23 Shkurt 2019

Novergjia ankohet në OBT për tarifat amerikane mbi çelikun dhe aluminin

Oslo, 13 qershor - Ministria e Jashtme e Norvegjisë bëri të ditur që Oslo i ka paraqitur një ankesë zyrtare Organizatës Botërore të Tregtisë mbi tarifat e reja të ShBA-së për çelikun dhe aluminin.

Ministria deklaroi se "shpërfillja e Uashington-it për rregullat e OBT-së dobëson besueshmërinë e Shteteve të Bashkuara në tregtinë ndërkombëtare dhe minon rregullat e bazuara në sistemin e tregtisë shumëpalëshe".

Deri tani, Bashkim Europian, Kanadaja, Meksika, Kina, India dhe disa ekonomi të tjera kanë kërkuar konsultime me ShBA-në për të zgjidhur mosmarrëveshjen mbi shtimin e tarifave.

Prej 1 qershorit, ShBA-ja vendosi tarifa prej 25 për qind për çelikun dhe 10 për qind për aluminin e importuar nga BE-ja, Kanadaja dhe Meksika.

Vendosja e tarifave të reja u konsiderua nga BE-ja si "proteksionizëm i pastër". 

Kalendari

Ngjarjet e datës 23 shkurt 2019

- Fillon kampionati ekipor në pingpong me në garat ekipore në ligën e juniorëve. (Shkolla Tefik Qanga në Ferizaj, ora 10:00)

- Alternativa e përfaqësuar nga Hasan Preteni dhe Alfred Halili anëtarë të Kryesisë Qendrore  do të mbajnë konferencën për media për të prezantuar qëndrimin e subjektit politik lidhur me "Sistemin e drejtësisë, defektete dhe ndryshimet që duhen bërë". (Selia e partisë, Kompleksi Qafa, kati 1, nr. 67, ora 12:00)

- Galeria Kombëtare e Kosovës dhe British Council organizon panel diskutimi për gratë artiste gjatë rezistencës së Kosovës të viteve 90. (Galeria e Arteve të Kosovës, ora 12:00) 

- Fondacioni Lumbardhi dhe Fondacioni Kosovar i Arkitekturës organizojnë ligjeratën publike “Bukuria e asaj që mbetet” të arkitektes Aslıhan Demirtas. (Kino Lumbardhi, ora 17:00)