20 Qershor 2019

Eksporti i Kosovës më i ulëti në rajon për shkak të barrierave

Prishtinë, 21 maj - Ministri i Tregtisë dhe Industrisë, Endrit Shala, ka thënë se bizneset kosovare po përballet me shumë barriera gjatë eksportit të tyre nëpër vendet e CEFTA-së, për arsye krejt politike.

Shala duke folur në forumin ekonomik mbarë-shqiptarë “Mundësia dhe sfidat e marrëdhënieve tregtare Kosovë-Shqipëri”, tha se barrierat e bizneseve kosovare rrallë herë janë raportuar, por sipas tij, janë evidente dhe pikërisht këto barriera janë arsyet themelore për bilancin tregtar që ka Kosova aktualisht, mirëpo, MTI  po e bënë të pamundurën që t’i eliminojë. 

“Ekonomia e Kosovës, është ekonomi e vogël, është ekonomi konsumuese, nder ekonomitë që ka më së paku eksporte në raport me vendet tjera anëtare të CEFTA. E gjitha kjo, jo për shkak se ne nuk kemi prodhim të mjaftueshëm, ose që nuk kemi prodhim cilësore, por për shkak të arsyeve politike, barrierave tarifore dhe jo-tarifore që janë vendosur nga vendet e CEFTA në raport me eksportuesin kosovar. Fatkeqësisht, këto barriera rrallë herë janë raportuar, nga institucionet tona përgjegjëse por as nga përfaqësuesit e bizneseve. Fatmirësisht, pas vitit të kaluar, pas kryesimit tim në CEFTA gjatë vitit 2018, ky raport ka filluar të ndryshojë. Tashmë, secila barrierë që ekziston gjatë eksportit të produkteve Kosovare përveç që raportohet ne do të bëjmë të pamundur edhe ta eliminojmë”, theksoi ministri Shala.

Ministri i ka ftuar nga bizneset nga Shqipëria që t’i raportojnë barrierat në Ministrinë e Tregtisë dhe Industrisë.

“Të nderuar përfaqësueses të bizneseve shqiptare, nga këtu ju ftoj edhe juve që të shfrytëzoni MTI-në që të raportoni cilëndo barrierë që iu paraqitet edhe gjatë eksportit të produkteve tuaja në Republikën e Kosovës, sepse, qëndrimi ynë është të respektohen të gjitha marrëveshjet e arritura, të hapen tregjet tona për produktet shqiptare, të rritet ekonomike gjithëkombëtare. Por, kërkoj të njëjtin trajtim edhe për prodhuesit kosovar që eksportojnë në Shqipëri. Prodhimet tona andej dhe këndej nuk duhet të trajtohen nga qeveritë tona ndryshe, ato duhet të trajtohen pa dallim, si prodhime shqiptare”, tha Shala.

Ai bëri të ditur se shumë raporte mbi barrierat tarifore dhe jo tarifore që ekzistojnë në kuadër të vendeve anëtare të CEFTA, organizatë kjo që përfshinë të gjithë vendet e rajonit, del që Kosova është vendi më i diskriminuar sa i përket barrierave të vendosura nga këto vende.

“Prandaj si rezultat i këtyre barriera edhe eksporti Kosovar është më i ulëti në rajon”, tha Shala.

Ministri Shala tha se Tregjet e CEFTA-s duke përfshirë tregun e Shqipërisë janë destinacioni kryesor i eksporteve të Kosovë dhe sipas tij, çdo pengesë me të cilën eksportuesit ballafaqohen për qasje në këto tregje ka implikime domethënëse në rritje dhe zhvillim.

“Në lidhje me këtë, adresimi i barrierave të pajustifikueshme ndaj tregtisë është me prioritet të lartë në agjendën e Qeverisë së Republikës së Kosovës. Në bazë të disa analizave dhe studimeve të bëra nga MTI, del që Kosova ka pësuar një deficit strukturor në rritje në tregtinë e saj rajonale, duke u bërë destinacioni kryesor i importit për eksportet e anëtarëve të tjerë të CEFTA-s”, tha Shala.

“Por tashmë, kjo po ndryshon, sepse ne po i adresojmë të gjitha ankesat e eksportueseve tanë në rajon dhe më gjerë, të gjitha këto probleme të paraqitura do të zgjidhen ose ne do të vendosim reciprocitet. Bilanci tregtar i Kosovës do të ndryshoj, sepse prodhimet tona janë të standardeve të kërkuara, dhe çështjet politike nuk duhet dhe nuk do të ndikojnë në këtë rritje të eksportit dhe ekonomisë kosovare”, tha Shala.

Ministri iu kë bërë thirrje prodhuesve që të shfrytëzojnë këto kohë që t’i rrisin shkëmbimet tregtare.

“Kur tregtia me Serbinë është rënë në minimum si rezultat i masës 100 % të propozuar nga unë në mënyrë që të fitoni treg në republikën e Kosovës. Ne jemi shumë të interesuar që të gjitha produktet serbe por edhe te vendeve tjera të zëvendësohen me prodhimet tuaja”, tha ministri Shala.
 

