27 Shkurt 2020

Miratohet Koncept Dokumenti për Fushën e Konkurrencës

Prishtinë, 14 maj - Në mbledhjen e sotme të Qeverisë së Republikës së Kosovës, pika e parë që mori aprovimin e kabinetit qeveritar, ishte vendimi për ndryshimin dhe plotësimin e Vendimit të Qeverisë nr. 14/98 të datës 18 prill 2019, i cili parasheh marrjen në shfrytëzim në kohë të pacaktuar të Aeroportit Civil të Gjakovës, për nevojat strategjike të Ministrisë së Mbrojtjes dhe Forcës së Sigurisë së Kosovës.

Po sot, me vendim të Qeverisë janë ndarë mjete financiare për implementimin e projektit Kompakt të Zyrës së për Sfidat e Mijëvjeçarit në kuadër të Zyrës së Kryeministrit si dhe u ndanë mjete financiare për përmbushjen e kontributit vjetor të Qeverisë së Republikës së Kosovës në Qendrën Rajonale të Nismës Rajonale për Migrim, Azil dhe Refugjat (MARRI), me seli në Shkup, për vitin 2019.

Vendim tjetër që mori aprovimin e kabinetit qeveritar ishte shqyrtimi i mëtejmë i kërkesës për shpronësim shtesë të pronave të paluajtshme të cilat preken nga ndërtimi i Objektit të Pikë-kalimit kufitar të përbashkët mes Republikës së Kosovës dhe Maqedonisë së Veriut, Zona Kadastrale Stançiq, Komuna e Gjilanit.

Në mbledhjen e sotme u miratua edhe Koncept Dokumenti për Fushën e Konkurrencës i cili ka për qëllim përmirësimin e kornizës ligjore në fushën e konkurrencës, me qëllim mbrojtjen e konkurrencës dhe funksionimin e lirë të tregut. Me përmirësimin e kornizës ligjore synohet të arrihet përputhshmëri më e lartë me standardet dhe praktikat e Bashkimit Evropian.

Qeveria aprovoi vendimin për të kërkuar nga Presidenti i Republikës së Kosovës dhënien e autorizimit Ministrit të Tregtisë dhe Industrisë për nënshkrimin e Protokollit shtesë 6 për Tregtinë në Shërbime në Marrëveshjen për Amendimin dhe Aderimin në Marrëveshjen për Tregti të Lirë të Evropës Qendrore dhe u miratua Nisma për nënshkrimin e Marrëveshjes Financiare Trepalëshe ndërmjet Bashkimit Evropian, Kosovës dhe Maqedonisë së Veriut për vitin 2018, për Programin e Bashkëpunimit Ndërkufitar për IPA ndërmjet Kosovës dhe Maqedonisë së Veriut.

Në mbledhjen e sotme, kabineti qeveritar u njoftua për Raportin mbi Zbatimin e Programit Kombëtar për Zbatimin e Marrëveshjes së Stabilizim – Asociimit gjatë periudhës janar-mars 2019, derisa Ministri i Administratës Publike, Mahir Jagxhilar, informoi kabinetin qeveritar për procesin e Reformës në Administratën Publike dhe rishikimin e Agjencive të Pavarura, derisa  Zëvendëskryeministri Enver Hoxhaj njoftoi kabinetin qeveritar rreth përgatitjeve që janë duke u bërë për mbajtjen e mbledhjes së përbashkët ndërmjet Qeverisë së Republikës së Kosovës dhe Qeverisë së Maqedonisë së Veriut.

Poashtu, në këtë mbledhje ministri i Infrastrukturës dhe Transportit, Pal Lekaj, njoftoi kabinetin qeveritar për përmbylljen e punëve dhe datën e përurimit të Autostradës “Arbën Xhaferi”,  Prishtinë -Hani i Elezit, e cila do të bëhet më 29 maj të këtij muaji.
 

Kalendari

Ngjarjet e datës 27 shkurt 2020 - Kryeministri Albin Kurti pret në takim Komandantin e KFOR-it, Michele Risi. Ndërtesa e Qeverisë, ora 8:40 - vetëm pamje)

- Shefja e Zyrës së Bashkimit Evropian në Kosovë, Nataliya Apostolova do të marrë pjesë në eventin përmbyllës të projekti të BE-së për mbështetjen e shërbimeve korrektuese dhe sprovuese të Kosovës, i cili do të mbahet në Prishtinë. (Hotel Emerald, ora 9:00)

- Nën organizimin e Sindikatës së Pavarur të Sektorit Privat të Kosovës, punëtorët e sigurimit fizik të Rektoratit të Universitetit të Mitrovicës do të protestojnë për shkeljet e tyre ligjore nga ana e kompanisë e cila edhe pse është vërtetuar që ju ka borxh punëtorëve asaj nuk i intereson kjo. (Para Rektoratit të Universitetit të Mitrovicës, ora 10:00)

- Mbahet  seanca e Kuvendit të Komunës së Gjilanit. (Salla e mbledhjeve të Kuvendit të Komunës së Gjilanit, (ish objekti i gjykatës. ora 10:00)

- Kryeministri Albin Kurti pret në takim zëvendës presidentin e Parlamentit Evropian, Rainer Wieland. (Ndërtesa e Qeverisë, ora 10:00 - vetëm pamje)

- Koalicioni i OJQ-ve për Mbrojtjen e Fëmijëve në partneritet me rrjetin Kraeeyn organizon konferencën për publikimin e “Politikës rekomanduese për zhvillimin në fëmijërinë e hershme”. (Hotel Sirius, ora 10:00)

- Mbahet mbledhja e rregulltë e Kuvendit Komunal të Mitrovicës. (Salla e Kuvendit të Komunës së Mitrovicës, ora 10:00)

- Zyra e Bashkimit Evropian në bashkëpunim me komunën e Prishtinës do ta përuroj çerdhen në lagjen Kalabria në Prishtinë. (Lagjja Kalabria, ora 10:30)

-  OJQ-së Aktiv bën prezentimin e letrës ‘Vlerësimi i të drejtave dhe lirisë në komunitetet Serbe të Kosovës’, mbështetur nga Qendra Ndërkombëtare Olof Palme. (Hotel Sirius, ora ora 11:00)

- Komisioni për Integrim Evropian bën shqyrtimin e draft-planit të punës së komisionit për vitin 2020. (Ndërtesa e Kuvendit, salla N 204, ora 11:00)

- Kryetarja e Kuvendit të Kosovës, dr. Vjosa Osmani, pret në takim nënkryetarin e Parlamentit Evropian, Rainer Wieland, (Kabineti i kryetares Osmani, ora 11:30 - vetëm pamje)

- Nënkryetari i Komunës së Gjilanit, Arbër Ismajli, me bashkëpunëtorët pret në takim zëvendësministren e Arsimit, Sportit dhe Rinisë të Shqipërisë, Lorena Haxhiu. (Zyra e kryetarit, ora 13:30)

- Mbahet mbledhja e Qeverisë së Republikës së Kosovës. (Ndërtesa e Qeverisë, ora 16:00)

- Fondacioni Shtatëmbëdhjetë organizon hapjen e Ekspozitës INFRARED: Additions në Fushë Kosovë. (Rr. e Pejës të rrethi në Fushë Kosovë, ora 18:00)