25 Qershor 2018

MTI përkrah projektin për ruajtën e kompanive nga procesi e falimentimit

Prishtinë, 8 mars - Zëvendësministri i Tregtisë dhe Industrisë, Faton Thaçi, priti sot në takim Suzana Dautaj, koordinatore e projektit “Zgjidhja e borxhit dhe dalja nga biznesi”, të implementuar nga Korporata Financiare Ndërkombëtare (International Finance Corporation) - IFC dhe financuar nga Agjencia Zvicerane për Zhvillim (SCO).

Temë diskutimi ishte prezantimi i objektivave të këtij projekti dhe identifikimin e aktiviteteve për të ardhmen dhe më pastaj nënshkrimi i marrëveshjes të të dyja palëve në mes të Ministrisë së Tregtisë dhe Industrisë si kryesues i këtij procesi dhe IFC si implementues dhe këshillues.

Znj. Dautaj tha se qëllimi i këtij projekti është ruajta e kompanive nga procesi e falimentimit apo bankrotimit.

Më tej, zv/ministri Thaçi tha se ne jemi të gatshme që t’i japim frymë këtij procesi dhe u zotua se ky projekt do të jetë i zbatueshëm dhe do të gjejë përkrahje edhe nga pjesa që i takon MTI-së, pasi që kjo ministri tani më ka hartuar edhe platinin legjislativ që përkon me projektin në fjalë.

“Ky projekt ka përmasa kombëtare pasi që konsiderojmë se sot është patriotizëm të sfidohesh profesionalisht në ruajtjen, ndërtimin dhe zhvillimin e potencialeve ekonomike që posedon ky vend”, tha Thaçi.
 

Kalendari

Ngjarjet e datës 25 Qershor 2018  - Iniciativa për Drejtësi dhe Barazi Inject, organizon tryezën me temë 'Si ta parandalojmë dhunën ekonomike?', ku edhe do të prezantohet Iniciativa për Ndryshimin e Ligjit për Familjen, gjegjësisht saktësimi i dispozitave ligjore në lidhje me ndarjen e pasurisë së përbashkët bashkëshortore. (Hotel Sirius, ora 9:00)

- Komuna e Gjilanit dhe organizata “Let’s Do It Kosova' te mbështetur nga Ministria e Mjedisit dhe Planifikimit Hapësinor organizojn aksion pastrimi në kuadër të fushatës “Ta Pastrojmë Kosovën” në Gjilani. (Para teatrit të Gjilanit, ora 10:00)

- Mbahet ceremonia e diplomimit të kadetëve të Forcës  së Sigurisë së Kosovës. (Kazerma 'Skënderbeu’, në Komandën e Doktrinës dhe Stërvitjes,  në Ferizaj, ora 11:00)

- Zyra e Bashkimit Evropian dhe Ministria e Integrimit Evropian organizojn takimin iniciues për nisjen e programimit të programeve kombëtare për Kosovën, IPA 2019 dhe IPA 2020, të financuara nga Bashkimi Evropian. (Ndërtesa e Qeverisë, salla P-38, ora 11:00)

- Komisioni për Buxhet dhe Financa mban dëgjim publik lidhur me Projektligjin nr.06/L-072 për Institucionet Mikrofinanciare dhe Institucionet Financiare Jobankare. (Ndërtesa e Kuvendit, salla C 203, ora 11:30)

- Kryeministri i Republikës së Kosovës, Ramush Haradinaj e viziton Komunën e Klinës ku do te takohet me Kryetarin Komunës, drejtorët dhe asamblistët. (Objekti i Komunës se Klinës, ora 14:00)

- Kryeministri i Republikës së Kosovës, Ramush Haradinaj takohet me familjarë  të dëshmorëve, biznese lokale, persona nga fusha e artit, sportit, muzikës, OJQ, etj, të Komunës së Klinës. (Objekti i Komunës se Klinës, ora 15:00)