Kalendari

Ngjarjet e datës 20 qershor 2019 - Organizata Inject- Iniciativa për Drejtësi dhe Barazi organizojn konferencën “Trajtimi Institucional i Rasteve të Dhunës në Familje”. (Hotel Emerald, ora 9:30)

- Open Data Kosovo organizon panelin e diskutimit me temën “Hapja e të Dhënave të Bizneseve dhe Kontributi i tyre në Zhvillimin Ekonomik të Kosovës”. (Hotel Sirius, ora 10:00)

- Universiteti ''Kadri Zeka'' në Gjilan në bashkëpunim me Oden e Avokatëve të Kosovës dhe aktivitetin e USAID-it Drejtësia Vlen, do të organizojë Orët për Ndihmë Juridike pa Pagesë, ku do të ofrohen shërbime juridike pa pagesë për qytetarët me nevojë. (Universiteti ''Kadri Zeka'', ora 10:00)

- Ministria e Punëve të Brendshme së bashku me Agjencinë e Kosovës për Forenzikë do të organizojë ceremoninë e pranimit të certifikatës së Ri-akreditimit të laborantëve. (Ambientet e Agjencisë së Kosovës për Forenzikë, ora 10:30)

- Anëtarët e Komisionit për Mbikëqyrje të Financave Publike, Avdullah Hoti dhe Driton Selmanaj nga Grupi Parlamentar i LDK-së mbajn konferencë për media. (Ndërtesa e Kuvendit, para sallës C301.  ora 10:30)

- Ministri i Inovacionit dhe Ndërmarrësisë, Besim Beqaj, do të mbajë konferencë për media. (Objekti i Ministrisë së Punëve të Jashtme, ora 11:00)

- Fushata për Zhvillimin e Qëndrueshëm Ekonomik në Kosovë bën shpalljen e finalistëve dhe fituesit të konkursit "Tregojeni mendjen tuaj afariste". (Shtëpia e Evropës, ora 11:00)

- Federata Sindikate e Telekomit të Kosovës mban konferencë për media lidhur me qendrimet rreth kontrates se Z-Mobile dhe hapave qe do të nderrmiren diteve në vijim. (Objekti Qendror i PTK-së në Dardani, ora 11:00)

- Mbahet seanca solemne me rastin e 20 Qershorit  Ditës së Çlirimit të Istogut. (Salla e Kuvendit Komunal, ora 11:00)

- Drejtori i Arsimit i Komunës së Gjilanit, Nazim Gagica mban konferencë për media për 5 mujorin e punës dhe planifikimin për tre-mujorin e ardhshëm. (Zyra e kryetarit të Komunës së Gjilanit, ora 11:00)

- Partia Socialdemokrate mban konferencë për media. (Zyrët qendrore në lagjen Arbëria, ora 11:30)

- Kryeministri Ramush Haradinaj pret në takim themeluesin e shoqatës bamirëse, “Jetimat e Ballkanit”, Halil Kastrati. (Ndërtesa e Qeverisë, ora 12:00)

- Me rastin e 20 Qershorit  Ditës së Çlirimit të Istogut bëhën homazhe dhe vendosje kurora lulesh tek Lapidari i Dëshmorëve në Istog. (Qendra e qytetit në Istog, ora 12:00)

- Mbahet ceremonia e përurimit të projektit të Adresave, ku do të marrin pjesë Kryetari i Komunës së Klinë, Prof. Dr. Zenun Elezaj, Ambasadori Norvegjez në Kosovë, Per Strand Sjaastad, zv. Ministri i Ministrisë së Mjedisit dhe Planifikimit Hapësinor, Gjergj Beka dhe Avni Ahmeti, Kryeshefi Ekzekutiv i Agjencisë Kadastrale  të Kosovës dhe qytetarë Klinas. (Oborri i Komunës së Klinës, ora 13:45)

- Ambasadori amerikan Philip Kosnett do të jetë prezent në përurimin e punëtorisë kreative të tipit “makerspace” në Komunën e Gjilanit, të financuar nga USAID-i. (Shkolla Xhavit Ahmeti në Gjilan, ora 14:15)

- Bëhet përurimi i qendrës së tretë të qëndrimit ditor për të moshuarit. (Lagjja Pejton, përballë Katedrales "Nëna Terezë", ora 15:00)

- Asociacioni i Gazetarëve të Kosovës do të mbajë tryezën e radhës me temën “Roli i medieve në raportimin e problemeve ndëretnike”. (Hotel Sirius, ora 16:30)

- Aksion për Nëna dhe Fëmijë do të bëj lansimin e Librit 'Ditari i Nënës' udhërrëfyesi për hapat e prindërimit, libër ky i shkruar nga Albiona Beselica Beha. (Libraria Dukagjini në sheshin Nënë Terezë, ora 17:00)

- Me rastin e 20 Qershorit  Ditës së Çlirimit të Istogut mbahet turniri në futboll të madh ku do të marrin pjesë ekipet nga komuna e Istogut, Klinës ,Deçanit dhe Pejës. (Fshati Banjë, ora 17:00)

- Kryeministri Ramush Haradinaj viziton komunitetin egjiptian në Fushë Kosovë, në kuadër të Javës së Egjiptianëve. (Amfiteatri përballë komunës së vjetër në Fushë Kosovë, ora 18:00)

- Me rastin e 20 Qershorit  Ditës së Çlirimit të Istogut mbahet programi festiv me këngë e valle. (Shtëpia e Kulturës në Istog, ora 18:00)

- Qendra Kinematografike e Kosovës në bashkëpunim me Komunën e Prishtinës dhe Kino Armatën për nder të njëzet vjetorit të çlirimit të qytetit të Prishtinës organizon Javën e Filmit me shfaqjen e filmave "Tisa" nga Valter Lucaj dhe "Përtej Rrugës" nga Yll Çitaku. (Kino Armata, ora 20:00)