28 Shtator 2020

Maqedonia zotohet të shtojë Kosovën në listën që i lejohet të eksportojë produkte

Prishtinë, 15 maj - Përfaqësuesit e Odës së Afarizmit të Kosovës realizuan takime ministrore dhe ndërministrore për të adresuar sfidat me të cilat po përballet biznesi NewCo Trofta që i pamundësojnë eksportin e peshkut në Maqedoninë e Veriut.

Takimi i parë u realizua dje, nëpërmjet një video konference në mes të OAK-së, përfaqësuesit të biznesit NewCo Trofta Hysen Bytyqi, Ministrit të Bujqësisë, Pylltarisë dhe Zhvillimit Rural, Besian Mustafa së bashku me Ministrin e Bujqësisë, Pylltarisë dhe Ekonomisë së Ujërave të Maqedonisë së Veriut, Trajan Dimkovski, Zoran Atanasov – Drejtor i Agjencionit të Ushqimit dhe Veterinarisë në Maqedoninë e Veriut dhe Valdet Gjinovci – Krye-shef Ekzekutiv, AUV.

Kurse takimi tjetër ishte sot në mes të OAK-së, përfaqësuesit të biznesit NewCo Trofta, Ministres së Ekonomisë, Punësimit, Tregtisë, Industrisë, Ndërmarrësisë dhe Investimeve Strategjike Rozeta Hajdari, Kryeshefit në AUV Valdet Gjinovci dhe Departamentit të Tregtisë në MEPTINIS.

Gjatë këtyre takimeve u diskutuan sfidat me të cilat po përballet biznesi anëtar NewCo Trofta   si pasojë e mos lejimit të eksportit të rasadit të peshkut në Maqedoninë e Veriut. Ky problem ka më shumë se një vit që nuk është zgjidhur, edhe pse biznesi dhe Agjencia e Ushqimit dhe Veterinës në Kosovë kanë përmbushur të gjitha kërkesat dhe kriteret e kërkuara, megjithatë komisioni nga ana e Agjenicë së Ushqimit në Maqedoni nuk ka ardhur që të kryejë vlerësimin e aq më tepër nuk është përgjigjur në kërkesat e dërguara lidhur me këtë çështje.

Kujtojmë që Maqedonia e Veriut ka vendosur disa kritere të cilat duhet të plotësohen nga bizneset atje në mënyrë që të iu lejohet importi i peshqëve të vegjël – rasad (deri në 5 gr – sipas kërkesave të blerësve) nga bizneset kosovare. Nga pamundësia e finalizimit të marrëveshjeve me blerësit, “Newco Trofta”L.L.C. është dëmtuar shumë si pasojë e mbipeshës së rasadit të peshkut.

Pas video konferencës përfaqësuesit nga Maqedonia e Veriut u zotuan se do të shtojnë Kosovës në listën që i lejohet operatori ekonomik që të eksportojë produktet atje, mirëpo barrierat jo tarifore të cilat janë vendosur edhe në këtë rast e pamundësojnë këtë.

Andaj, nga Ministrja Hajdari, u kërkua që të merren masat e nevojshme nga digasteri që ajo drejton në mënyrë që të arrihet një zgjidhje sa më e shpejtë për këtë çështje.

Të dy Ministrat Mustafa dhe Hajdari janë zotuar që do të trajtojnë rastin me prioritet dhe do të krijojnë një komision për të trajtuar këtë çështje në mënyrë që të ndërmarrin të gjitha masat e nevojshme për negociim me shtetin fqinjë për tejkalimin e kësaj sfide.

Kalendari

Ngjarjet e datës 28 Shtator 2020 - Mbahet mbledhja e Qeverisë së Kosovës. (Ndërtesa e Qeverisë, ora 8:30)

-  Mbahet mbledhja e Komisionit për Mbikëqyrjen e Agjencisë së Kosovës për Inteligjencë në të cilën do të bëhët shqyrtimi dhe plotësimi i Planit të Punës së Komisionit për sesionin vjeshtor. (Ndërtesa e Kuvendit, ora N10, ora 9:30)

-  Organizata për Rritjen e Cilësisë në Arsim organizon aksionin protestues "Kundër plagjiaturës të përbashkuar", për denoncimin e plagjiaturave të udhëheqësve të ministrive të Arsimit në Kosovë dhe në Shqipëri, ministrit Ramë Likaj dhe ministres Evis Kushi. (Rruga Radovan Zogoviq në lagjen Pejton, para Ambasadës së Shqipërisë në Kosovë, ora 10:00)

-  Mbahet mbledhja e Komisionit për Punë të Jashtme dhe Diasporë në të cilën do të bëhët shqyrtimi i Përfundimit të Kryesisë së Kuvendit dhe shqyrtimi i draft - Planit të Punës së Komisionit. (Ndërtesa e Kuvendit, salla N303, ora 10:00)

- Zëvëndësministri i Drejtësisë, njëherit Koordinatori Nacional për Mbrojtje nga Dhuna në Familje, Florian Dushi, ​mbnjë një takim koordinues në të cilën temë diskutimi do të jetë: "Trajtimi i rasteve të dhunës në familje në kohën e pandemisë". (ish-objekti i Rilindjes, kati IX, salla 914, ora 11:00)

- Komisioni Hetimor Parlamentar lidhur me procesin e privatizimit në Kosovë bën përzgjedhjen e ekspertëve të jashtëm si dhe cakton intervistat për dëshmitar. (Ndërtesa e Kuvendit, salla N302, ora 11:00)

- Vazhdimi i seancës plenare të Kuvendit në të cilën do të bëhet zgjedhja e Avokatit të Popullit. (Salla e Kuvendit, ora 12:00)

-  Komisioni Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës dëgjon dëshmin e dëshmitarit Beqë Cufaj  – Ambasador i Republikës së Kosovës në Gjermani. (Ndërtesa e Kuvendit, salla N204, ora 14:00)

- Mbahet paraqitja e parë e Salih Mustafës. (Salla e  gjyqit të Dhomave  të  Specializuara të Kosovës  (DHSK) në Hagë ora 15:00 - mund  të  përcillet edhe përmes transmetimit në Internet, me një vonesë të shkurtër në https://www.scp-ks.org/sq/transmetim)

- Ministri i Punëve të Brendshme, Agim Veliu, ministri i Shëndetësisë, Armend Zemaj dhe drejtori EMCDDA do të nënshkruajnë marrëveshje pune. (Objekti i Ministrisë së Punëve të Brendshme, salla P-01, ora 16:00)