18 Janar 2021

MTI finalizon ndarjen e subvencioneve për gratë ndërmarrëse

Prishtinë, 2 dhjetor - Në Ministrinë e Tregtisë dhe Industrisë (MTI) u mbajt ceremonia e nënshkrimit të marrëveshjeve të bashkëfinancimit për Ndërmarrjet Mikro, të Vogla dhe të Mesme, që udhëhiqen nga gratë ndërmarrëse.

Ministri i Tregtisë dhe Industrisë, Vesel Krasniqi, theksoi me këtë rast se gratë ndërmarrëse në vazhdimësi kanë dëshmuar se dinë të menaxhojnë jo vetëm me familjet e tyre, por dinë të bëjnë edhe biznes, si dhe të administrojnë me institucionet publike.

Krasniqi theksoi se dhënia e subvencioneve në këtë pjesë të fund-vitit përkon me fushatën e mbështetur nga institucionet publike dhe shoqëria civile “16 ditët e aktivizimit”.

“Gjithashtu kjo fushatë ka për qëllim rritjen e vetëdijes mbi të drejtat dhe barazinë gjinore, ngritjen e informacionit në të gjitha nivelet, krijimin e partneritetit midis institucioneve, organizatave të shoqërisë civile, vetëdijesimin e popullatës për pasojat e dhunës, inkurajimin për të informuar për çdo padrejtësi, si dhe parandalimin dhe zhdukjen e kësaj dukurie në shoqërinë tonë”, potencoi ministri Krasniqi.

Ai theksoi se edhe në MTI çështja e barazisë gjinore, vit pas viti ka avancuar duke ndikuar në rritjen e punësimit apo gjetjes së hapësirës edhe për gjininë femërore.

Sipas tij, në kuadër të këtyre aktiviteteve dhe në mbështetje të grave ndërmarrëse, MTI-ja përkatësisht agjencia e KIESA-s këtë vit kanë mbështetur 32 biznese, që i udhëheqin gratë ndërmarrëse.

Ministri Krasniqi potencoi po ashtu se në buxhetin e vitit 2021 është paraparë rritja e buxhetit sa i përket subvencioneve për gratë ndërmarrëse, derisa kanë kërkuar mbështetje edhe më të madhe nga Banka Botërore për këtë qëllim.

Në fund të ceremonisë, drejtori i Departamentit për Përkrahjen e Sektorit Privat, Arbër Muhaxheri  nënshkroi marrëveshjet me disa biznese, të përfaqësuara nga gratë ndërmarrëse.

 

Kalendari

Ngjarjet e datës 18 Dhjetor 2020 - Ministria e Punëve të Brendshme bën përurimin e aneks-objektit të Agjencisë së Kosovës për Forenzikë. (Objekti i Agjencisë, që gjendet afër ish-fabrikës së amortizatorëve, ora 9:30)

- Mbahet seanca gjyqesore ndaj te pandehures Mimoza Pajaziti. (Gjykata Themelore në Ferizaj, Salla nr.II, ora 9:30)

- Me rastin e fillimit të gjysëmvjetorit të dytë të vitit shkollor kryetari i Komunës së Prizrenit, Mytaher Haskuka dhe drejtoresha e Drejtorisë Komunale të Arsimit, Xhemile Thaçi Vezgishi, do të vizitojnë shkollën fillore "Lekë Dukagjini" dhe Gjimnazin "Remzi Ademaj", ora 10:00. (Nisja e organizuar nga Shtëpia e Bardhë, ora 9:40)

- Këshilli Prokurorial i Kosovës mban takimin e 193-të në të cilin pritet të votohet për Kryesuesin dhe Zëvendëskryesuesin e ri të Këshillit Prokurorial të Kosovës. (Online, ora 10:00)

- Mbahet seanca gjyqesore ndaj te pandehurit Emin Stublla për vrasje në tentativë. (Gjykata Themelore në Ferizaj, Salla nr.II, ora 10:00)

- Ministri në detyrë i Drejtësisë, Selim Selimi do të mbajë konferencë për media. (Holli i Ministrisë së Drejtësisë, ora 11:00)

- Ministrja e Kulturës, Rinisë dhe Sportit, Vlora Dumoshi do të ndajë çmimin vjetor “Anton Çetta”. (Ambientet e Bibliotekës Kombëtare të Kosovës, ora 11:00)

- Aleanca për Ardhmërinë e Kosovës, prezenton Programin Zgjedhor 2021-2025. (Biblioteka Kombëtare, ora 15:00)