24 Shtator 2020

Klima për Investime e rënd në Kosovë

Prishtinë, 2 gusht - Sot në zyrat e AKB-së, nënkryetari i AKB-së, Suat Berisha priti në takim pune përfaqësues të Bankës Botrore të kryesuar nga znj. Guilia Maria Stecchi. Qëllimi i këtij takimi ishte rishikimi i realizimit të Projektit Global të Bankës Botrore “Klima e investimeve ne Kosovë”.

Me këtë rast nënkryetari i AKB-së Suat Berisha faleminderoi përfaqësuesit e Bankës Botrore për mbështetjen që po i bëhet institucioneve të Kosovës përmes projektit ‘Klima e investimeve në Kosovë’, sidomos në përmirësimin e klimës së të bërit biznes dhe investimeve të huaja.

 Në këte drejtim Berisha i njoftoi të pranishmit se Kosova sipas Bankës Botrore ka bërë progres në rangimin  e ‘të bërit biznes’ (doing business),  shiquar në procedurat për regjistrimin e një biznesi, mirëpo, përkundër këtij progresi, Kosova ka pothuaj “zero” investime të huaja,  që nga përfundimi i luftës e këndej!

Berisha përmendi disa nga arsyet për mungesë të investimeve të huaja në Kosovë si mungesa e mbështetjes institucionale dhe lehtësirave për investime të huaja, procedurat e stërzgjatura burokratike për realizimin e investimeve te huaja, problemet në sektorin e energjisë elektrike, mungesa e fuqise punëtore të kualifikuar, mungesa e sigurisë juridike, mosfunksionimi i sistemit gjygjësor - procedurat e stërzgjatura të kontesteve gjygjësore dhe mungesa e sundimit te shtetit ligjor dhe korrupcioni.

Nga ana tjetër znj. Guilia Stecchi, mirëpriti këto informata nga Aleanca Kosovare e Bizneseve, njëherit shprehi keqëardhje, që, përkundër të gjitha angazhimeve dhe përkushtimeve edhe të Bankës Botrore, fatkeqësisht në Kosovë edhe mëtutje mungojn investimet e huaja, për shkak të gjitha atyre arsyeve që u cekën, andaj, u zotua që ky takim faktmbledhës është një obligim shtesë edhe për instancat e larta të Bankës Botrore, që të bëjn trysni më të madhe te institucionet e Kosovës që të eliminojn këto bariera ndaj investimeve të huaja.

Në fund, tê dyja palët u pajtuan se Kosova megjithate mbetet vend i artë për investime, bazuar në resurset natyrore dhe ato humane.
 

Kalendari

Ngjarjet e datës 24 Shtator 2020

- Ministrja e Kulturës, Rinisë dhe Sportit, Vlora Dumoshi viziton Komunën e Ferizajt. (Objekti i Komunës Ferizaj, ora 9:30)

- Në kuadër të Javës së sporti, Federata e Pingpongut në bashkëpunim me Departamentin e sportit të MKRS do të organizoj një aktivitet promovues për pingpongun në Pejë. (Sheshi Dukagjini në Pejë, ora 10:00)

 - Ministrja e Kulturës, Rinisë dhe Sportit, Vlora Dumoshi viziton Mural Fest. (Muralet e qytetit në Ferizaj, ora 10:00)

- Komuna e Prizrenit fillon projektin e Drejtorisë së Shëndetësisë për Kujdesin Geriatrik me ç'rast kryetari i Komunës së Prizrenit, Mytaher Haskuka, nënkryetari i Komunës së Prizrenit, Visar Shehu dhe drejtoresha e Drejtorisë së Shëndetësisë, Narqize Arënliu Hoxhaj do të prononcohen për media. (Nisja do të bëhet nga objekti i Qendrës Kryesore të Mjekësisë Familjare, ora 10:00)

- Mbledhja e komisionit për Shëndetësi dhe Mirëqenie Sociale në të cilën do të shqyrtohet plani i punës së Komisionit për sesionin vjeshtor 2020. (Ndërtesa e Kuvendit, salla N10, ora 10:30)

 - Ministrja e Kulturës, Rinisë dhe Sportit, Vlora Dumoshi merr pjesë në ndarjen e certifikatave për të rinj të trajnuar për ndërmarrësi. (Qendra e Inovacionit në Ferizaj, ora 11:00)

- Kryeministri Avdullah Hoti do të mbajë konferencë për media. (Ndërtesa e Qeverisë, ora  11:00)

- Zëvendësguvernatori për Mbikëqyrje Financiare, Sokol Havolli dhe Kryetari i Autoritetit Kosovar të Konkurrencës, Valon Prestreshi mbajnë konferencën për media. (Auditoriumi i BQK-së, ora 11:30)

-  Mbahet mbledhja e komisionit për të Drejtat e Njeriut, Barazi Gjinore, për Persona të Pagjetur dhe Peticione në të cilën do të shqyrtohet Projektligji për mbrojtje nga dhuna në familje. (Ndërtesa e Kuvendit, salla N302, ora 13:00)
 
 - Ministrja e Kulturës, Rinisë dhe Sportit, Vlora Dumoshi merr pjesë në aktivitet me misionin e OSBE-së. (Muzeu i Kosovës, ora 14:00)