28 Shtator 2020

SHBA do të bëhet eksportues i naftës

New York, 14 shkurt - Administrata e Informacionit të Energjisë e SHBA-ve (EIA) parashikon që vendi të bëhet eksportues i naftës neto deri në vitin 2050 duke eksportuar më shumë naftë të papërpunuar dhe produkte të kombinuara të naftës sesa që importon.

Sipas EIA-së, kushti që SHBA të bëhet eksportues neto i naftës është që vendi të prodhojë më shumë naftë bruto sesa gaz natyror bazuar në çmimet më të lartë të naftës.

Në vitin 2019, SHBA prodhoi afërsisht 12 milionë fuçi të naftës së papërpunuar në ditë. Prodhimi vlerësohet të arrijë kulmin në 14 milionë fuçi në ditë në mesin e viteve të 2020-ta para se të fillojë të shënojë rënie në mesin e viteve të 2040-ta.

Megjithatë, EIA tha se nëse vendi zbulon më shumë burime vendase të naftës së papërpunuar, atëherë në vitin 2025 SHBA mund të bëhet një eksportues neto i naftës së papërpunuar dhe ta ruajë atë status deri në vitin 2050.

"Rritja e fundit në prodhimin e naftës së papërpunuar amerikane është nxitur nga zhvillimi i burimeve të ngushta të naftës, kryesisht në jugperëndim, ku përfshihet fusha e naftës Pellgu i Permianit që përfshin pjesë të Teksasit dhe Lindjes së New Mexico-s", thuhet në njoftimin e EIA-së.

EIA theksoi se vlerësohet që ky rajon të përbëjë rreth 37 për qind të prodhimit të përgjithshëm të naftës së papërpunuar amerikane nga viti 2020 deri në vitin 2050.

Kalendari

Ngjarjet e datës 28 Shtator 2020 - Mbahet mbledhja e Qeverisë së Kosovës. (Ndërtesa e Qeverisë, ora 8:30)

-  Mbahet mbledhja e Komisionit për Mbikëqyrjen e Agjencisë së Kosovës për Inteligjencë në të cilën do të bëhët shqyrtimi dhe plotësimi i Planit të Punës së Komisionit për sesionin vjeshtor. (Ndërtesa e Kuvendit, ora N10, ora 9:30)

-  Organizata për Rritjen e Cilësisë në Arsim organizon aksionin protestues "Kundër plagjiaturës të përbashkuar", për denoncimin e plagjiaturave të udhëheqësve të ministrive të Arsimit në Kosovë dhe në Shqipëri, ministrit Ramë Likaj dhe ministres Evis Kushi. (Rruga Radovan Zogoviq në lagjen Pejton, para Ambasadës së Shqipërisë në Kosovë, ora 10:00)

-  Mbahet mbledhja e Komisionit për Punë të Jashtme dhe Diasporë në të cilën do të bëhët shqyrtimi i Përfundimit të Kryesisë së Kuvendit dhe shqyrtimi i draft - Planit të Punës së Komisionit. (Ndërtesa e Kuvendit, salla N303, ora 10:00)

- Komisioni Hetimor Parlamentar lidhur me procesin e privatizimit në Kosovë bën përzgjedhjen e ekspertëve të jashtëm si dhe cakton intervistat për dëshmitar. (Ndërtesa e Kuvendit, salla N302, ora 11:00)

- Vazhdimi i seancës plenare të Kuvendit në të cilën do të bëhet zgjedhja e Avokatit të Popullit. (Salla e Kuvendit, ora 12:00)

-  Komisioni Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës dëgjon dëshmin e dëshmitarit Beqë Cufaj  – Ambasador i Republikës së Kosovës në Gjermani. (Ndërtesa e Kuvendit, salla N204, ora 14:00)

- Mbahet paraqitja e parë e Salih Mustafës. (Salla e  gjyqit të Dhomave  të  Specializuara të Kosovës  (DHSK) në Hagë ora 15:00 - mund  të  përcillet edhe përmes transmetimit në Internet, me një vonesë të shkurtër në https://www.scp-ks.org/sq/transmetim)

- Ministri i Punëve të Brendshme, Agim Veliu, ministri i Shëndetësisë, Armend Zemaj dhe drejtori EMCDDA do të nënshkruajnë marrëveshje pune. (Objekti i Ministrisë së Punëve të Brendshme, salla P-01, ora 16:00)