27 Janar 2021

Investimet në ndërtim zënë peshën kryesore me 55.7% të investimeve

Prishtinë, 18 dhjetor - Agjencia e Statistikave të Kosovës (ASK) publikon të dhënat e Statistikave të Investimeve në Ndërmarrje, për vitin 2019.

ASK-ja në vitin 2020 ka zhvilluar Anketën për Statistikat e Investimeve në Ndërmarrje në gjithë territorin e Republikës së Kosovës, që kanë deklaruar blerje investive në shumë vjetore mbi 50 mijë Euro.

Sipas rezultateve, investimet në ndërtim si ndërtesa dhe struktura të tjera ndërtimore zënë peshën kryesore me 55.7% të investimeve, në kuadrin e investimeve totale të ndërmarrjeve të përfshira në anketë. Investimet e tjera, që zënë një peshë të konsiderueshme, janë ato në makineri dhe pajisje me 36.4%.

Ndërsa, investimet në produktet e pronësisë intelektuale përbëjnë 1.5%; investimet biologjike të kultivuara dhe serat në bujqësi me 0.3%; si dhe investimet në asete të prekshme (jo të prodhuara) me 5.9%.

Sipas madhësisë se ndërmarrjeve: 22.8% e investimeve, janë realizuar nga ndërmarrjet mikro (1-9 punëtorë); 38.03% në ndërmarrjet e vogla (10-49 punëtorë); 20.7% në ndërmarrjet e mesme (50-249 punëtorë); dhe 18.4% në ndërmarrjet e mëdha (250 e mbi punëtorë).

Sipas rezultateve, ndërmarrjet në: Rajonin e Prishtinës kanë realizuar përqindjen më të lartë të investimeve (48.8 %); Rajonin e Prizrenit (12.3%); Rajonin e Ferizajt (10.8%); Rajonin e Pejës (9.04%); Rajonin e Mitrovicës (7.3%); Rajonin e Gjilanit (7.2%); dhe Rajonin e Gjakovës (4.2%).

Sipas burimit të fondeve për investime, rezultatet tregojnë se: 59.1% të vlerës së investimeve, ndërmarrjet i kanë realizuar nga fondet e veta; 32.02% nga kreditë bankare vendore; 3.8 % nga bashkë-investitorët vendorë; 1.7% nga bashkë-investitorët e jashtëm; dhe 3.2% nga forma të tjera.

Për më shumë informata, lidhur me publikimin e të dhënave për “Statistikat e Investimeve në Ndërmarrje, 2019”, vizitoni: 

Kalendari

Ngjarjet e datës 27 Dhjetor 2020

 - Kryetari i Sindikatës së Pavarur të Sektorit Privat të Kosovës,  Jusuf  Azemi është I ftuar nga Kryeministri I Kosovës Hoti  në një takim të përbashkët. (Ndërtesa e Qeverisë, ora 9:30)  

- Mbahet seanca gjyqësore ndaj Dimitrije Raçiçeviq për peqpërdorimi i pozitës apo autoritetit zyrtar. (Gjykata Themelore në Ferizaj, Salla nr.II, ora 10:00)

- Lëvizja Vetëvendosje dorëzon ankesë në Gjykatë Supreme ndaj vendimit të PZAP-së. (Pallati i Drejtësisë, ora 11:00)

 

- Kryeministri në detyrë i Republikës së Kosovës, Avdullah Hoti, bën homazhe te Pllaka përkujtimore për hebrenjtë, që pësuan gjatë holokaustit. (Oborri i Qeverisë, ora 11:40)

Aleanca për Ardhmërinë e Kosovës dorëzon ankesë në Gjykatë Supreme ndaj vendimit të PZAP-së. (Pallati i Drejtësisë, ora 14:00)

- Mahet mbledhja e parë e rregullt e Këshillit Komunal për Siguri në Bashkësi në komunën e Rahovecit për vitin 2021. (Salla e Kuvendit Komunal në Rahovec, ora 15:30)

 

- Në kuadër të Festivalit të Dramës Shqipe "Talia e Flakës 2021" organizohet një panel diskutimi me prof. Fadil Hysaj, Jeton Neziraj dhe Besim Ugzmajli, rreth Labortarotit të Dramës Shqipe RKS_KOS Lab 2020-2021. (Skena e vogël të Teatrit të Gjilanit, ora 16:00)