20 Tetor 2018

OTKT dhe MÜSİAD Balkan nënshkruan Memorandum Bashkëpunimi

Prishtinë, 30 nëntor - Oda Tregtare Kosovaro Turke (OTKT) dhe Shoqata e Pavarur e Industrialistëve dhe Biznesmenëve (MÜSİAD Balkan)  nënshkruan një Memorandumin të Bashkëpunimit. 

Memorandumi i Bashkëpunimit u nënshkrua nga kryetari i OTKT-së Ayhan Demirkıran dhe kryetari i MÜSİAD  Ballkan Bilal Kara sot një ceremoni  të organizuar në zyrat e OTKT, ku  e ftuar ishte edhe ambasadorja e Republikës së  Turqisë në Prishtinë z. Kıvılcım Kılıç. 

KTTO dhe MUSIAD Balkan, të cilët janë dy akterë të rëndësishëm ekonomikë në rajon, përmes këtij Memorandumi parashikojnë të shkëmbejnë informata ekonomike, të zhvillojnë dhe zbatojnë projekte të përbashkëta, të mbështesin njëri-tjetrin në aktivitete të ndryshme, të rrisin bashkëpunimin në të gjitha nivelet si dhe të sigurojnë mbështetje dhe koordinim të ndërsjellët.

Ambasadorja e Republikës së Turqisë në Prishtinë, njëkohësisht kryetarja e nderit e OTKT-së, Kıvılcım Kılıç,  në fjalimin e saj në ceremoninë e nënshkrimit të Memorandumit të Bashkëpunimit  tha se marrëdhëniet ekonomike midis Kosovës dhe Turqisë janë të mira, por potenciali i bashkëpunimit mund të jetë edhe më i madh.

Ambasadorja Kılıç foli rreth mekanizmave të cilat mund të mobilizohen edhe më tutje me theks të veçantë Marrëveshja e Tregtisë së Lirë, si the shprehi kënaqësinë e bashkëpunimit  të sektorit privat.

Ajo po ashtu theksoi rëndësinë e këtij Memorandumi ku me nënshkrimin e kësaj marrëveshjeje tha se të dyja organizatat do të  jenë pjesë e aktiviteteve të rëndësishme. 

Kryetari i OTKT-së Ayhan Demirkıran, shprehu kënaqësinë e bashkëpunimit institucional me shumë biznesmenë me të cilët është takuar më herët në shumë platforma. 

Nga ana tjetër, Kryetari i organizatës Müsiad Balkan Bilal Kara  theksoi se Müsiad Balkan po punon me ritëm të thellë pavarësisht nga themelimi i tyre i ri në Balkan dhe tha se  do të vazhdojnë bashkëpunimin edhe më tutje me OTKT-në.

Oda Tregtare Kosovaro Turke (OTKT) e cila u themelua në vitin 2008 në Prishtinë  ka për qëllim zhvillimin e marrëdhënieve ekonomike mes dy vendeve.

 E themeluar me iniciativën e biznesmenëve kosovarë dhe atyre turq, Oda vazhdon aktivitetet e saj në tërheqjen e investimeve turke në Kosovë, duke rishikuar mjedisin e biznesit dhe duke rritur në mënyrë reciproke vëllimin tregtar. 

MÜSİAD është një organizatë biznesi  e cila u themelua në vitin 1990 në Stamboll të Turqisë dhe sot përbëhet nga 11 mijë anëtarë.  MÜ SİAD Balkan është themeluar në Shkup  si dega ballkanike e këtij institucioni të madh. MUSIAD Balkan si një organizatë biznesi  vazhdon aktivitetet e saj  kryesisht në vendet e Ballkanit. 
 
OTKT dhe MÜSİAD Balkan do të  vazhdojnë të mbështesin njëri-tjetrin në mënyrë që të arrijnë qëllimet e përbashkëta në çështjet e zhvillimit ekonomik rajonal

Kalendari

Ngjarjet e datës 20 tetor 2018 - Kryeministri Ramush Haradinaj pret në takim ministrin e Punëve të Jashtme të Turqisë, Mevlut Çavusoglu. (Ndërtesa e Qeverisë, ora 9:00)

- Oda e Fizioterapeutëve të Kosovë organizon ditë e dytë të Kongresit e I-rë Ndërkombëtar të  Fizioterapisë në Kosovë. (Hotel Emerald, ora 10:00)

- Aleanca Franceze e Prishtinës mirëpret një ekspozitë me titull "Studio Alix: një shekull fotografi të Pireneve", e propozuar nga shoqata franceze "Écrits de lumière". (Aleanca Franceze në Prishtinë, rruga Lah Nimani, ora 11:00)

- Zëvendëskryeministri i Kosovës, Fatmir Limaj, merr pjesë në vënien e gurthemelit të Qendrës së Banimit Social në Malishevë. (Lagjja Mirëdita në Malishevë, ora 14:00)

- Kryeministri Ramush Haradinaj merr pjesë në përurimin e fillimit të punimeve të sheshit të Obiliqit. (Qendra e qytetit në Obiliq, ora 14:00)

- Kryetari i Nismës Socialdemokrate, Fatmir Limaj, mban nesër (e shtune) takim me strukturat drejtuese të degëve të Nismës në Malishevë, Suharekë dhe Rahovec. (Restaurant Bimi 3 në Malishevë, ora 15:00)

- Kuratori i ekspozitës, fotografi francez Loïc Chauvin, specialist i fotografisë shqiptare, do të organizojë një masterclass rreth historisë së fotografisë shqiptare për studentët dhe fotografët. (Kino Armata, ora 16:00)

- Në edicionin e Festivalit Ballkanik të pjekjes dhe promovimit të rakisë, 'Rakia Fest', mbahet tribunë shkencore 'Rakia si mundësi e rritjes se mireqenjes se ekonomive familjare në viset e pasura me pemë. Investimet në funksion të joshjes së popu tës rurale për prodhimin artizanal të rakisë'. (Etnokompleksit të fshatit Kukaj, ora 12:00)