22 Janar 2021

KPK kërkon nga ATK që të bëjë autorizimin për lirime në import në lënde të parë

Prishtinë, 24 dhjetor - Klubi i Prodhuesve të Kosovës kërkon nga Administrata Tatimore e Kosovës që të bëjë vazhdimin e vendimeve për autorizimin për lirime në import në lëndë të parë,  i cili për disa kompani vlen deri më datën 31 dhjetor.

Një pjese të kompanive prodhuese ju skadojnë autorizimet me datë 31 dhejtor dhe këta të fundit nuk kanë bërë kërkesë për vazhdim sepse kanë menduar që të gjitha autorizimet janë vazhduar me automatizëm si pjesë e vendimeve qeveritare për masat kundër pandemisë Covid19.

Duke marrë parasysh gjendjen aktuale të kufizimeve të pandemisë, por edhe paqartësitë që kompanitë prodhuese po hasin lidhur me autorizimet për lirime në import dhe afatet kohore të këtyre autorizimeve, por edhe për të shmangur  pengesat dhe mundësuar mbarëvajtjen e procesit të prodhimit kërkojmë nga ATK vazhdimin e vendimeve të autorizimeve për lirime në import të lëndë së parë deri më datën 31.12.2021.

Ose se paku shtyrja e afatit të bëhet deri në Mars 2021, kjo për të krijuar hapësirë të mjaftueshme kohore për pajisje me autorizime te reja dhe për të mos penguar prodhuesit në afarizmin e tyre gjate kësaj periudhe.

Andaj edhe kërkojmë nga ATK  që të vendimet për autorizimin për lirime në import të vazhdohen me automatizëm deri në vitin e ardhshëm ose se paku te shtyhet afatit deri në muajin mars te vitit 2021.
​

Kalendari

Ngjarjet e datës 22 Dhjetor 2020 - Kryeministri në detyrë Avdullah Hoti bashkë me përfaqësuesit e SBASHK-ut, mban konferencë për media. (Ndërtesa e Qeverisë, ora 9:00)

- Mbahet seanca gjyqësore ndaj Ibrahim Mustafes për peqpërdorimi i pozitës apo autoritetit zyrtar. (Gjykata Themelore në Ferizaj, Salla nr.II, ora 9:30)

- Nën patronatin e Kryeprokurorit të Shtetit, Aleksandër Lumezi do të mbahet konferenca vjetore e Prokurorëve, e cila këtë vit për shkak të situatës me pandeminë Covid-19, organizohet në formë virtuale. (Platforma “Zoom”, ora 10:00)

- Kryetari i Komunës së Prizrenit, Mytaher Haskuka dhe drejtori i Drejtorisë së Urbanizmit dhe Planifikimit Hapësinor, Beni Kizolli do të mbajnë konferencë për shtyp. (Shtëpia e Bardhë, ora 10:00)

- Komuna e Skenderajt së bashku me shoqatat e dala nga lufta e UÇK-së, për nder të 23 vjetorit të triumfit të familjes Jashari ndaj sulmit të dytë të forcave serbe, do të bëjnë homazhe në shenjë nderimi për heroizmin e jashtëzakonshëm të familjes Jashari. (Kompleksi Memorial “Adem Jashari”, në Prekaz, ora 10:00)

- Kryetari i komunës Xhafer Tahiri, prezanton Planin për Rimëkëmbje Ekonomike të Vushtrrisë. (Ndërtesa e komunës, ora 11:00)