27 Maj 2019

Kina rrit tarifat ndaj importeve amerikane me 60 miliardë dollarë

Pekin, 19 shtator - Kina njoftoi një rritje të tarifave ndaj importeve amerikane me 60 miliardë dollarë.

Vendimi erdhi si kundërpërgjigje pas njoftimit të Presidentit Trump për vendosjen e tarifave shtesë ndaj importeve kineze me vlerë 200 miliardë dollarë duke filluar nga 24 shtatori.

Trump paralajmëroi gjithashtu se "nëse Kina do të ndërmarrë veprime hakmarrëse ndaj fermerëve amerikanë apo industrive të tjera, Shtetet e Bashkuara do të zbatojnë menjëherë fazën tre të këtij vendimi, me tarifa në vlerën e 267 miliardë dollarëve".

Pekini njoftoi se nuk ka zgjidhje tjetër përveçse të hakmerret ndaj tarifave të reja prej 10 për qind ose 200 miliardë dollarësh ndaj mallra kineze të njoftuara nga Presidentit amerikan Donald Trump.

Kjo rrezikon një përshkallëzim të mëtejshëm të tensioneve tregtare mes dy ekonomive më të mëdha në botë.

Autoritetet kineze njoftuan të martën, një rritje të tarifave ndaj importeve amerikane me 60 miliardë dollarë.

Në një deklaratë të shkurtër të ministrisë kineze të Tregtisë thuhej se "për të mbrojtur të drejtat dhe interesat legjitime të vendit në tregtinë e lirë ndërkombëtare, Kina nuk ka zgjidhje tjetër veçse të hakmerret".

Të hënën, autoritetet kineze patën paralajmëruar se nëse zoti Trump do të bënte përpara me vendosjen e tarifave, Kina nuk do të rrinte thjesht në pozita mbrojtëse.

Të martën zëdhënësi i Ministrisë së Jashtme kineze Geng Shuang tha gjatë një konference për shtyp se bisedimet janë mënyra e vetme e duhur për të zgjidhur problemet si dhe akuzoi Shtetet e Bashkuara për të mungesë sinqeriteti.

"Kina ka theksuar në mënyrë të përsëritur se dialogu dhe vlerësimi i kujdesshëm që bazohet tek barazia, mirëbesimi dhe respekti reciprok është e vetmja mënyrë e duhur për të zgjidhur problemet ekonomike dhe tregtare mes dy vendeve. Veprimet e ndërmarra nga Shtetet e Bashkuara deri tani nuk kanë treguar sinqeritet dhe vullnetit të mirë", tha ai.

Javën e kaluar, Shtetet e Bashkuara i bënë ftesë Pekinit për të rifilluar bisedimet më vonë gjatë këtij muaji në Uashington. Por tarifat e reja amerikane me vlerë prej 200 miliardë dollarësh hyjnë në fuqi në 24 shtator, duke i lënë palëve pak pak kohë për bisedime.

Ndërsa njoftoi tarifat e reja të hënën, presidenti Trump paralajmëroi se "nëse Kina do të ndërmarrë veprime hakmarrëse ndaj fermerëve apo industrive të tjera amerikane, Uashingtoni do të nisë zbatimin e menjëhershëm të fazën së tretë, që nënkupton tarifa shtesë ndaj importeve kineze, me një vlerë prej rreth 267 miliardë dollarësh".

Në një postim në Twitter zoti Trump shkruante se vendimi i tij për të rritur tarifat e ka përmirësuar ekonominë amerikane.

Tarifat shtesë prej 267 miliardë dollarësh pritet të mbulojnë të gjitha importet kineze në Shtetet e Bashkuara.

Kalendari

Ngjarjet e datës 27 maj 2019 - Shefi i Shtabit të Përgjithshëm të Forcave të Armatosura të Malit të Zi, Dragutin Dakic pritet me ceremoni ushtarake në Ministrinë e Mbrojtjes ku edhe do te takohet me Gjeralin e FSK-se Rrahman Rama. (Objekti i Ministrisë së Mbrojtjes, ora 9:00)

- Shefja e Zyrës së Bashkimit Europian, Nataliya Apostolova do të marrë pjesë në ngjarjen e nisjes të fazës së dytë të projektit Harmonizimi i Arsimit me Tregun e Punës. (Hotel Emerald, ora 9:15)

- Ministri i Kulturës, Rinisë dhe Sportit, Kujtim Gashi merr pjesë në hapjen e ditës Olimpike në Ferizaj. (Ferizaj, ora 9:30)

- Në organizim të Komitetit Olimpik të Kosovës e në bashkëpunim me DKRS-në dhe me Drejtorinë e Arsimit të komunës së Mitrovicës do të organizohet Dita Olimpike e Kosovës dhe me këtë rast do të mbahet një vrapim në të cilin do të marrin pjesë të gjithë nxënësit e moshës 11 vjeçare të shkollave fillore të qytetit të Mitrovicës. (Sheshi “Adem Jashari” në Mitrovicës, ora 9:30)

