27 Shkurt 2020

Shala: Kosova ka dëshmuar që është shtet me vendosjen e taksës ndaj Serbisë

Prishtinë, 26 qershor - Ministri i Tregtisë dhe Industrisë, Endrit Shala, ka qenë pjesëmarrës në debatin "Talk the Talk" me temën "Efekti i Taksës 100 për qind në ekonominë e vendit".

Ministri Shala tha se janë dy arsye të vendosjes së taksës, që kanë ndikuar po ashtu në ekonominë e vendit dhe në hapjen e vendeve të reja të punës.

"Arsyet e vendosjes së taksës janë ekonomike dhe politike", tha Shala.

"Po ashtu Serbia ka rrezikuar qenien e Republikës së Kosovës, dhe sigurinë nacionale, dhe jemi detyruar të marrin masa", tha ministri Shala gjatë debatit. 

Ministri bëri të ditur se masa ndaj produkteve të Serbisë dhe Bosnje dhe Hercegovinës nuk do të hiqet pa e ndryshuar qasjen këto dy shtete karshi Republikës së Kosovës.

“Serbia dhe Bosnja po e luftojnë qenien e Kosovës dhe po ashtu po na bllokojnë në politikën e jashtme, në anëtarësimin nëpër mekanizma ndërkombëtar. Dhe nuk ka arsye që masa të hiqet, por do të vazhdojë përderisa të mos largohen edhe arsyet pse është vendosur masa”, tha Shala në debatin në Kolegjin Riinvest.

Ministri tha se masa ka ndikuar që shumë prodhues vendor kanë rritur prodhimin, kanë hapur vende të reja të punës dhe kanë rritur kualitetin e prodhimeve.

“Të dhënat zyrtare tregojnë që ka pasur rritje të prodhimit dhe nuk ka pasur ngritje të çmimeve, përveç atyre që janë ndikuar në bursën ndërkombëtare. Përfitimet e Kosovës veçanërisht të prodhueseve janë të mëdha. Serbia është vendi i parë në rajon që vendos barriera ndaj Kosovës që nga paslufta. Ne nuk kemi vërejtur ngritje të çmimeve. Kjo masë e ka ndihmuar dhe po e ndihmon rritjen e prodhimit vendor, hapjen e vendeve të reja të punës dhe ngritjen e kualitetit të produkteve vendore”, tha ministri Shala.

Ministri po ashtu paralajmëroi masa edhe ndaj shteteve tjera që janë duke iu vendosur barriera produkteve të Kosovës, në rast se nuk e respektojnë marrëveshjen e CEFTA-së.

“I kam paralajmëruar masat shumë shpejt që mund të merren ndaj vendeve të CEFTA-së, që e kanë shkel marrëveshjen, do të marrin masa të njëjta. Se shpejti do të marrim masa edhe për pemë dhe perime, në mbrojtje të prodhimit vendor”, tha ministri Shala.

Ministri tha se masa ndaj Serbisë dhe Bosnjës ka dëshmuar për herë të parë që Kosova është shtet dhe vendos vet.
 

Kalendari

Ngjarjet e datës 27 shkurt 2020 - Kryeministri Albin Kurti pret në takim Komandantin e KFOR-it, Michele Risi. Ndërtesa e Qeverisë, ora 8:40 - vetëm pamje)

- Shefja e Zyrës së Bashkimit Evropian në Kosovë, Nataliya Apostolova do të marrë pjesë në eventin përmbyllës të projekti të BE-së për mbështetjen e shërbimeve korrektuese dhe sprovuese të Kosovës, i cili do të mbahet në Prishtinë. (Hotel Emerald, ora 9:00)

- Nën organizimin e Sindikatës së Pavarur të Sektorit Privat të Kosovës, punëtorët e sigurimit fizik të Rektoratit të Universitetit të Mitrovicës do të protestojnë për shkeljet e tyre ligjore nga ana e kompanisë e cila edhe pse është vërtetuar që ju ka borxh punëtorëve asaj nuk i intereson kjo. (Para Rektoratit të Universitetit të Mitrovicës, ora 10:00)

- Mbahet  seanca e Kuvendit të Komunës së Gjilanit. (Salla e mbledhjeve të Kuvendit të Komunës së Gjilanit, (ish objekti i gjykatës. ora 10:00)

- Kryeministri Albin Kurti pret në takim zëvendës presidentin e Parlamentit Evropian, Rainer Wieland. (Ndërtesa e Qeverisë, ora 10:00 - vetëm pamje)

- Koalicioni i OJQ-ve për Mbrojtjen e Fëmijëve në partneritet me rrjetin Kraeeyn organizon konferencën për publikimin e “Politikës rekomanduese për zhvillimin në fëmijërinë e hershme”. (Hotel Sirius, ora 10:00)

- Mbahet mbledhja e rregulltë e Kuvendit Komunal të Mitrovicës. (Salla e Kuvendit të Komunës së Mitrovicës, ora 10:00)

- Zyra e Bashkimit Evropian në bashkëpunim me komunën e Prishtinës do ta përuroj çerdhen në lagjen Kalabria në Prishtinë. (Lagjja Kalabria, ora 10:30)

-  OJQ-së Aktiv bën prezentimin e letrës ‘Vlerësimi i të drejtave dhe lirisë në komunitetet Serbe të Kosovës’, mbështetur nga Qendra Ndërkombëtare Olof Palme. (Hotel Sirius, ora ora 11:00)

- Komisioni për Integrim Evropian bën shqyrtimin e draft-planit të punës së komisionit për vitin 2020. (Ndërtesa e Kuvendit, salla N 204, ora 11:00)

- Kryetarja e Kuvendit të Kosovës, dr. Vjosa Osmani, pret në takim nënkryetarin e Parlamentit Evropian, Rainer Wieland, (Kabineti i kryetares Osmani, ora 11:30 - vetëm pamje)

- Nënkryetari i Komunës së Gjilanit, Arbër Ismajli, me bashkëpunëtorët pret në takim zëvendësministren e Arsimit, Sportit dhe Rinisë të Shqipërisë, Lorena Haxhiu. (Zyra e kryetarit, ora 13:30)

- Mbahet mbledhja e Qeverisë së Republikës së Kosovës. (Ndërtesa e Qeverisë, ora 16:00)

- Fondacioni Shtatëmbëdhjetë organizon hapjen e Ekspozitës INFRARED: Additions në Fushë Kosovë. (Rr. e Pejës të rrethi në Fushë Kosovë, ora 18:00)