20 Shkurt 2019

Shitja e banesave shtetasve të huaj në Turqi shënoi rritje rekorde në 2018

Ankara, 18 janar - Shitja e banesave shtetasve të huaj gjatë vitit 2018 ka thyer rekordin e të gjitha kohërave duke arritur në 40 mijë.

Gjatë vitit të kaluar shitja e banesave për shtetasit e huaj shënoi rritje për çdo muaj.

Me ndikimin e rritjes së kursit të këmbimit të devizave me në krye fushatat e sektorëve të patundshmërive dhe atij bankar shitja e banesave për të huajt arriti në nivelin rekord.

Shitja e banesave vitin e kaluar në krahasim me një vit më parë shënoi rritje me 78,4 për qind dhe arriti në 39 mijë e 663 banesa, shifër kjo që gjatë vitit 2017 ishte në nivelin e 22 mijë e 234 banesave.

Në çerekun e parë të vitit të kaluar të huajve u janë shitur 5 mijë e 298 banesa, në çerekun e dytë 6 mijë e 518, në çerekun e tretë 12 mijë e 339 dhe në çerekun e katërt 15 mijë e 508 banesa.

Preferenca e parë e qytetit në blerjen e banesave për shtetasit e huaj gjatë vitit të kaluar mbeti Stambolli.

Vitin e kaluar në Stamboll shtetasve të huaj u janë shitur 14 mijë e 270 banesa. Stambolli pasohet nga Antalia me 7 mijë e 938 banesa, Bursa me 2 mijë 720, Ankaraja me 2 mijë e 133 dhe Jalova me 2 mijë e 63 banesa.

Në shitjen e banesave për të huajt sipas vendeve të origjinës, qytetarët irakianë kryesuan edhe gjatë vitit 2018. Gjatë kësaj periudhe shitjet e bëra irakianëve u realizuan me 8 mijë e 205 banesa dhe përbëjnë 20,7 për qind të shitjeve të përgjithshme.

Irakianët pasohen nga iranianët me 3 mijë e 652 banesa, sauditët me 2 mijë e 718, rusët me 2 mijë 297, kuvajtianët me 2 mijë 199 dhe afganët me 2 mijë e 84 banesa të blera gjatë vitit të kaluar.

Kalendari

Ngjarjet e datës 20 shkurt 2019 - Instituti Kërkimor për Çështje Evropiane dhe të Zhvillimit organizon konferencën 'Zëri i Popullit rreth 'Finales së Madhe' ndërmjet Kosovës dhe Serbise'. (Swiss Diamond Hotel, ora 9:30)

- Presidenti i Republikës së Kosovës, Hashim Thaçi, do të marrë pjesë në konferencën e organizuar nga Instituti Kërkimor për Çështje Evropiane dhe të Zhvillimit me temën “Zëri i Popullit rreth ‘Finales së Madhe’ ndërmjet Kosovës dhe Serbisë”. (Hoteli Swiss Diamond, ora 9:30)

- Kryeshefja ekzekutive e Inspektoratit Policor të Kosovës raporton para Komisionit për Punë të Brendshme, Siguri dhe Mbikëqyrjen e Forcës së Sigurisë së Kosovës lidhur me dyshimin për keqpërdorim të detyrës zyrtare nga ana e zyrtarit policor si dhe për raportin vjetor të vitit 2018. (Ndërtesa e Kuvendit, salla N 302, ora 10:00)

- Forumi i Gruas së Lidhje Demokratike të Kosovës organizon tryezë diskutimi me temën “Ligji (s) na mbron”. (Hotel Sirius, ora 10:00)

- Punëtorët teknik të kompanisë “Beni”  që kryejnë shërbime në Konviketet e Qendrës Studentore të Prishtinës do të protestojnë për kthimin nën menaxhimin e Qendrës Studentore (Para drejtorisë së Qendrës Studentore, ora 11:00)   .

- Komuna e Prishtinës mban konferencë për media. (Objekti i vjetër të Komunës, ora 11:00)

nën organizimin e Grupit të Grave Deputete, mbahet tryeza “Institucionet dhe mekanizmat ekzistues në përgjigje të dhunës në familje”. (Ndërtesa e Kuvendit, salla N 30, ora 11:00)

- Me rastin e ndarjes nga jeta të gazetarit Hivzi Krasniqi, Radio Kosova mban Tubim Përkujtimor. (Kino ABC, ora 12:00)

- Presidenti Thaçi do të marrë pjesë në ngjarjen "Women in Energy Scholarship Program", organizuar nga MCC. (Salla e Kuqe, Pallati i Rinisë dhe Sportit, ora 13:00)

- Kryeministri Ramush Haradinaj merr pjesë në manifestimin e 30-vjetorit të Grevave të Minatorëve. (Miniera Stan Tërg në Mitrovicë, ora 14:00)

- Lëvizja mban konferencë për media. (Zyret qendrore të Vetëvendosjes, ora 14:00)