15 Shkurt 2019

Nënshkruhet marrëveshja për promovimin e eksportit

Prishtinë, 17 shtator - Sot, Klubi i Prodhuesve te Kosovës ka nënshkruar një marrëveshje bashkëpunimi me EYE- Enhancing Youth Emloyment, për implementimin e projektit për ngritjen e kapaciteteve për eksportin e produkteve ‘Made in Kosova’ në tregjet jashtë vendit. Projekti EYE i Agjencisë  Zvicerane për Zhvillim dhe Bashkëpunim (SDC) implementohet nga HELVETAS Swiss Intercooperation dhe MDA. 

Prioriteti kryesor i KPK-së është zhvillimi i qëndrueshëm ekonomik i Kosovës dhe përfshirja në tregjet ndërkombëtare si pjesë e këtij zhvillimi.

Kompanitë kosovare kanë kapacitete prodhuese dhe janë të gatshme të rrisin këto kapacitete edhe për tregjet jashtë vendit. Të dhënat tregojnë që kompanitë të cilat eksportojnë janë më konkurruese, më produktive si dhe janë më inovative krahasuar me kompanitë të cilat fokusohen vetëm në tregun e brendshëm.  

Kosova si një ndër ekonomitë më të hapura, eksportet e saj kanë filluar të zgjerohen në tregjet të cilat kanë potenciale të mëdha, e për këtë arsye është mese e nevojshme krijimi i lidhjeve të rëndësishme tregtare.

Me anë të këtij projekti të dy palët të cilat sot nënshkruan këtë marrëveshje bashkëpunimi dakordohen që në kuadër të fuqizimi të sektorit të prodhimit, është e rëndësishme edhe gjetja e tregjeve të reja për produktet ‘Made in Kosova’.

Astrit Panxha, drejtor ekzekutiv i Klubit të Prodhuesve të Kosovës, tha që “Roli i jonë është të ndihmojmë kompanitë kosovare dhe produktet ‘Made in Kosova’ të kenë qasje dhe të arrijnë sukses si në tregjet rajonale, po ashtu edhe në ato globale.

KPK në vazhdimësi ka punuar për fuqizimin e sektorit të prodhimit, dhe tanimë është në fazën e krijimit të një programi i cili do të mundësonte ndihmë dhe mbështetje direkte për kompanitë të cilat dëshirojnë të eksportojnë në tregjet e Amerikës Veriore dhe BE, vendet e CEFTA-së duke përfshirë edhe regjionin e Turqisë, si dhe tregjet  Lindjes së Mesme dhe Afrikës Veriore”.

KPK në kuadër të këtij programi do të ofrojë këto shërbime për kompanitë prodhuese, si Hulumtime të tregjeve për eksporte, strategji për eksportet, zhvillim të brendit, strategji për shitje dhe marketing, përfshirja në panaire të ndryshme, si dhe përgatitjen e dokumenteve të nevojshme strategjike. 

Kalendari

Ngjarjet e datës 15 shkurt 2019 - Përfaqësues të Zyrës së Koordinatorit Nacional për Kulturë, Rini dhe Sport së bashku me Zëvendësministrin e Arsimit, Shkencës dhe Teknologjisë Azem Guri, do të mbajnë takim me drejtorët e shkollave të Komunës së Hanit të Elezit ku do të prezantohet Programi Nacional për Rininë. (DKA, Hani i Elezit, ora 9:00)

- Me rastin e shënimit te 49-të vjetorit të themelimit të Universiteti i Prishtinës “Hasan Prishtina” mbahet konferenca e rektorëve të universiteteve publike shqiptare. (Hotel Swis Diamand, ora 9:30)

- Kryetarit i Komunës, Lutfi Haziri, mban konferencë të jashtëzakonshme për media. (Zyra e krytarit Haziri, ora 9:45)
 
- Ministrisë së Shëndetësisë, Uran Ismaili raporton para Komisionit për Shëndetësi, Punë dhe Mirëqenie Sociale lidhur me Licencimin e institucioneve private shëndetësore. (Ndërtesa e Kuvendit, salla N 303, ora 10:00)

- Kryeparlamentari Kadri Veseli pret në takim bashkëkryesuesit e delegacionit shtetëror për dialog, Fatmir Limajn dhe Shpend Ahmetin. (Kabineti i Kryeparlamentarit, ora 10:00)

- Koordinatori  Nacional për Kulturë, Rini dhe Sport në Qeverinë e Kosovës, Rexhep Hoti do të mbajë takim me drejtorët e shkollave të Komunës së Prizren ku do të prezantohet Programi Nacional për Rininë. (Shkolla “Abdyl Frashëri”, Prizren, ora 10:00)

- Mbahet mbledhja e Komisionit për Mbikëqyrjen e Financave Publike në të cilën do të behët shqyrtimi i Raportit të Auditimit për Menaxhimin Financiar dhe Kontrollet e Borxheve Publike për periudhën 2009-2017. (Ndërtesa e Kuvendit, salla N 302, ora 10:00)

- Programi i Kombeve të Bashkuara për Zhvillim përmes Projektit për Siguri në Kosovë dhe me mbështetjen e Ambasadës Mbretërore Norvegjeze në Kosovë, do të lansojnë projektin "Lufta kundër Krimit Kibernetik në Kosovë". (Rezidenca e ambasadorit norvegjez në fshatin ndërkombëtar, ora 10:30)

- Përfaqësues të Zyrës së Koordinatorit Nacional për Kulturë, Rini dhe Sport së bashku me Zëvendësministrin e Arsimit, Shkencës dhe Teknologjisë Azem Guri, mbajnë takim me drejtorët e shkollave të Komunës së Kaçanikut  ku do të prezantohet Programi Nacional për Rininë.(DKA, Kaçanik, ora 10:30)

