20 Shkurt 2019

Konsumatorët janë humbësit më të mëdhenj në luftën tregtare

Washington, 3 korrik - Në raportin e publikuar ditët e fundit, Banka e Amerikës Merrill Lynch thekson se politikat tregtare të Trump-it janë përsëritje e politikave të tmerrshme të viteve '80 të shekullit të kaluar dhe ashtu si 30 vjet më parë, konsumatorët amerikanë do të jenë humbësit më të mëdhenj në luftën tregare.

Kreu i studimeve të ekonomisë globale në këtë Bankë Ethan Harris nënvizoi në raport se politikat doganore dhe vëmendja që i kushton Trump-i deficitit tregtar është një përsëritje e politikave të ngjanshme të viteve '80 të shekullit të kaluar, sidomos ato ndaj Japonisë.

Sipas tij, mësimet e marra nga këto përvoja kanë vlerë edhe sot. Së pari, vendosja e barrierave tregtare nuk mund të zvogëlojë medoemos deficitin; së dyti, tarifat doganore dhe barrierat tregtare do të ngrenë çmimin e mallrave, për të cilat janë konsumatorët amerikanë që paguajnë; së treti, industritë që duhet të mbrohen nuk marrin asnjë mbështjetje sepse asokohe, kufizimi i importeve të makinave shkaktoi vetëm një ulje prej 3 pikë për qind të pjesës së makinave japoneze në tregun amerikan.

Një situatë e ngjashme ka ndodhur edhe në industrinë e çelikut dhe të gjysmëpërçuesve. Disa fitore të vogla kanë shkaktuar humbje të mëdha për konsumatorët dhe ekonominë amerikane.

Kalendari

Ngjarjet e datës 20 shkurt 2019 - Instituti Kërkimor për Çështje Evropiane dhe të Zhvillimit organizon konferencën 'Zëri i Popullit rreth 'Finales së Madhe' ndërmjet Kosovës dhe Serbise'. (Swiss Diamond Hotel, ora 9:30)

- Presidenti i Republikës së Kosovës, Hashim Thaçi, do të marrë pjesë në konferencën e organizuar nga Instituti Kërkimor për Çështje Evropiane dhe të Zhvillimit me temën “Zëri i Popullit rreth ‘Finales së Madhe’ ndërmjet Kosovës dhe Serbisë”. (Hoteli Swiss Diamond, ora 9:30)

- Kryeshefja ekzekutive e Inspektoratit Policor të Kosovës raporton para Komisionit për Punë të Brendshme, Siguri dhe Mbikëqyrjen e Forcës së Sigurisë së Kosovës lidhur me dyshimin për keqpërdorim të detyrës zyrtare nga ana e zyrtarit policor si dhe për raportin vjetor të vitit 2018. (Ndërtesa e Kuvendit, salla N 302, ora 10:00)

- Forumi i Gruas së Lidhje Demokratike të Kosovës organizon tryezë diskutimi me temën “Ligji (s) na mbron”. (Hotel Sirius, ora 10:00)

- Punëtorët teknik të kompanisë “Beni”  që kryejnë shërbime në Konviketet e Qendrës Studentore të Prishtinës do të protestojnë për kthimin nën menaxhimin e Qendrës Studentore (Para drejtorisë së Qendrës Studentore, ora 11:00)   .

- Komuna e Prishtinës mban konferencë për media. (Objekti i vjetër të Komunës, ora 11:00)

nën organizimin e Grupit të Grave Deputete, mbahet tryeza “Institucionet dhe mekanizmat ekzistues në përgjigje të dhunës në familje”. (Ndërtesa e Kuvendit, salla N 30, ora 11:00)

- Presidenti Thaçi do të marrë pjesë në ngjarjen "Women in Energy Scholarship Program", organizuar nga MCC. (Salla e Kuqe, Pallati i Rinisë dhe Sportit, ora 13:00)

- Kryeministri Ramush Haradinaj merr pjesë në manifestimin e 30-vjetorit të Grevave të Minatorëve. (Miniera Stan Tërg në Mitrovicë, ora 14:00)