqëri të Hapur do të jetë nikoqirë i pjesëmarrëseve të veçantë në kuadër të tryezës “IPA III”. (Hapësirat Shtëpisë së Europës, përball Zyrës së BE-se, ora 10:00)

- Kryetarja e Kuvendit të Kosovës, dr. Vjosa Osmani viziton shkollën e mesme të arteve “Odhise Paskali” në Pejë. (Objekti i shkollës se mesme të arteve “Odhise Paskali”, ora 10:00)

- Kryetari i Bashkësisë Islame të Kosovës, Myftiu Naim Tërnav dhe  Dr. Mirza As Saeg shefi i kabinetit të ministrit të Financave të Emirateve të Bashkuara Arabe dhe njëherësh ë edhe anëtar i Fondacionit Al Maktoum nga Dubai do të mbajnë konferencë për shtyp. (Sëiss Diamond Hotel, ora 10:00)

- Mbahet e mbledhja e 26-të e legjislacionit te VI-të Kuvendit Komunal të Istogut. (Ndërtesa e Kuvendit Komunal të Istogut, ora 10:00)

- Mbahet mbledhja e dytë e rregullt e Kuvendit Komunal të Rahovecit. (Salla e mbledhjeve të Kuvendit Komunal në Rahovec, ora 10:00)

- Komisioni për Shëndetësi dhe Mirëqenie Sociale, mban takim me ministrin e Shëndetësisë Arben Vitia dhe drejtorët e SHSKUK, IKSHP dhe Klinikës Infektive. (Ndërtesa e Kuvendit, salla N10, ora 10:00)

- Kryetarja e Kuvendit të Kosovës, dr. Vjosa Osmani viziton shkollën e fillore “Asdreni” në Pejë. (Objekti i shkollës 'Azdreni' në Pejë, ora 10:20)

- Grupi për Studime Juridike dhe Politike organizon tryezën e diskutimit me temë “Vetingu në Kosovë: Si të implementohet një proces i tillë në mënyrë që të sigurohet pavarësi e plotë e sistemit të drejtësisë?”. (Qendrën e Konferencave Orion, ora 10:30)

- Kryetarja e Kuvendit të Kosovës, dr. Vjosa Osmani merrë pjesë në zbulimin e shtatores së Majlinda Kelmendit në Pejë. (Pejë, ora 11:00)

- Mbahet mbledhja e Qeverisë së Republikës së Kosovës. (Ndërtesa e qeverisë, ora 12:00)

- Mbledhja e Kryesisë së Kuvendit të Republikës së Kosovës lidhur me kërkesa e 41 deputetëve për thirrjen e seancës së jashtëzakonshme të Kuvendit. (Ndërtesa e Kuvendit, salla C 301, ora 14:00)

- Kryeministri Albin Kurti pret në takim protestuesit e Trepçës. (Ndërtesa e Qeverisë, ora 14:30 - vetëm pamje)

- NISMA Socialdemokrate, shënon 6 vjetorin e themelimit të partisë. (Hotel Emerald, ora 17:30)