18 Janar 2018

Indeksi i tërësishëm i çmimeve të importit pësoi rënie për 0.3 për qind

Prishtinë, 6 shtator - Agjencia e Statistikave të Kosovës (ASK k)a publikuar Indeksin e Çmimeve të Importit për tremujorin e dytë TM2 2017.

Indeksi i tërësishëm i çmimeve të importit në Kosovë pësoi rënie për -0.3% në TM2 2017, krahasuar me TM1 2017.

Rëniet më të mëdha të çmimeve sipas sektorëve ishin te: produktet minerale -7.0%; këpucët -2.3 %; lëkura dhe artikujt e saj -2.2%; shtazët e gjalla dhe prodhimet e shtazëve -1.7%; artikujt e ndryshëm të prodhuar -1.1%; pajisjet e makinerisë dhe pajisjet elektrike -0.6%; artikujt ushqimorë të përgatitur, pijet dhe duhani
-0.3%; dhe produktet e industrive kimike -0.1%.

Rënia u neutralizua, kryesisht nga ngritja e çmimeve sipas sektoreve te: produktet bimore 3.6%; metalet bazë dhe artikujt prej tyre 3.2%; tekstili dhe artikujt e tij 2.1%; artikujt e gurit, llaçit, produktet e qeramikës dhe të qelqit 1.6%; vajrat ushqyese 1.6%; instrumentet optike, fotografike, matëse, medicinale dhe muzikore dhe mekanizmat e orës 1.0%; mjetet e transportit 0.8%; druri dhe artikujt e tij 0.7%; plastika, kauçuku dhe artikujt e tyre 0.4%; dhe letrat dhe artikujt e saj 0.3%.

Ndërkaq, krahasuar TM2 2017 me TM2  2016, çmimet e importit u ngritën në një mesatare prej 4.1%.

Ngritje më të mëdha sipas sektorëve ishin te: produktet bimore 14.5%; produktet minerale 10.4%; metalet bazë dhe artikujt prej tyre 10.4%; instrumentet optike, fotografike, matëse, medicinale dhe muzikore, si dhe mekanizmat e orës 5.6%; lëkura dhe artikujt prej saj 5.4%; shtazët e gjalla dhe proddhimet e tyre 4.1%; tekstili dhe artikujt prej tij 3.6%; artikujt e gurit, llaçit, produktet e qeramikës dhe të qelqit 2.8%; druri dhe artikujt prej tij 2.6%; plastika, kauçuku dhe artikujt e tyre 2.3%; vajrat ushqyese 1.8%; artikujt e ndryshëm të prodhuar 1.3%; mjetet e transportit 0.6%; pajisjet e makinerisë dhe pajisjet elektrike 0.4%; dhe artikujt ushqimorë të përgatitur, pijet dhe duhani 0.1%.

Ngritja u neutralizua, kryesisht nga rënia e çmimeve sipas sektorëve te: këpucët -5.1%; letrat dhe artikujt prej saj -4.8%; dhe produktet e industrive kimike -0.6%.
 

Kalendari

Ngjarjet e datës 18 Janar 2018 - Ministri i Arsimit,Shkencës dhe Teknologjisë, Shyqiri Bytyqi do të zhvilloi një takim me kryetarin e komunës Gazmend Muhaxheri. (Rezidenca e kryetarit Muhaxheri në Pejë, ora 9:30)

- Mbahet mbledhja e Kuvendit Komunal të Prishtinës, ku do të formohet Komiteti për Politikë dhe Financa si dhe do të caktohen anëtarët e komisioneve të aksionarëve nëpër ndërmarrjet publike komunale. (Objekti i Komunës, ora 10:00)

- Demokracia Plus në bashkëpunim me CoDe organizon tryezën me temë “Roli i Grupeve Jo formale të Grave në Politik Bërje – Shkëmbimi i përvojave në mes të grupeve jo formale të grave në nivel lokal dhe institucioneve qendrore”. (Hotel Sirius, ora 10:00)

- Koalicioni i OJQ–ve për Mbrojtjen e Fëmijëve në Kosovë - KOMF organizon konferencën e lançimit kombëtar të Indeksit për Mbrojtjen e Fëmijës 2.0. (Hotel Sirius, ora 10:00)

- Hapen punimet e punëtorisë me temë  “ Profilizimi i mësimdhënësve të klasave  I -V ”,  të organizuar nga MAShT dhe ku do të jenë të pranishëm drejtorët e Drejtorive Komunale të Arsimit në rajonin e Pejës  si dhe të gjithë drejtorët e Sh.F.M.U-ve së bashku me dy mësimdhënës të klasave  I –V dhe nga një mësimdhënës i shkollave të fshatrave. (Shkolla fillore “Shaban Spahija “ në Pejë, ora 10:00)

- Ministri i Infsrastrukturës, Pal Lekaj, do të zhvillojë vizitë inspektuese në Autostradën “Arbën Xhaferi”. (Autostrada në fshatin Doganaj, ora 10:30)

- Në kuadër të lansimit të programit Zhvillim Rajonal, Ministria për Zhvillim Rajonal,  nesër më 18 janar, 2018,  nga ora 13:30, organizon takimin me kryetarët e Komunave të Republikës së Kosovës me qëllim të informimit të komunave lidhur me këtë programin për Zhvillim Rajonal dhe mundësit e zhvillimit socio- ekonomik rajonal. (Ndërtesa e Qeverisë, salla e takimeve P-38 në, ora 13:30) 

- Mbahet mbledhja për themelimin e komisionit për bashkëpunim ndërkombëtar dhe kordinim vendor në fushën e Shkencës së Astronomisë në kuadër të Asociacionit për Mbështetjen e Arsimit dhe Aftësimit Profesional të Republikës së Kosovës. (Ministria e Arsimit, Shkencës dhe Teknologjisë, ora 15:00)