23 Mars 2019

Përshkallëzohet "lufta tregtare" mes SHBA-së dhe Kinës

Washington, 7 prill - Retorika e “luftës tregtare” mes Shteteve të Bashkuara dhe Kinës u përshkallëzua pasi presidenti Trump kërcënoi me një rritje të tarifave ndaj mallrave kineze me 100 miliardë dollarë të tjera.

Ndërkohë Pekini paralajmëroi se do t’i kundërvihet "me çdo çmim" kësaj politike të Shteteve të Bashkuara.

Zoti Trump tha dje se kishte udhëzuar autoritetet amerikane të tregtisë të merrnin në konsideratë tarifa shtesë, kjo pas publikimit nga Kina të ​një liste mallrash amerikane, ndaj të cilave propozonte rritje tarifash me një vlerë prej 50 miliardë dollarësh. Më parë gjatë kësaj jave Shtetet e Bashkuara patën propozuan tarifa të reja me vlerë prej 50 miliardë dollarësh ndaj mallrave kineze.

Pavarësisht nga kërcënimet e fundit, presidenti ka këmbëngulur se SHBA nuk janë përfshirë në një mosmarrëveshje tregtare me Kinën. Në një postim në twiter ai tha se tarifat e vendosura ndaj importeve të aluminit po i sjellin përfitime ekonomisë amerikane.

Në një deklaratë sot Shtëpia e Bardhë tha se tarifat kundër Kinës u njoftuan sepse Pekini "vazhdon të shtrembërojë tregjet globale dhe të dëmtojë bizneset amerikane e konsumatorët me praktika të padrejta tregtare".

Ministria kineze e Tregtisë tha në deklaratën e saj të premten se nëse Uashingtoni vazhdon me atë që Pekini e quan proteksionizëm, Kina “do të luftojë fort e në mënyrë të vendosur".

Tregjet amerikane të aksioneve pësuan rënie pas udhëzimeve më të fundit tregtare të zotit Trump.

Tregjet financiare janë lëkundur mjaft gjatë ditëve të fundit nga frika e përshkallëzimit të tensioneve tregtare mes Uashingtonit dhe Pekinit.

"Në vend që të korrigjojë sjelljen e saj të keqe, Kina ka zgjedhur të dëmtojë fermerët dhe prodhuesit tanë", tha zoti Trump.

Kalendari

Ngjarjet e datës 23 mars 2019 - Federata e pingpongut të Kosovës në bashkëpunim me Kpp Vitia nën patronatin e Komunës së Vitisë do të organizoj Turneun për senior Flakadani i Karadakut. (Salla e Shkollës së Mesme Teknike 'Jonuz Zejnullahu' në Vitiora, ora 9:30)

- Shoqata "Miqtë e Amerikës" do ta bëjë zëvendsimin e flamurit amerikan te shtatorja e Bill Clintonit në Prishtinë, me një të ri. (Shtatorja e Bill Clintonit, ora 11:00)

- Gjimnazi “Hasan Nahi”, në kuadër të Fondacionit për Arsim dhe Kulturë “Atmosfera”, organizon edicionin e gjashtë me radhë - Garën e Inteligjencës "Eureka 6". (Ambienti i Gjimnazit “Hasan Nahi” në Prishtinë, ora 11:00)

- Kryeparlamentari Kadri Veseli merr pjesë në shënimin e 30-vjetorit të demostratave të 23 marsit 1989 me nismëtare gratë dhe vajzat e Balajve. (Teatri “Adriana” - Ferizaj, ora 11:00)

- UBT dhe Raiffeisen Bank mbajnë garën më të madhe në vend “Data Science Hackathon”. (Kampusi i UBT-së në Lipjan, ora 11:00)

- Kryeministri Ramush Haradinaj bënë homazhe te Pllaka Memoriale e ushtarëve të KFOR-it, të rënë gjatë shërbimit në Kosovë. (Sheshi “Nëna Terezë”, ora 12:00)

- Kryeministri Ramush Haradinaj bënë homazhe te Pllaka Përkujtimore me emrat e ushtarëve britanikë, që humbën jetën në shërbim në Kosovë. (Sheshi “Edit Durham”, afër Hotelit Grand, ora 12:10)