03 Dhjetor 2020

Pandemia shkakton çrregullime të jashtëzakonshme në tregtinë botërore

Prishtinë, 15 maj - Ndikimi i pandemisë COVID-19 në tregtinë globale po rezulton në çrregullime të pa precedenta të zinxhirëve të furnizimit, derisa prodhimi dhe konsumi dita ditës po shënojnë rënie të dukshme. 

Anëtarët e Odës Ekonomike Amerikane në Kosovë patën mundësinë të diskutojnë mbi këtë temë në një konferencë virtuale me ish-kongresmenin amerikan Jerry Weller, i cili tani është Këshilltar i Lartë në kompaninë ligjore të tregtisë ndërkombëtare Sandler, Travis & Rosenberg, P.A dhe Nicole Bivens Collinson, Drejtoreshë e Marrëdhënieve të Tregtisë Ndërkombëtare dhe Qeverisë në Sandler, Travis & Rosenberg, P.A., dhe Drejtoreshë Menaxhuese në zyrën në Washington.

Ish-kongresmeni Weller gjatë kësaj konference tha se pavarësisht rënieve në ekonomi duhet të merren parasysh avantazhet dhe mundësitë e krijuara në sektorët e importit dhe eksportit.

Ai potencoi se Kosova duhet të konsiderojë programin e SHBA-së mbi Sistemin e Përgjithësuar të Preferencave (GSP) si pjesë të instrumenteve të nevojshme për rivitalizim të ekonomisë pas COVID-19. 

Për më tepër, ai u shpreh se në rrethana të tilla stabiliteti politik është mëse i nevojshëm në të gjithë botën, meqë mos ekzistenca e këtij të fundit ndikon negativisht në strategjitë e rimëkëmbjes ekonomike. Ish kongresmeni gjithashtu theksoi rëndësinë e shfrytëzimit të të gjithë mekanizmave bashkëpunues për vendet e prekura nga pandemia drejt uljes së dëmeve si ekonomike ashtu edhe shëndetësore.

Ekspertja e çështjeve ndërkombëtare tregtare Nicole Bivens Collinson theksoi se pandemia ka ndikuar rëndë në ekonominë dhe tregtinë botërore duke krijuar çrregullime në zingjirët e furnizimit dhe tregjet financiare, derisa shtoi se nëse gjendja përmirësohet ka mundësi për rimëkëmbje financiare brenda dy viteve.

Sipas saj, edhe pse Kina ishte duke marrë një rol udhëheqës në mesin e investitorëve ndërkombëtarë në disa vende jo të zhvilluara duke pasur kështu një proporcion të madh në mallra botërore, pandemia e ka vënë në një pozitë shumë të vështirë ku edhe ka rezultuar me tkurrje negative në rritje.

Collinson gjithashtu tha se edhe ekonomitë më të zhvilluara po parashikojnë se viti 2020 do të jet vit i rënies së ndjeshme ekonomike, gjersa përmendi masat e ndryshme kufizuese të cilat kanë ndikim jashtëzakonisht negativ në tregtinë globale.

Sipas saj, kufizimet e tilla kanë shkaktuar dhe mund të shkaktojnë probleme të reja meqë jo të gjitha ekonomitë prodhojnë respiratorë, barna apo produkte të tjera mbrojtëse për t’u përballur me krizën shëndetësore, ashtu si nuk prodhojnë edhe produkte ushqimore të konsumuara në mënyrë të përditshme.

Frymëzim Isufaj, zëvendësambasador i Kosovës në Shtetetet e Bashkuara të Amerikës gjithashtu foli mbi mundësitë ekzistuese për kompanitë kosovare që burojnë nga Sistemi i Përgjithësuar i Preferencave, duke përmendur se ambasada kosovare në Amerikë do të ishte e lumtur të ofronte asistencën e saj për ndërmarrjet e interesuara të eksportojnë në SHBA.

Ndërsa, ndërmarrësit anëtarë të Odës Amerikane, të prekur shumë nga ndikimi i pandemisë në veprimtaritë e tyre, morrën pjesë në mënyrë aktive në këtë konferencë, duke diskutuar mbi pasiguritë e kohëzgjatjes së krizës dhe ndikimit të shtuar që ajo vazhdon ta ketë në aktivitetin ekonomik në përgjithësi, por edhe në tregti në veçanti. 
 

Kalendari

Ngjarjet e datës 3 Dhjetor 2020

- Me rastin e Ditës Ndërkombëtare të Personave me Aftësi të Kufizuara, Handikos mban konferencën lansuese të Raportit vlerësues mbi qasshmërinë e fëmijëve me aftësi të kufizuara në ndërtesat shkollore të nivelit fillor dhe të mesëm të ulët në Kosovë. (Qendra e Resurseve të Handikos në Veternik, ora 9:30)

- Gjykata Themelore në Ferizaj mban seancën kundër të pandehurit Ibrahim Mustafa Keqpërdorimi i pozitës apo autoritetit zyrtar. (Gjykata Themelore në Ferizaj, ora 9:30)

- Kuvendi i Kosovës mban seancë te veçantë në të cilën do të mbahet debat parlamentar për gjendjen e të drejtave të personave me aftësi të kufizuara në Republikën e Kosovës. (Kuvendi i Kosovës, ora 10:00)

-  Komisioni për Integrim Evropian shqyrton Projektligjin për rimëkëmbjen ekonomike – COVID-19, me amendamentet e Komisionit funksional nga aspekti i përputhshmërisë me legjislacionin e BE-së. (Ndërtesa e Kuvendit, salla N302, ora 10:00)

-  Komisioni për të Drejtat dhe Interesat e Komuniteteve dhe Kthim shqyrton Projektligjin për Rimëkëmbjen Ekonomike - COVID-19, me raport amendamente të Komisionit funksional për Buxhet dhe Transfere. (Ndërtesa e Kuvendit, salla N303 Koha: 10:00  

- Komisioni Qendror i Zgjedhjeve mban mbledhjen ku shpall rezultatet përfundimtare të jashtëzakoshme për Kryetar të Komunës së Podujevës dhe Mitrovicës së Veriut, të cilat u mbajtën më 29 nëntor 2020. (Ndërtesa e KQZ-së, kati 4, ora 10:00)

- Për nder të Ditës Ndërkombëtarë për Personat me Nevoja të Veçanta, ushtruesja e detyres Presidentja, dr.Vjosa Osmani bashkërisht me ambasadorin Britanik, Nicholas Abbott dhe ministrin e Arsimit, Ramë Likaj  nënshkruajnë panon e zotimit për gjithëpërfshirje. Oborri i Kuvendit të Republikës së Kosovës (hyrja nga sheshi, ora 11:30)

- OJQ EC Ma Ndryshe organizon aktivitetet ndërgjegjësuese që ka qëllim të përcjell porosinë vetëdijësuese për eliminimin e pengesave që janë krijuar për shkak të mungesës së gjithëpërfshirjes. (Parku i Qytet në Prizren, ora 11:00 - Keji përballë xhamisë së “Sinan Pashës”, ora 12:00 - Marash, ora 13:00)