22 Shkurt 2019

Ekonomia botërore në prag të luftës tregtare

New York, 2 qershor - Shtetet e Bashkuara të Amerikës (SHBA) kanë bërë të ditur se taksat e reja doganore duke prekur veçanërisht aleatët e saj, të cilët kanë filluar të kundërpërgjigjen duke e drejtuar ekonominë botërore në prag të luftës tregtare, pikërisht në momentin e takimit të G7-s në Kanada.

Këto tarifa doganore shtesë prej 25% për importet e çelikut dhe 10% për ato të aluminit të importuar nga Bashkimi Europian si dhe nga Kanadaja dhe Meksika kanë hyrë sot zyrtarisht në fuqi.

Duke dhënë një goditje më të ashpër kundër aleatëve të saj, në emër të sigurisë kombëtare, SHBA-ja ngjalli indinjatë dhe keqkuptime brenda Partisë Republikane të presidentit amerikan, Donald Trump.

“Vendimi prek aleatët e SHBA-së ndërkohë që ne duhet të punojmë me ata për të na ndihmuar për praktikat tregtare të padrejta të vendeve si Kina”, theksoi presidenti i Dhomës së Përfaqësuesve, Paul Ryan.

Otava ka qenë një prej partnerëve të parë që është përgjigjur konkretisht duke njoftuar taksa mbi 16,6 miliardë dollarë kanadezë (12,8 miliardë dollarë) prodhime amerikane.

Duke i cilësuar këto taksa si të papranueshme, kryeministri kanadez, Justin Trudeau theksoi se ato ishin një fyerje për partneritetin ekzistues të sigurisë mes Kanadasë dhe SHBA-së dhe një fyerje për mijëra kanadezë që kanë luftuar dhe kanë humbur jetën përkrah vëllezërve të tyre të ushtrisë kanadeze.

Trump është kundërpërgjigjur në një komunikatë ku ka theksuar qartë për Trudeau se SHBA-ja do të pranonte vetëm një marrëveshje të drejtëm ndryshe nuk do të ketë marrëveshje.

“Nuk mund të kuptojmë, se ne, aleatët e SHBA-së, mund të goditemi nga tarifat amerikane”, theksoi ministri francez i Ekonomisë, Bruno Le Maire.

“Ky vendim është një gabim dhe është i paligjshëm”, theksoi presidenti francez, Emmanuel Macron për presidentin amerikan gjatë një bisede telefonike.

“Nacionalizmi ekonomik është lufta”, ishte shprehur në këtë bisedë presidenti francez.

Kancelarja gjermane, Angela Merkel kishte theksuar se një ky ishte një përshkallëzim që do të dobësonte të gjithë botën.

“SHBA-ja nuk na ka lënë zgjedhje tjetër përveç paraqitjes së këtij konflikti para OBT-së (Organizata Botërore e Tregtisë) dhe vendosjes së tarifave doganore shtesë për prodhimet që vijnë nga SHBA-ja”, reagoi presidenti i Komisionit Europian. Jean-Claude Juncker.

“Ne kemi pasur diskutime me Komisionin Europian edhe ndonëse kemi bërë progrese, nuk kemi arritur deri në pikën ku do të kishte qenë e justifikuar si zgjatja e përjashtimit të përkohshëm ashtu dhe një përjashtim i përhershëm”, theksoi sekretari amerikan i Tregtisë, Wilbur Ross.

“Kam takuar këtë mëngjes, Wilbur Ross dhe i kam bërë të qartë se vendet e Bashkimit Europian nuk do të pranojnë kurrë të negociojnë nën presion”, nënvizoi Bruno Le Maire.

Në Berlin, qeveria gjermane premtoi përveç të tjerave se tashmë përgjigjja për Amerikën do të ishte Europa e Bashkuar.

Partnerja e tretë e Alenas, Kanadaja, që është mikëpritëse deri të shtunën e G7-s së Financave, synon të përfitojë nga ky takim i ministrave të Financave për të bindur administratën Trump të rishikojë vendimin. 

