24 Qershor 2018

Ministria e Financave njofton prodhuesit vendor për politikat e reja fiskale

Prishtinë, 5 janar - Pas marrjes së vendimit nga Qeveria e Kosovës në fund të vitit 2017 për masat e reja fiskale për përkrahjen ndaj prodhuesve vendor, Ministria e Financave i informon ata për mënyrën dhe procedurën e zbatimit të këtyre vendimeve të cilat kanë filluar së zbatuari nga 1 janari 2018.

Vendimi nr. 13/7 i datës 6.10.2017 parasheh lirimin nga tatimi i akcizës për të gjithë prodhuesit.

Vendimi nr. 14/7 i datës 6.10.2017 parasheh lirimin nga tatimi doganor për të gjithë prodhuesit që importojnë vet apo përmes kontraktuesve për: Lëndën e parë që përdoret në prodhim, Gjysmëproduktet që përdoren në prodhim, Linjat e makinerive prodhuese si dhe Pajisjet e teknologjisë së informacionit. 

Referuar paragrafit 1.3 të vendimit 14/07 të datës 06.10.2017, ATK-ja do të lëshoj Autorizim me shkrim në rastet e importimit. 

Vendimi Nr.13/07 të datës 06.10.2017 për të liruar nga tatimi i akcizës të gjithë prodhuesit që importojnë vet apo përmes kontraktuesit, për të gjitha burimet e energjisë të cilat përdoren për qëllime të prodhimit, Dogana  e Kosovës si bazë ligjore për të liruar nga tatimi i akcizës do të merr  Autorizimin e ATK-së që lëshohet sipas nenit 48.3 të Udhëzimit Administrativ nr. 03/2015 “Lirimi nga TVSH me rastin e importimit të lëndës së parë” mbi aprovimin e kërkesës së aplikuesit.

Autorizimet e lëshuara nga ATK-ja për lirim (shtyrje) të TVSh-së për prodhuesit do t’i dërgohen në baza të rregullta Doganës për njohje, ndërsa Normativi për prodhim do t’i dërgohet Doganës sipas kërkesës së saj.

Prodhuesit e autorizuar të cilët realizojnë importet e lejuara për lirim (shtyrje) të TVSH-së përmes kontraktuesve, paraprakisht duhet t’i autorizojnë kontraktuesit e tyre përmes autorizimit / kontratës së noterizuar.

Për nevoja të ATK-së, kontraktuesi i autorizuar pas importimit të mallrave të lejuara për nevoja të prodhuesit/përfituesit, duhet trajtuar si furnizim i tatueshëm me normat e aplikueshme për furnizimin përkatës.

Hapat që duhet të ndiqen nga një kompani prodhuese në Kosovë për të përfituar lirimet. 

Kalendari

Ngjarjet e datës 25 Qershor 2018  - Iniciativa për Drejtësi dhe Barazi Inject, organizon tryezën me temë 'Si ta parandalojmë dhunën ekonomike?', ku edhe do të prezantohet Iniciativa për Ndryshimin e Ligjit për Familjen, gjegjësisht saktësimi i dispozitave ligjore në lidhje me ndarjen e pasurisë së përbashkët bashkëshortore. (Hotel Sirius, ora 9:00)

- Komuna e Gjilanit dhe organizata “Let’s Do It Kosova' te mbështetur nga Ministria e Mjedisit dhe Planifikimit Hapësinor organizojn aksion pastrimi në kuadër të fushatës “Ta Pastrojmë Kosovën” në Gjilani. (Para teatrit të Gjilanit, ora 10:00)

- Mbahet ceremonia e diplomimit të kadetëve të Forcës  së Sigurisë së Kosovës. (Kazerma 'Skënderbeu’, në Komandën e Doktrinës dhe Stërvitjes,  në Ferizaj, ora 11:00)

- Zyra e Bashkimit Evropian dhe Ministria e Integrimit Evropian organizojn takimin iniciues për nisjen e programimit të programeve kombëtare për Kosovën, IPA 2019 dhe IPA 2020, të financuara nga Bashkimi Evropian. (Ndërtesa e Qeverisë, salla P-38, ora 11:00)

- Komisioni për Buxhet dhe Financa mban dëgjim publik lidhur me Projektligjin nr.06/L-072 për Institucionet Mikrofinanciare dhe Institucionet Financiare Jobankare. (Ndërtesa e Kuvendit, salla C 203, ora 11:30)

- Kryeministri i Republikës së Kosovës, Ramush Haradinaj e viziton Komunën e Klinës ku do te takohet me Kryetarin Komunës, drejtorët dhe asamblistët. (Objekti i Komunës se Klinës, ora 14:00)

- Kryeministri i Republikës së Kosovës, Ramush Haradinaj takohet me familjarë  të dëshmorëve, biznese lokale, persona nga fusha e artit, sportit, muzikës, OJQ, etj, të Komunës së Klinës. (Objekti i Komunës se Klinës, ora 15:00)