30 Shtator 2020

Prodhuesit vendorë kanë avancuar dukshëm në kualitetin e produkteve

Pejë, 3 maj - Kryeministri i Republikës së Kosovës, Ramush Haradinaj, ka zhvilluar një vizitë pune në kompaninë  “ELKOS Group”, ku është njoftuar me të arriturat e kësaj kompanie,  veçanërisht në prodhimtari.

Pas vizitës  që i bëri fabrikës së prodhimit “Egi Group”, si dhe disa reparteve si, ajo e prodhimit të qeseve të plastikës, të letrave të lagura, që funksionojnë në kuadër të kompanisë “Elkos Group”, kryeministri Haradinaj tha se kjo kompani  është storie e suksesit në Kosovë dhe më gjerë dhe se befasia e tij është se nuk ka shkuar në Elkos-ETC, që është rrjeti më i madh tregtar i Kosovës, por tek ajo që ka lindur nga ETC, pra, te prodhimi, i cili është një lajm i mirë për Kosovën.

Kryeministri Haradinaj tha se, nga vizita e tij në këtë ndërmarrje, ka parë një industri ushqimore shumë të madhe, me teknologji të avancuar, me lëndë të parë të garantuar.

"Nuk është e mundur që dikush ta sjellë një produkt në Kosovë me çmim të njëjtë me kualitet më të mirë se “Elkos Group", tha kryeministri Haradinaj, duke i përgëzuar dhe përmendur se aty ekzistojnë mbi  71 produkte të kësaj industrie ushqimore.

Kryeministri Haradinaj, po ashtu tha se, kjo ndërmarrje ka në përgatitje edhe një linjë të re të produkteve të mishit, të letrës së lagur, të plastikës, e cila riciklohet nga plastika e hedhur në Kosovë, duke e rikthyer në produkt.

"Ne kemi shumë sfida, si popull dhe ndoshta edhe si politikë, por është mirë të bëhen disa dallime. Të gjithë duhet t'i gëzohemi faktit, se ju punësoni mijëra njerëz", tha kryeministri Haradinaj, duke potencuar faktin se kjo kompani është edhe kontribuuesi më i madh i buxhetit, nga i cili burojnë edhe pagat e gjyqtarëve, policëve, zjarrfikësve, etj.

Kryeministri Haradinaj tha se është ndarë i kënaqur, pasi që ka parë prodhim, një dimension tjetër të kësaj ndërmarrjeje.

Ramiz Kelmendi, drejtor i kompanisë “Elkos Group” falënderoi kryeministrin Haradinaj për vizitën që i bëri fabrikës së prodhimit “Egi Group”, që funksionon në kuadër të rrjetit të kompanisë “Elkos”, duke thënë se ajo është një prej industrive më të mëdha ushqimore, me makineri evropiane të prodhuesve të njohur, në mënyrë që prodhimi t’i përshtatet shijes dhe nevojave të konsumatorëve tanë dhe të jetë konkurrues me shtetet e rajonit.

Kjo vizitë është zhvilluar në kuadër të Vitit të Ekonomisë i shpallur nga Qeveria e Kosovës.

 
 

Kalendari

Ngjarjet e datës 30 Shtator 2020 - Komisioni për të Drejtat e Njeriut, Barazi Gjinore, për Persona të Pagjetur dhe Peticione takohet me Komision me përfaqësuesit e Komisionit  qeveritar për njohjen e statusit të ish të dënuarve dhe ish të përndjekurve politikë. (Ndërtesa e Kuvendit, salla N302, ora 10:00)

- Administrata Tatimore e Kosovës së bashku me Oden Ekonomike të Kosovës do të vizitojnë biznesin “Prishtina Mall”. (Zona industriale Prishtinë - Lipjan, tek rrethi i QMI-së, ora 10:00)

- Qendra Kosovare për Studime të Sigurisë organizon publikimin e raportit “Indeksi Kosovar i Reziliencës-Ekstremizmi i Dhunshëm në Kosovë: Çfarë mund të mësojmë nga rezilienca në komunitet?” (Hotel Swiss Diamond, ora 10:00)

- Mbahet mbledhja e katërt e rregullt për vitin 2020 të Kuvendit Komunal të Prizrenit. (Salla për mbledhjet e Kuvendit të Komunës së Prizrenit, tek “Shtëpia e Bardhë”, ora 10:00)

- Instituti Demokraci për Zhvillim organizon ceremoninë e nënshkrimit të Memorandumit të Bashkëpunimit për Procesin Zgjedhor. (Hotel Swiss Diamond, ora 10:00)

 - Komisioni për Ekonomi, Punësim, Tregti, Industri, Ndërmarrësi dhe Investime Strategjike shqyrton raportin vjetor të Operatorit të Sistemit, Transmisionit dhe Tregut dhe të Autoritetit Rregullativ të Komunikimeve Elektronike dhe Postare. (Ndërtesa e Kuvendit, salla N10,, ora 11:00)

- Lëvizja Vetëvendosje mban konferencë për media. (Zyrët e LV-së në Arbëri, ora 11:00)

- Ministri i Ekonomisë dhe Ambientit, Blerim Kuçi nesër zhvillon vizitë në Komunën e Drinasit. (Ambientet e Komunës së Drinasit, ora 11:00)
 
- Administrata Tatimore e Kosovës së bashku me Oden Ekonomike të Kosovës do të vizitojnë biznesin “Ciao Berto”. (Magjistralja Prishtinë - Mitrovicë, km2, ora 11:30)

- Grupi i aktorëve të Prishtinës do mbajnë protestë pasi që kërkesat e tyre të deritanishme nuk janë realizuar. (Para objektit të vjetër të Komunës së Prishtinës, ora 12:00)

-  Komisioni për Buxhet dhe Transfere shqyrton në parim i Projektligjit për ndryshimin dhe plotësimin e Ligjit për financimin e subjekteve politike si dhe Ligjin për zgjedhje të përgjithshme në Republikën e Kosovës si dhe shqyrton raportin Vjetor të Bankës Qendrore të Republikës së Kosovës. (Ndërtesa e Kuvendit, salla C203, ora 13:00)
 
- Administrata Tatimore e Kosovës së bashku me Oden Ekonomike të Kosovës do të vizitojnë biznesin “Lesna”. (Rruga Lidhja e Pejës nr. 133 10000, ora 13:00)

-  Komisioni për Integrim Evropian shqyrton programin Kombëtar për zbatimin e Marrëveshjes së Stabilizim- Asociimit, i ftuar Zëvendëskryeministri Driton Selmanaj. (Ndërtesa e Kuvendit, salla N302, ora 13:30)

- Fondacioni Shtatëmbëdhjetë organizon edicionin e tretë të Metamorphosis. (Objekti i Kryqit të Kuq, në rrugën "Xhemajl Prishtina", nr.36 te RTK-ja te pazari, ora 16:30)

- Në kuadër të javës së tretë të programit publik në Festivalin e Arkitektures në Kosovë. (Drejtperdrejt në faqen facebook-ut të Festivalin e Arkitektures, ora 18:30)