16 Korrik 2018

Kina premton lëshime tregtare për SHBA-të

Pekin, 11 prill - Presidenti kinez Xi Jinping premtoi të ulë tarifat për makinat e importuara dhe të përmirësojë mbrojtjen e pronësisë intelektuale, lëshime këto që synojnë të ulin tensionet në marrëdhëniet tregtare me Uashingtonin.

Duke folur në një konferencë biznesi, zoti Xi nuk përmendi drejtpërdrejt homologun e tij amerikan, Donald Trump, ose mosmarrëveshjet tregtare.

Ai premtoi përparim në fushat që janë përparësi për SHBA, duke përfshirë hapjen e industrisë bankare të Kinës dhe shtimin e importeve.

Megjithatë, ai nuk përmendi disa nga çështjet kryesore që e irritojnë Uashingtonin, siç është kërkesa e Kinës që kompanitë e huaja të investojnë aty përmes ndërmarrjeve të përbashkëta, të cilat u kërkojnë të huajve t’ua japin teknologjitë e tyre firmave vendëse.

Presidenti Trump ka kërcënuar të rrisë tarifat për mallrat kineze në masën 50 miliardë dollarë. Pekini u kundërpërgjigj me një listë të tijën të importeve amerikane, që kapin edhe ato një vlerë prej 50 miliardë dollarësh.

Kalendari

Ngjarjet e datës 16 Korrik 2018

- Kryeministri Ramush Haradinaj pret në takim Zëvendës-Ndihmës Sekretarin Amerikan të Shtetit për çështjen e Parandalimit të Konflikteve, Pete Marocco. (Ndërtesa e Qeverisë, ora 9:00 - vetem pamje) 

- Ministria e Inovacionit dhe Ndërmarrësisë organizon lansimin e programit për financimin e NVM-ve dhe bizneseve fillestare Start-up. (Innovation Center Kosovo, Rr. “Rexhep Mala” 28 A, ora 11:00)