Kalendari

Ngjarjet e datës 22 shkurt 2019  - Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti do të​ takohet me Kryetarin e Federatës së Shahut, Nysret Avdiu (Objekti i Kryeministrisë, kati VIII, zyra 806, ora 8:30)

-  Kryetari i Odës Ekonomike të Kosovës, Berat Rukiqi, Shefi i Ambasadës Japoneze në Kosovë, Mitsunori Ogasawara dhe Drejtori gjeneral i kompanisë Jetro Vjenë, Satoshi ABE vizitojnë kompaninë Gjirafa. (Kompania Gjirafa, Dragodan, ora 9:30)

- Let’s Do It do të mbajë konferencën “Efiçienca e energjisë dhe Ruajtja e ujit”, në bashkëpunim me Oden e Gjelbër Ekonomike te Amerikës. (Hotel Swiss Diamond, ora 10:00)

- Koordinatori  Nacional për Kulturë, Rini dhe Sport në Qeverinë e Republikës së Kosovës Rexhep Hoti do të mbajë takim me drejtorët e shkollave të komunitetit boshnjak në Komunën e Prizrenit ku do të prezantohet Programi Nacional për Rininë. (Drejtoria Komunale e Arsimit, Prizren, ora 10:00)

- Mbahet mbledhja e komisionit për Mbikëqyrjen e Financave Publike në të cilën do të shqyrtohet raporti i auditimit për pasqyrat vjetore financiare të ZKM-së, etj. (Ndërtesa e Kuvendit, salla N 302, ora 10:00)

- Ministrja e Integrimit Evropian, Dhurata Hoxha, mban konferencë për media. (Ndërtesa e Qeverisë, ora 11:00)

- Ministri i Kulturës, Rinisë dhe Sportit, Kujtim Gashi i shoqëruar nga kryetari i Komunës se Rahovecit, Smajl Latifi do të vizitojë Palestrën e Sportit, ku do të shohë punimet e realizuara deri më tani në këtë objekt sportiv, projekt kapital në të cilin MKRS-ja ka investuar. (Komuna e Rahovecit, ora 11:00)

- Mbahet debati publik me temën 'Transparenca e punës së komunës së Graçanicës'. (Qendra Mediale në Çagllavicë, ora 11:00)

- Mbahet mbledhja e komisionit për Bujqësi, Pylltari, Zhvillim Rural, Mjedis e Planifikim Hapësinor në të cilën do të shqyrtohet projektligjit për pijet e forta alkoolike, etj. (Ndërtesa e Kuvendit, salla N 303, ora 11:00)

- Ambasada Norvegjeze në Prishtinë, IPKO Foundation dhe RIT Kosova organizojn ngjarjen për projektin KosLift i cili ka për qëllim të mbështesë deri në 1000 student të Universitetit të Prishtinës dhe RIT Kosovë si dhe 60 biznese kosovare në sektorët e energjisë, TIK-ut dhe prodhimit në ngritjen e aftësive të nevojshme dhe kapaciteteve për të rritur konkurrueshmërinë e tyre në sektorin e biznesit në Kosovë dhe rajon. (Residenca Norvegjeze në Fshatin Ndërkombëtar, ora 12:00)

- Lëvizja Vetëvendosje mban konferencë për media. (Zyret qendrore të Vetëvendosjes, ora 13:00)

- Koordinatori Nacional për Kulturë, Rini dhe Sport në Qeverinë e Republikës së Kosovës Rexhep Hoti i shoqëruar nga Drejtori Komunal i Arsimit, Agim Blakçori do të vizitojë shkollat “Ibrahim Rugova”, “Naim Frashëri”, dhe “Aleksandër Xhuvani”, në Podujevë për të përcjellë mbarëvajtjen e garës. (Podujevë, ora 13:30)

- Kryeministri Ramush Haradinaj vizitë pune në Komunën e Mamushës. (Fshati Mamushë, ora 14:00)

- Kryeministri Ramush Haradinaj viziton disa sera në Komunën e Mamushës. (Fshati Mamushë, ora 14:40)

 - Kryeministri Ramush Haradinaj vizitë pune kompanisë “Liri” në Prizren. (Prizren, ora 17:00)