28 Shkurt 2020

Qeveria e përkushtuar që t’iu dal në ndihmë prodhuesve vendore

Prishtinë, 7 maj - Zëvendëskryeministri i Kosovës, Fatmir Limaj, bashkë me ministrin e Tregtisë dhe Industrisë, Endrit Shala, kanë vizituar fabrikën për prodhimin e veshjeve “TexCo”, në Shkabaj të Prishtinës.

Ministri Shala ka theksuar se Qeveria e Kosovës është e përkushtuar t’iu dal në ndihmë prodhuesve vendore, në rritjen e kapaciteteve të prodhimit dhe aftësimit profesional.

“Bashkë me zëvendëskryeministrin Limaj vizituam kompaninë ‘TexCo’ që prodhimet e saj i eksporton në shtetet e Bashkimit Evropian, e që këto produkte shitet me etiketën Republika e Kosovës. Ne si qeveri e Kosovës jemi të përkushtuar t’iu dalim në ndihmë bizneseve me aftësimin e punëtorëve që të jenë sa më të konkurrueshëm.  Kënaqësi që 90 për qind të punëtorëve janë femra, dhe të rinjtë tanë po konsiderohen se e mësojnë shumë shpejt punën”, ka thënë ministri Shala.

Ndërsa zëvendëskryeministri Limaj është ndarë i kënaqur me punën e kësaj fabrike.

“Krejt ky prodhim që bëhet në  këtë fabrikë, është për eksport dhe kjo tregon që me një angazhim të përbashkët me krijimin e klimës për investime dhe me mbështetjen që duhet t’i jepet biznesit mundësitë për zhvillim janë të mëdha në vendin tonë. Janë dhjetëra fabrika në Kosovë të cilat po depërtojnë në tregjet botërore”, ka thënë Limaj.

Ai është zotuar se  Qeveria e Kosovës do të mbështes me politikat e saj fiskale për të mundësuar sa më shumë investitor dhe për të mundësuar punësime të më shumë njerëzve.

Edhe pronari i kësaj fabrike, Yusuf Eldelekiloglu, është ndarë i kënaqur me punën. Ai ka thënë se brenda një periudhe të shkurtër synojnë ta dyfishojnë numrin e punëtoreve.

 

Kalendari

Ngjarjet e datës 28 shkurt 2020 - Kryetarja e Kuvendit të Kosovës, dr. Vjosa Osmani takohet me kryetarin e Komunës se Pejë, Gazmend Muhaxherinë. (Ndërtesa e Komunës së Pejës, ora 9:30)

- Kryeministri Albin Kurti pret në takim Myftiun Naim Tërnava. (Ndërtesa e Qeverisë, ora 9:20 - ndryshim orari, ora 11:00 - vetëm pamje)

- Instituti EPIK, me mbështetjen e Fondacionit të Kosovës për Shoqëri të Hapur do të jetë nikoqirë i pjesëmarrëseve të veçantë në kuadër të tryezës “IPA III”. (Hapësirat Shtëpisë së Europës, përball Zyrës së BE-se, ora 10:00)

- Kryetarja e Kuvendit të Kosovës, dr. Vjosa Osmani viziton shkollën e mesme të arteve “Odhise Paskali” në Pejë. (Objekti i shkollës se mesme të arteve “Odhise Paskali”, ora 10:00)

- Kryetari i Bashkësisë Islame të Kosovës, Myftiu Naim Tërnav dhe  Dr. Mirza As Saeg shefi i kabinetit të ministrit të Financave të Emirateve të Bashkuara Arabe dhe njëherësh ë edhe anëtar i Fondacionit Al Maktoum nga Dubai do të mbajnë konferencë për shtyp. (Sëiss Diamond Hotel, ora 10:00)

- Mbahet e mbledhja e 26-të e legjislacionit te VI-të Kuvendit Komunal të Istogut. (Ndërtesa e Kuvendit Komunal të Istogut, ora 10:00)

- Mbahet mbledhja e dytë e rregullt e Kuvendit Komunal të Rahovecit. (Salla e mbledhjeve të Kuvendit Komunal në Rahovec, ora 10:00)

- Komisioni për Shëndetësi dhe Mirëqenie Sociale, mban takim me ministrin e Shëndetësisë Arben Vitia dhe drejtorët e SHSKUK, IKSHP dhe Klinikës Infektive. (Ndërtesa e Kuvendit, salla N10, ora 10:00)

- Kryetarja e Kuvendit të Kosovës, dr. Vjosa Osmani viziton shkollën e fillore “Asdreni” në Pejë. (Objekti i shkollës 'Azdreni' në Pejë, ora 10:20)

- Grupi për Studime Juridike dhe Politike organizon tryezën e diskutimit me temë “Vetingu në Kosovë: Si të implementohet një proces i tillë në mënyrë që të sigurohet pavarësi e plotë e sistemit të drejtësisë?”. (Qendrën e Konferencave Orion, ora 10:30)

- Kryetarja e Kuvendit të Kosovës, dr. Vjosa Osmani merrë pjesë në zbulimin e shtatores së Majlinda Kelmendit në Pejë. (Pejë, ora 11:00)

- Mbahet mbledhja e Qeverisë së Republikës së Kosovës. (Ndërtesa e qeverisë, ora 12:00)

- Komisioni Qendror i Zgjedhjeve mban mbledhjen e radhës. (Selia e KQZ-se, ora 13:30)

- Mbledhja e Kryesisë së Kuvendit të Republikës së Kosovës lidhur me kërkesa e 41 deputetëve për thirrjen e seancës së jashtëzakonshme të Kuvendit. (Ndërtesa e Kuvendit, salla C 301, ora 14:00)

- Kryeministri Albin Kurti pret në takim protestuesit e Trepçës. (Ndërtesa e Qeverisë, ora 14:30 - vetëm pamje)

- NISMA Socialdemokrate, shënon 6 vjetorin e themelimit të partisë. (Hotel Emerald, ora 17:30)