- Kryeparlamentari Kadri Veseli pret në takim nënkryetarin e Këshillit të Atlantikut, Damon Wilson. (Kabineti i Kryeparlamentarit, ora 9:35)

- Ministri i Mbrojtjes së Republikës së Kosovës, Rrustem Berisha takohet me Shefin e Shtabit të Përgjithshëm të Forcave të Armatosura të Malit të Zi, Dragutin Dakic. (Kabineti i Ministrit të Mbrojtjes, ora 9:45)

- Komisioni Hetimor Parlamentar në lidhje me gjendjen në PTK dhe Vala shqyrton Plotësim-ndryshimin e kërkesës për buxhet si dhe formimin e grupeve hetuese në kuadër të Komisionit. (Ndërtesa e Kuvendit, sallën N 303, ora 10:00)

- 25 kompani vendore që kanë dhënë shërbimet në ndërtimin e autostrades Arben Xhaferi protestojnë për shkak të mos kryerjes se pagesave ndaj këtyre kompanive për punën që kanë kryer. (Para kampit Bectel & Enca në Ferizaj

-  Kuvendi Komunal në Deçan mban mbledhje të jashtëzakonshme lidhur me zbatimin e vendimit të Gjykatës  Kushtetuese dhe pasojat për Zhvillimin  Ekonomik të Komunës së Deçanit. (Salla e Asamblesë Komunale, ora 10:00)

- Mbahet mbledhja e Këshillit Gjyqësor të Kosovës. (Ndërtesa e Këshillit Gjyqësor, ora 10:00)

- Kryeministri Ramush Haradinaj pret në takim delegacionin nga North Atlantic, të prirë nga zv.presidenti ekzekutiv Damon Wilson. (Ndërtesa e Qeverisë, ora 10:10 - vetëm pamje)

- Kryeparlamentari Kadri Veseli pret në takim ndihmës sekretarin gjeneral të OKB-së për Evropë, Azinë Qendrore dhe SHBA, Miroslav Jenca. (Kabineti i Kryeparlamentarit, ora 10:15)

- Ministri i Kulturës, Rinisë dhe Sportit, Kujtim Gashi do të zhvilloj vizitë në Komunën e Ferizajit me ç’rast do të nënshkruaj memorandum bashkëpunimi për financimin e projekteve kapitale. (Komuna e Ferizajt, ora 10:30)

- Ministri i Kulturës, Rinisë dhe Sportit, Kujtim Gashi mban konferencë për media. (Ambientet e Komunës, ora 11:00)

- Drejtori për Buxhet dhe Financa i Komunes se Gjilanit, Zijadin Maliqi mban konferencë për media për 5 mujorin e punës dhe planifikimin për tre-mujorin e ardhshëm. (Zyra e kryetarit të Komunës së Gjilanit, ora 11:00)

- Mbledhja e komisionit për Bujqësi, Pylltari, Zhvillim Rural, Mjedis e Planifikim Hapësinor në të cilën do të behët shqyrtimi i Projektligjit për mbrojtjen e ajrit nga ndotja. (Ndërtesa e Kuvendit, salla N 302, ora 11:00)

- Kryeparlamentari Kadri Veseli, bashkë​ me ministrin e Shëndetësisë, Uran Ismaili, merr pjesë në ceremoninë e nënshkrimit për herë të parë në Kosovë, të Udhëzimin Administrativ për rregullimin dhe unifikimin e çmimit të barnave në nivel vendi. (Hotel Sirius, ora 11:00)

- Ministri i Kulturës, Rinisë dhe Sportit, Kujtim Gashi bashk me kryetarin e Komunës së Ferizajit Agim Aliu, vizitojnë punimet e Qendrës Multifunksionale në fshatin Greme. (Fshati Greme, ora 11:30)

- Presidenti i Republikës së Kosovës, Hashim Thaçi, merr pjesë në shënimin e 20 vjetorit të operacionit “Shigjeta DO-2” dhe luftimeve në Pashtrik. (Fshati Planejë, Komuna e Prizrenit, ora 12:00)
 
- Kryeministri i Kosovës, Ramush Haradinaj dhe Ambasadori Christian Heldt do të mbajnë fjalë rasti gjatë inaugurimit të Katedrales së Novobërdës të restauruar rishtaz. (Novobërdë, afër Kalasë, ora 13:00)

- Kryeministri Ramush Haradinaj merr pjesë në zbulimin e pllakës së Shtabit Lokal. (Baran- Komuna e Pejës, ora 16:30)

- Kryeministri Ramush Haradinaj merr pjesë në zbulimin e pllakës së Betejës së 29 Majit. (Vranoc, ora 16:50)

- Kryeministri Ramush Haradinaj merr pjesë në zbulimin e pllakës së betejës së 29 Majit. (Kryshec, ora 17:10)