22 Tetor 2019

Ministria Shala bashkë me Inspektoratin ka kontrolluar pikat shitëse ushqimore

Prishtinë, 13 prill - Ministri i Tregtisë dhe Industrisë, Endrit Shala, bashkë me Inspektoratin ka dalë në terren për të inspektuar pikat shitëse ushqimore me qëllim të verifikim dhe kontrollit në atë fushë që e mbulon MTI-ja.

Ministri e ka lënë në dorën e mediave të vendosin se ku do të kryhen inspektimet me qëllim të transparencës.

“Pas shumë shqetësimeve nga qytetarët, mediat por edhe deputetët se në tregun e Kosovës edhe pas vendosjes së taksës prej 100%, po vazhdojnë të jenë ende në qarkullim produkte nga këto dy vende, sot kam vendosur që të bëjmë inspektime të jashtëzakonshme dhe pikat e inspektimit  do t’i përzgjedhin gazetarët."

"Do të inspektohen pikat shitëse ushqimore, me qëllim që të heqim secilin dyshim se në treg potencialisht mund të ketë mallra të konrabanduara. Deri me tash kemi kryer mbi 1000 inspektime dhe nuk kemi gjetur raste me të cilat mundemi ma ardhur në përfundim që ka mallra në kundërshtim me ligjet në fuqi”, tha ministri Shala.

Shala ka theksuar se pas inspektimeve që u bënë në terren, e që përzgjedhjen e bënë mediat, u kërkuar nga kompanitë që t’i sjellin dokumentet e produkteve me origjinë nga Serbia dhe Bosnja e Hercegovina, për ta vërtetuar se a janë në rregull ligjërisht.

Ministri ka thënë se edhe në javët e ardhshme do të vazhdojë inspektimi edhe tek operatorët tjerë.

“I inspektuam tri pika shitëse në Komunën e Prishtinës, të përzgjedhura nga mediat, me qëllim të zbatimit Ligjit për Mbrojtjen e Konsumatorit, Udhëzimit Administrativ për Vendosjen e Flamujve të origjinës dhe njëkohësisht për kontrollimin e produkteve që e kanë masën 100 për qind."

"Ashtu siç e patë edhe ju, kemi kërkuar nga kompanitë të na pajisin me dokumentacione për produkte që hyjnë nga Serbia dhe Bosnja se kur këto produkte janë importuar në Kosovë. Po ashtu e pamë një përkushtim të shoqërive tregtare për vendosjen e flamujve të vendit të origjinës."

"Hasëm në disa probleme me të cilat inspektorati do t’i merr masat me ligj, atu kush është hasur që nuk është zbatuar ligji."

"Me këto inspektime do të vazhdojmë në mënyrë permanente edhe nëpër shoqëritë të tjera tregtare, siç janë pikat shitëse të karburanteve, dhe do të vendosim së bashku për kontrolle. Krejt kjo po bëhet me qëllim të mbrojtjes së konsumatorit”, tha ministri Shala.


 

Kalendari

Ngjarjet e datës 22 tetor 2019 - Me rastin e 30 vjetorit të rënies së komunizmit, Instituti Shkencor Kosovaro-Suedez do të organizojë konferencën shkencore ndërkombëtare me titull '30-vjetori i rënies së sistemit komunist'. (Hoteli Sirius, ora 9:00)

- Nën patronatin e Kryeprokurorit të Shtetit mbahet dita e dytë e “Javës për të Drejtat e Viktimave të Krimit” me ç‘rast do të organizohet konferencë per koordinimin ndërinstitucional në trajtimin e rasteve të trafikimit të qenieve njerëzore si dhe sfidat në trajtimin e rasteve të dhunës seksuale gjatë luftës. (Hotel Emerald, ora 9:30)

- Drejtori i Zyrës për Rritje Ekonomike pranë misionit të USAID-it në Kosovë, Matthew Cullinane, do të flasë në hapjen e Konventës së tretë vjetore të Industrisë së Veshmbathjeve në Kosovë. (Hoteli Emerald, ora 10:00)

- Punëtorët teknik të Fakulteteve të UP-së “Hasan Prishtina” në Prishtinë, do të protestojnë para Rektoratit të UP-së. (Para Rektorati, ora 10:00)

- Nën patronatin e kryetarit të komunës së Mitrovicës, Agim Bahtiri do të mbahet Panairi i Sportit me të gjitha klubet sportive të qytetit të Mitrovicës. (Sheshi “Isa Boletini” në Mitrovicë, ora 10:00)

- Dega e Alternatives në Gjakovë mban konferencë për media. (Zyrët e Alternativës në Çarshinë e Jupave në Gjakovë, ora 11:00)

- Bëhet promovimi i librit “Gjinekologjia me obstetrikë  për infermieri dhe mami” me autore Prof. dr. Myrvete Paçarada dhe bashkautorë  Ass. dr. Vlora Ademi Ibishi dhe Ass. dr. Nyltene Kongjeli. (Biblioteka Kombëtare e Kosovës, ora 11:00)

- Më rastin e Ditës Boterore të Energjisë, Instituti për Politika Zhvillimore mban konferencë për media me temë 'Cilat duhet të jenë prioritete e qeverisë së re në sektorin e energjisë në Kosovë?  - Rekomandime dhe propozime nga shoqëria civile'. (Zyrët e Resource Center (Lagjja Pejton, Rr. Pashko Vasa, nr. 1, përballë Hotel Royal, ora 13:00)

- Këshilli Prokurorial i Kosovës mban takimin e 173-të. (Objekti i Prokurorisë së Shtetit, ora 13:30)

- ETEA organizon premierën e shfaqjes “Muret Flasin” që i dedikohet përkujtimit të organizimit të arsimit paralel gjatë viteve të '90-ta. (Shtëpia - shkollë “Sami Frashëri” e familjes Aliu - Hertica, ora 20:00)