Paris, 3 shtator - Tregu më i madh europian i gjësendeve të vjetra po zhvillohet në qytetin francez Lille. Në këtë treg po shiten gjithçka nga suvenirët deri tek pjatat tradicionale.

Jacques Richir është nënkryetari i bashkisë përgjegjëse për tregun i cili ka thënë "Meqenëse tregu për fat të keq u pezullua në vitin 2016 pas sulmeve që ndodhën në Francë, e ndryshuam pak atë vitin e kaluar dhe përsëri këtë vit. Zona është pak më e vogël, por ka ende 500 hektarë të tregut, 90 kilometra tezga, mbi 6 mijë tregtarë tezgash, profesionistë dhe banorë të qytetit që shesin mallra, kështu që kjo është një ngjarje me të vërtetë e madhe."

"Kemi ndaluar shitjen e mallrave të reja që ishte më parë si opsion dhe tani po shesim vetëm mallra të përdorura. Po vijnë shumë njerëz, falë edhe motit të mrekullueshëm këto dy ditë".

Një nga pikat kryesore është se guackat e midhjeve janë grumbulluar në qendër të qytetit, të cilat janë rikthyer pas një mungese disavjeçare, me mbetjet që përdoren për të bërë pllaka.

Sipas organizatorëve, në ngjarjen e këtij viti pritet të vijnë rreth 1.5 deri në 2 milionë vizitorë.