29 Mars 2024

Standardet - çelës i integrimit të biznesit kosovar në tregun evropian

Prishtinë, 11 dhjetor - Instituti për Politika Zhvillimore (INDEP) mbajti konferencën për shtyp me titull “Standardizimi i produkteve vendore: Shpërndarja dhe shitja e standardeve”. Konferenca ishte kulminim i projektit “Me produkte konkurrente drejt tregut evropian”që u implementua nga Instituti INDEP gjatë vitit 2018.

Pjesëmarrës në konferencë ishte Hafiz Gara, Drejtor në Agjencinë Kosovare të Standardizimit (AKS).

Në diskutim e sipër, Gara falenderoi INDEP-in për punën e bërë në fushën e standardizimit duke theksuar rëndësinë që ka përfshirja e shoqërisë civile në fusha më specifike, siç është ajo e standardizimit.

Më tutje Gara tha se fusha e standardizimit dhe infrastruktura e cilësisë, në përgjithësi, janë jashtëzakonisht të rëndësishme jo vetëm në përmbushjen e obligmeve që dalin nga MSA-ja, por edhe në nxitjen e zhvillimit ekonomik.

“Ne presim që në pesë vitet e ardhshme të kemi dyfishim të shitjes së standardeve dhe për këtë shoqëria civile mund të luajë një rol të rëndësishëm në promovimin e standardizimit” – tha ai.

Gjatë konferencës u shpalosën edhe tre materialet që INDEP ka përgatitur si pjesë e implementimit të këtij projekti. Prezantimin e tyre e bëri Dardan Abazi, hulumtues në Institutin për Politika Zhvillimore.

“Derisa dy punimet e para janë të natyrës së analizave të politikave publike, punimi i tretë është një udhëzues me informata të dobishme për bizneset që duan të investojnë në standarde” tha ai.

Më tutje Abazi theksoi se rëndësia e përmirësimit të kualitetit të produkteve vendore tani është më e dukshme se asnjëherë më parë dhe se për këtë, standardet ofrojnë një instrument të drejtëpërdrejtë për fuqizimin e prodhimit vendor.

Krahas punimeve, gjatë konferencës gjithashtu u prezantua një video promovuese për standardet e cila ka për synim të shërbej si motivim për bizneset që të investojnë në standarde të cilësisë.

 

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)