24 Mars 2019

Tregjet botërore të aksioneve shënojnë ulje nga kërcenimet tregtare

New York, 8 mars - Frika nga një “luftë tregtare” nxiti tregjet botërore të aksioneve të shënojnë ulje pas dorëheqjes së këshilltarit të lartë për tregtinë të Presidentit Donald Trump.

Gary Cohn ishte kundërshtari kryesor i planit të presidentit Trump për të imponuar tarifa prej 25 për qind ndaj importeve të çelikut dhe 10 për qind ndaj atyre të aluminit.

Në funksionin e drejtorit të Këshillit Ekonomik Kombëtar, Gary Cohn u përpoq të nxiste zotin Trump të braktisë planin e tij tarifor, por presidenti përsëriti dje se në ditët në vijim do të marrte një vendim mbi këtë çështje, duke i vendosur tarifat.

Në një deklaratë të lëshuar nga Shtëpia e Bardhë Presidenti Trump e cilësoi zotin Cohn si këshilltarin e tij kryesor për ekonominë dhe që ka bërë një punë të mrekullueshme në shtytjen përpara të agjendës së administratës së tij, falë ndihmës për shkurtimet historike të taksave siç e cilësoi ai vendimin.

Shtëpia e Bardhë nuk ka bërë ende asnjë njoftim se kush do të zëvendësojë zotin Cohn, zëvendësi i të cilit cilit, Jeremy Katz, u largua në janar.

Gary Cohn është anëtari i katërt i stafit të Shtëpisë së Bardhë që jep dorëheqjen këtë vit, përfshirë drejtoren e Komunikimeve Hope Hicks, zëvendës drejtorin e komunikimit Josh Raffel si dhe sekretarin e stafit Ron Porter.

Kalendari

Ngjarjet e datës 24 mars 2019

- Kryeministri Ramush Haradinaj në kuadër të manifestimit qendror “Epopeja e Dukagjinit”, bënë homazhe në Kompleksin Memorial në Gllogjan. (Gllogjan, ora 10:00)

- Në 20 vjetorin e rënies së atdhetarëve Prof. Latif Berisha dhe Agim Hajrizi, Kryesia e LDK-së bashkë me Kryetarin e Degës së LDK-së në Mitrovicë, Safet Kamberi dhe struktura të degës, bëjnë homazhe te varri i Prof. Latif Berisha. (Fshati Smrekonic, ora 11:00)

- Presidenti i Republikës së Kosovës, Hashim Thaçi, merr pjesë në manifestimin shtetëror “Epopeja e UÇK-së në Dukagjin”. (Gllogjan, ora 12:00)

- Kryeministri Ramush Haradinaj merr pjesë në tubimin qendror në përkujtim të Betejës së Gllogjanit dhe të gjithë dëshmorëve dhe të rënëve për liri. (Gllogjan, ora 12:00)