- Ministri i Mjedisit dhe Planifikimit Hapësinor, Fatmir Matoshi do të vizitojë Gjilanin, ku do të pritet në takim nga kryetari i komunës, Lutfi Haziri, me të cilin do të bisedojnë për realizimin e projekteve të përbashkëta në fushën e mjedisit. (Zyra e Kryetarit të Komunës së Gjilanit, ora 10:30)

- Lidhja Demokratike e Kosovës mban konferencë për medie. (Selia qendrore të LDK-së, Kompleksi Qafa, ora 11:00)

- Lëvizja Vetëvendosje! mban koferencë për media. (Zyrët e Vetëvendosjes, ora 11:00)

- Komuna e Gjilanit në bashkëpunim me MMPH-në mbjell njëmbëdhjetë drunjë dekorativ për nder të njëmbëdhjetë vjetorit të Pavarësisë së Kosovës. (Shkolla Fillore “Abaz Ajeti” në Gjilan, ora 11:00)

- Drejtoria e Shërbimeve Shëndetësore e Policisë së Kosovës në bashkëpunim me Qendrën e Kosovës për Transfuzionin e Gjakut mbajnë fushatën për dhurimin vullnetar te gjakut. (Kampi Vrella, tek pjesëtarët e Njësive Speciale të PK-së, ora 11:00)

- Ministri i Kulturës, Rinisë dhe Sportit, Kujtim Gashi do të ndajë Çmimin për vepër jetësore “Azem Shkreli” si dhe çmimet tjera vjetore në letërsi. (Kabineti i ministrit. ora 11:00)

- Komuna e Gjilanit organizon program nga fëmijët e shkollës fillore “Thimi Mitko” në Gjilan për shënimin e njëmbëdhjetë vjetorit të Pavarësisë së Kosovës. (Përballë Teatrit të Qytetit të Gjilanit, ora 11:30)

- Mbahet manifestimi qendror për 49-vjetorin e themelimit të Universiteti i Prishtinës. (Biblioteka Qendrore Universitare, ora 12:00)

- Kryetari i Komunes se Gjilanit, Lutfi Haziri dhe Ministri i Mjedisit dhe Planifikimit Hapësinor, Fatmir Matoshi do të inspektojnë vazhdimin e punimeve në lumin “Mirusha” në Gjilan. (Pjesa në Dardania 2, ora 12:00)

- Koordinatori Nacional për Kulturë, Rini dhe Sport në Qeverinë e Kosovës Rexhep Hoti do të mbajë takim me drejtorët e shkollave të Komunës së Ferizajit ku do të prezantohet Programi Nacional për Rininë. (DKA, Ferizaj, ora 13:00)

- Përfaqësues të Zyrës së Koordinatorit Nacional për Kulturë, Rini dhe Sport së bashku me Zëvendësministren e Kulturës, Rinisë dhe Sportit znj. Leonora Morina-Bunjaku do të mbajnë takim me drejtorët e shkollave të Komunës së Gjilanit ku do të prezantohet Programi Nacional për Rininë. (DKA, Gjilan, ora 13:00)

- Ministri i Arsimit, Shkencës dhe Teknologjisë, Shyqiri Bytyqi, do të presë në takim ministren e Arsimit, Sportit dhe Rinisë të Shqipërisë, Besa Shahini. (Kabineti i Ministrit, ora 14:00)

- Policia e Kosovës mban konferencën e jashtëzakonshme për media, e cila i dedikohet një rasti të suksesshëm policor si dhe prezantimit të disa raporteve statistikore në fusha të ndryshme policore. (Stacioni policor “Qendra” në Prishtinë, ora 14:30)

- Koordinatori  Nacional për Kulturë, Rini dhe Sport në Qeverinë e Kosovës Rexhep Hoti do të mbajë takim me drejtorët e shkollave të Komunës së Vitisë ku do të prezantohet Programi Nacional për Rininë. (DKA, Viti, ora 15:00)

- Në shënimin e njëmbëdhjetë vjetorit të Pavarësisë së Kosovës  Komuna e Gjilanit organizon program Festiv nga Gjimnazi  “Zenel Hajdini”. (Gjimnazi “Zenel Hajdini” në Gjilan, 15:00)

- Përfaqësues të Zyrës së Koordinatorit Nacional për Kulturë, Rini dhe Sport së bashku me Zëvendësministren e Kulturës, Rinisë dhe Sportit znj. Leonora Morina-Bunjaku do të mbajnë takim me drejtorët e shkollave të Komunës së Kamenicë ku do të prezantohet Programi Nacional për Rininë. (DKA,Kamenicë, ora 15:00)

- Fondacioni Lumbardhi dhe Fondacioni Kosovar i Arkitekturës organizojnë ligjeratën publike “Bukuria e asaj që mbetet” të arkitektes Aslıhan Demirtaş. (Kino Armata, ora 17:00)

- Hapet ekspozita “Të jetosh me kujtimet e të pagjeturve”, me rrëfime të familjarëve të të pagjeturve, fotografi të Atdhe Mullës dhe të kuruar nga Eliza Hoxha. (Kuvendi i Republikës së Kosovës, ora 18:00)

- Kryeparlamentari Kadri Veseli viziton klubin e basketbollit Prishtina me rastin e kualifikimit historik në garat përfundimtare të FIBA-s. (Klubi i basketbollit Prishtina në Pallatin e Rinisë, ora 19:00)

- Mbahet mbrëmje Festive në Hotelin “Kristal” nga Gjimnazi” Hydajet Lezha” dhe “Zenel Hajdini” në Gjilan. (Hotel Kristal në Gjilan, ora 20:00)