23 Korrik 2018

OKB kufizon furnizimin me naftë të Koresë së Veriut

New York, 12 shtator - Këshilli i Sigurimit i Kombeve të Bashkuara miratoi një rezolutë të re për Korenë e Veriut pas provës së gjashtë të bombës me hidrogjen, duke ndaluar eksportin e tekstileve dhe kufizuar importimin e naftës bruto.

Rezoluta e sotme, e treta e kaluar nga Këshilli i Sigurimit brenda pesë javëve, e kufizon me 30 për qind furnizimin me karburant.

Ndërkohë ndalimi i eksporteve të tekstileve do t'i kushtojë Koresë së Veriut 800 milionë dollarë. Rezoluta ndalon gjithashtu dërgimin e remitancave nga jashtë.

Me hyrjen në fuqi të sanksioneve të reja, 90 për qind e eksporteve të Koresë së Veriut janë tani të ndaluara.

Rezoluta e mëparshme ndaloi eksportimin prodhimeve të detit.

Pas rezolutës të së hënës, Ministria e Jashtme e Kinës, deklaroi se vendi e mbështet Këshillin e Sigurimit të OKB-së të marrë masat e nevojshme në lidhje me provat bërthamore të Koresë së Veriut. 

Kalendari

Ngjarjet e datës 22 Korrik 2018  - Ministri i Zhvillimit Ekonomik, Valdrin Lluka do të zhvillojë një vizitë Komunën e Kamenicë ku do te takoeht me me kryetarin e Kamenicës, Qëndron Kastrati. (Objekti i Komunës, ora 9:00)

- Kryetari i Odës Ekonomike të Kosovës viziton kompaninë Al Petrol  në kuadër të ciklit të takimeve me bizneset që ka nisur që nga zgjedhja si Kryetar për mandatin e ri katër vjeçar.  (Zyret Qendrore te Al Petrol, ora 9:00)

- OJQ EC Ma Ndryshe, ORKIDE dhe X40 mbajn konferencën për media rreth performancës publike “Drunj të pastër”. (Sheshi “Shatërvan”, ora 10:00)

- Mbahet mbledhja e Komisionit për Integrime Evropiane lidhur me shqyrtimin e Projektligjit për ratifikimin e Marrëveshjes Financiare për IPA 2017, pjesa e parë ndërmjet Kosovës dhe Bashkimit Evropian- e ftuar për të prezantuar këtë Marrëveshje znj. Dhurata Hoxha - Ministre e Integrimit Evropian. (Ndërtesa e Kuvendit, salla N 303, ora 10:00)

- Ministri i Zhvillimit Ekonomik, Valdrin Lluka do të vizitojë Projektin “Air Energy”, në  fshatin Kitkë te Komunës se Kamenicë. (Fshati Kitkë, ora 10:30)

- Mbahet seanca plenare e Kuvendit të Republikës së Kosovës. (Kuvendi i Kosovës, ora 11:00)

- Kryeministri Ramush Haradinaj vizitë pune në Ministrinë e Punëve të Jashtme. (Ministria e Punëve të Jashtme, ora 12:00)

- Aleanca Kosovare e Bizneseve mban konferencën për media me temë “Pse ikin investitorët e huaj nga Kosova“. (Zyret e AKB–së, ora 13:00)

- Komisioni për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi takohet me anëtarët e Këshillit Shtetëror të Cilësisë të AKA. (Ndërtesa e Kuvendit, salla N204, ora 13:00)
 
- Ministri i Zhvillimit Ekonomik, Valdrin Lluka do të zhvillojë një vizitë në Minierën e Artanës ku do te takohet me menaxhmentin dhe minatorët. (Miniera e Artanës, ora 14:00)