14 Dhjetor 2018

Kosova të vazhdoj me reforma ekonomike që të jetë me atraktive për investime

Vjenë, 14 nëntor - Zëvendës-kryeministri, njëherësh Ministri i Diasporës dhe Investimeve Strategjike Dardan Gashi, në kuadër të vizitës së tij në Vjenë të Austrisë, u takua me Sekretarin Gjeneral të Ministrisë së Punëve të Jashtme të Austrisë, Michael Linhart si dhe me ambasadorin Johannes Brieger, përgjegjës për marrëdhënie të jashtme ekonomikë, po ashtu nga Ministria e Jashtme e Austrisë.

Në fokus të takimit ishin marrëdhëniet ekonomike të të dyja vendeve. Austria është ndër investitorët kryesor në Kosovë dhe sipas sekretarit Michael Linhart, Kosova duhet të vazhdoj me reforma ekonomike që të jetë me atraktive për investime.

Po ashtu, Kosova duhet të respektoj dhe të krijoj kushtet, që investitorët aktual të vazhdojnë të qëndrojnë në Kosovë.

Austria shpreson që Kosova t'i mbaj obligimet e saja shtetërore, në veçanti pas vendimit të Gjykatës së Arbitrazhit në favor të Kompanisë Austriake, OSD (kompania e cila kishte qenë pjesë e tenderit për prodhimin e pasaportave kosovare).

Në takim u tha se Austria në veçanti, mbështet projektet aktuale austriake prezentë në Kosovë, ato për prodhimin e energjisë se ripërtrishme si dhe ato për menaxhimin e mbeturinave.

Zëvendës kryeministri Gashi, ka siguruar palën austriake, se ekziston përkushtim i veçante i Qeverisë Haradinaj, për hapjen e mëtutjeshme të Kosovës për investimeve të huaja, e në veçanti thellimin e bashkëpunimit të mirë në mes të dy vendeve, në këtë lëmi.

Në kudër të vizitës së tij në Austri, zv. Kryeministri Gashi, pritet të ketë takime me Odat Ekonomike të Industrisë ne Austri dhe shumë prodhues atje, me qëllim të tërheqjes së investitorëve në Kosove

Kalendari

Ngjarjet e datës 14 dhjetor 2018

- Mbahet seanca plenare e Kuvendit të Republikës së Kosovës në të cilën do të behët shqyrtimi i dytë i Projektligjit për Ministrinë e Mbrojtjes, shqyrtimi i dytë i Projektligjit për Forcën e Sigurisë së Kosovës dhe shqyrtimi i dytë i Projektligjit për shërbim në Forcën e Sigurisë së Kosovës. (Kuvendi i Kosovës, ora 10:00)  

- Në kuadër të “Javës Kundër Korrupsionit 2018” mbahet turneu kundër Korrupsion “Kosova Open 2018”. (Kino “Armata”,  ora 10:00)

- Misioni i Organizatës për Siguri dhe Bashkëpunim në Evropë në bashkëpunim me Asociacionin e Gazetarëve të Kosovës organizojnë tryezën "Roli i medias dhe shoqërisë civile në luftimin e korrupsionit". (Swiss Diamond Hotel, ora 10:00)

- Në kuadër të “Javës Kundër Korrupsionit 2018” mbahet tryeza me temë "Lufta Kundër Korrupsionit në Ballkan. (Hotel Sirius, ora 10:00)

- Në kuadër të Javës Kundër Korrupsion, Demokraci Plus organizon debatin publik në lidhje me gjetjet e monitorimit të prokurimit publik në Komunën e Prishtinës. (Hotel Sirius, ora 11:00)

- Let's Do It organizon aksion pastrimi në Plemetin të Obiliqt në kuadër të Fushatës "Ta Pastrojmë Kosovën". (Plemetin, ora 11:00)

- Aleanca Kosovare e Bizneseve dhe Qendra Tregtare "Plus Center “ organizon hapjen e ekspozimit dhe promovimit të prodhimeve vendore në kuadër të “Javëve të Biznesit Kosovar 2018” me moto: Unë Konsumoj Produkte Vendore, Po JU?. (Objekti i Qendrës Tregtare "Plus Center“ ne Ferizaj, ora 12:00)

- Koalicioni i OJQ-ve “Java Kundër Korrupsionit 2018” do të mbajë ngjarjen përmbyllëse të “Javës Kundër Korrupsionit 2018”, ku do të jenë prezent Ambasadorët e Shteteve Anëtare të QUINT, BE dhe Koalicioni i OJQ-ve. (Përpara Teatrit Kombëtar, ora 15:00)

- Fondi për të Drejten Humanitare organizon ligjëratën publike “Sot, 20 vite më parë: Rasti Panda”. (Qendra e Dokumentimit në bibliotekën Hivzi Sulejmani, rruga “Sadik Bekteshi” nr 16, ora 16:30)

- Federata Kosovare e Atletikës organizon manifestimin sportiv të atletikës "Laureatët e vitit – Gala Athletics2018”. (Miracle Beni Dona, Zona Industriale, ora 18:30)

- Shfaqet drama jokonvencionale e Mark Ravenhill lidhur me dy vëllezër identikë të cilët ritakohen pasi që janë rritur ndarazi më Gjermaninë lindore dhe perëndimore. (Ambienti i fondacionit “Shtatëmbëdhjetë”, rruga e Muzeu Etnologjik, ora 20:00)