03 Dhjetor 2020

OPEC diskuton sot për stabilizimin e tregut të naftës

Baku, 6 prill - Ministria e Energjisë së Azerbajxhanit ka njoftuar se takimi midis Organizatës së Vendeve Eksportuese të Naftës (OPEC) dhe OPEC-plus do të mbahet sot përmes video-konferencës.

Qëllimi i takimit në nivelin ministror do të jetë stabilizimi i tregut të naftës ku do të diskutohet mundësia e një deklarate të re të bashkëpunimit, tha ministria.

Takimi do të zhvillohet me ftesë të Arabisë Saudite pas bisedimeve me ndërmjetësim të presidentit amerikan, Donald Trump ndërmjet Arabisë Saudite dhe Rusisë.

Çmimet e naftës filluan të binin pasi Arabia Saudite dhe Rusia u ngatërruan në një luftë lidhur me prodhimin, ku të dyja vendet rritën prodhimin pas përfundimit të paktit midis OPEC-ut të udhëhequr nga sauditët dhe Rusisë.

Gjatë konferencës së OPEC-plus në Vjenë të Austrisë më 6 mars, Arabia Saudite dhe Rusia nuk arritën marrëveshje për thellimin e frenimit të nivelit të prodhimit të naftës të grupit për të zbutur ndikimin negativ të koronavirusit në dobësimin e kërkesës globale të naftës.

Pas konferencës të dyja vendet javën tjetër njoftuan se do të rrisin prodhimin e tyre të naftës së papërpunuar duke filluar nga prilli, duke shkaktuar luftë për hise më të madhe të tregut.

Megjithatë, çmimi i naftës së papërpunuar Brent u rrit në mbi 30 dollarë për fuçi pasi Trump njoftoi të enjten se kishte biseduar me udhëheqësit sauditë dhe rusë dhe pret që ata të ulin ndjeshëm nivelet e tyre të prodhimit të naftës.

"Sapo bisedova me mikun tim MBS (Princin e Kurorës) të Arabisë Saudite, i cili foli me presidentin rus Putin dhe unë pres dhe shpresoj se ata do të frenojnë afërsisht 10 milionë fuçi dhe në thelb ndoshta edhe më shumë, e cila, nëse ndodh, do të jetë madhështore për industrinë e naftës dhe gazit!", shkroi Trump në Twitter.

Ndërkohë, agjencia e lajmeve e Arabisë Saudite SPA raportoi të enjten se Mbretëria bën thirrje për një takim urgjent midis vendeve të OPEC-ut dhe OPEC-plus të udhëhequr nga Rusia për të arritur "një marrëveshje të drejtë" për të stabilizuar tregjet e naftës.

Arabia Saudite kërkon një takim për të mbështetur ekonominë globale në kushte të jashtëzakonshme dhe duke u nisur nga kërkesa e presidentit Trump për të balancuar tregjet.
 

Kalendari

Ngjarjet e datës 3 Dhjetor 2020

- Me rastin e Ditës Ndërkombëtare të Personave me Aftësi të Kufizuara, Handikos mban konferencën lansuese të Raportit vlerësues mbi qasshmërinë e fëmijëve me aftësi të kufizuara në ndërtesat shkollore të nivelit fillor dhe të mesëm të ulët në Kosovë. (Qendra e Resurseve të Handikos në Veternik, ora 9:30)

- Gjykata Themelore në Ferizaj mban seancën kundër të pandehurit Ibrahim Mustafa Keqpërdorimi i pozitës apo autoritetit zyrtar. (Gjykata Themelore në Ferizaj, ora 9:30)

- Kuvendi i Kosovës mban seancë te veçantë në të cilën do të mbahet debat parlamentar për gjendjen e të drejtave të personave me aftësi të kufizuara në Republikën e Kosovës. (Kuvendi i Kosovës, ora 10:00)

-  Komisioni për Integrim Evropian shqyrton Projektligjin për rimëkëmbjen ekonomike – COVID-19, me amendamentet e Komisionit funksional nga aspekti i përputhshmërisë me legjislacionin e BE-së. (Ndërtesa e Kuvendit, salla N302, ora 10:00)

-  Komisioni për të Drejtat dhe Interesat e Komuniteteve dhe Kthim shqyrton Projektligjin për Rimëkëmbjen Ekonomike - COVID-19, me raport amendamente të Komisionit funksional për Buxhet dhe Transfere. (Ndërtesa e Kuvendit, salla N303 Koha: 10:00  

- Komisioni Qendror i Zgjedhjeve mban mbledhjen ku shpall rezultatet përfundimtare të jashtëzakoshme për Kryetar të Komunës së Podujevës dhe Mitrovicës së Veriut, të cilat u mbajtën më 29 nëntor 2020. (Ndërtesa e KQZ-së, kati 4, ora 10:00)

- Për nder të Ditës Ndërkombëtarë për Personat me Nevoja të Veçanta, ushtruesja e detyres Presidentja, dr.Vjosa Osmani bashkërisht me ambasadorin Britanik, Nicholas Abbott dhe ministrin e Arsimit, Ramë Likaj  nënshkruajnë panon e zotimit për gjithëpërfshirje. Oborri i Kuvendit të Republikës së Kosovës (hyrja nga sheshi, ora 11:30)

- OJQ EC Ma Ndryshe organizon aktivitetet ndërgjegjësuese që ka qëllim të përcjell porosinë vetëdijësuese për eliminimin e pengesave që janë krijuar për shkak të mungesës së gjithëpërfshirjes. (Parku i Qytet në Prizren, ora 11:00 - Keji përballë xhamisë së “Sinan Pashës”, ora 12:00 - Marash, ora 13:00)