12 Prill 2021

Gjermania eksporton më se shumti në SHBA

Berlin, 22 shkurt - Përkundër krizës ekonomike të shkaktuar nga pandemia e koronavirusit të, vitin e kaluar tregu më i madh për eksportin e Gjermanisë ishte SHBA-ja ndërsa partneri më i rëndësishëm tregtar ishte Kina.

Sipas të dhënave të Zyrës Federale Gjermane të Statistikave (Destatis), eksportet e Gjermanisë në SHBA u ulën me 12.5 për qind në vitin 2020 krahasuar me një vit më parë, në 103.8 miliardë euro.

Pavarësisht nga rënia e eksporteve, SHBA-ja mbajti pozicionin e saj si vendi në të cilin Gjermania eksporton më shumë.

Kina ishte eksportuesi i dytë më i madh i Gjermanisë vitin e kaluar me 95.9 miliardë euro ndërsa Franca u rendit e treta me 91.1 miliardë euro. Vitin e kaluar, eksportet e Gjermanisë në Kinë dhe Francë ranë përkatësisht me 0.1 për qind dhe 14.6 për qind.

Kina mbeti partneri më i rëndësishëm tregtar i Gjermanisë, me një tregti mallrash me vlerë prej 212.1 miliardë euro në vitin 2020. Vlen të përmendet se importet e Gjermanisë nga Kina u rritën me 5.6 për qind vitin e kaluar në 116.3 miliardë euro.

Kina ishte partneri i 35-të tregtar i Gjermanisë në vitin 1980, duke u rritur në të 14-in në vitin 1990. Kina ka qenë partneri më i rëndësishëm tregtar i Gjermanisë që nga viti 2015. Deficiti tregtar i Gjermanisë ndaj Kinës ishte 20.4 miliardë euro vitin e kaluar.

Holanda ndoqi Kinën me 172.8 miliardë euro dhe SHBA-ja me 171.6 miliardë euro. Vitin e kaluar, tregtia e Gjermanisë me Holandën dhe Francën ra përkatësisht me 8.7 për qind dhe 9.7 për qind.

Në vitin 2020, vendi me suficitin më të lartë të tregtisë së jashtme në Gjermani ishte SHBA-ja me 36.2 miliardë euro. SHBA-ja u pasua nga Franca me 34.4 miliardë euro dhe Britania e Madhe me 32.2 miliardë euro.

Kalendari

Ngjarjet e datës 13 Prill 2021

- Mbahet mbledhja e Komisionit për Ekonomi, Industri, Ndërmarrësi dhe Tregti në të cilën do të behët konstituimi i Komisionit. (Ndërtesa e Kuvendit, salla N303, ora 10:00)

- Mbahet seanca gjyqësore kundër të pandehurit Basri Maksuti për vepren penale 'Falsifikimi i rezultateve të votimit'. (Gjykata Themelore në Ferizaj, ora 10:00)

- Mbahet mbledhja e Komisionit për Qeverisje Lokale, Zhvillim Rajonal dhe Media në të cilën do të behët konstituimi i Komisionit. (Ndërtesa e Kuvendit, salla N204, ora 10:00)

- Konstituohet Komisioni për Punë të Jashtme dhe Diasporë. (Ndërtesa e Kuvendit, salla N302, ora 10:00)

- Rolling Film Festivali i cili organizohet nga OJQ Roma Versitas Kosovo dhe Romawood mban konferencën për media. (Kino Armata, ora 11:00)

- Mbahet mbledhja konstituive e komisionit për Integrim Evropian. (Ndërtesa e Kuvendit, salla N10, ora 11:00)

- Mbahet mbledhja konstituive e komisionit për Shëndetësi. (Ndërtesa e Kuvendit, salla N302, ora 11:00)

- Fondi i Sfidave të Kosovës organizon eventin online për shpalljen e thirrjes së parë për shprehje interesi, në mbështetje të projekteve të trajnimit bashkëpunues. (Platforma Zoom, ora 11:00)

- Akademia Diplomatike e Ministrisë së Punëve të Jashtme dhe Diasporës dhe Ambasada e Republikës së Francës në Republikën e Kosovës, nënshkruajnë Memorandum Mirëkuptimi. (Ministria e Punëve të Jashtme dhe Diasporës, ora 11:30)

- Mbahet mbledhja konstituive e komisionit për Bujqësi, Pylltari, zhvillim Rural, Mjedis dhe Infrastrukturë. (Ndërtesa e Kuvendit, salla N303, ora 13:00)

- Partia Liberale Egjiptiane do të dorëzojë ankesë në Gjykatën Kushtetuese lidhur me te drejtën e tyre të mohuar nga PZAP-ja dhe Gjykata Supreme në lidhje orkestrimin e votave nga ana e “Romani Iniciativa” në vendbanime me shumicë të komunitetit Serb në zgjedhjet e parakohshme të 14 Shkurtit. (Gjykata Kushtetuese, ora 13:00)

- Mbahet mbledhja konstituive e komisionit për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N302, ora 13:00)

- Aleanca Kosovare e Bizneseve mban konferencën për media lidhur me një studim hulumtues për qytetarët kosovar që vizituan Shqipërin dhe Malin e Zi, si pasojë e kufizimit dhe mbylljes në Kosovë e që këto patën pasoja ekonomike dhe financiare për vendin tonë. (Zyret e AKB-së, ora 13:30)