31 Mars 2020

Dow Jones rritet për të 8-in sesion

New York, 20 mars - Treguesi industrial Dow Jones u rrit për të tetin sesion rresht të enjten, të shtyra lart nga rritja e stoqeve të kompanisë Boeing. Ndërsa një tufë të dhënash të përziera ekonomike e mbajtën nën presion treguesin Standard & Poor’s.

Fitimet e Dow Jones-it erdhën në një kohë kur një pjesë e madhe e stoqeve shënuan rënie më tepër sesa fitime në bursën e Nju Jorkut, në një ditë të shënuar nga një vëllim i ulët këmbimi në terma tregtie, vetëm një ditë përpara skadimit të parablerjeve dhe opsioneve të tremujorit.

Boeing u rrit 2,2 përqind, duke i dhënë Dow Jones-it shtysën më të madhe, pasi kompania Bernstein Research deklaroi se programi i linjës së avioneve 787 “dukej se po bënte përparime thelbësore.” Boeing-u, që shënoi mbylljen më të lartë që prej qershorit 2008, mbetet stoku që e ka interpretuar më mirë tregun deri tani për këtë vit.

Të dhënat ekonomike siguruan pjesërisht mbështetje. Indeksi i Bankës së Rezervës Federale të Filadelfias tregoi se aktiviteti i fabrikave ishte zgjeruar më tepër nga sa pritej në muajin mars, edhe pse porositë e reja për mallra kishin rënë.

Indeksi mesatar industrial Dow Jones u rrit 0,42 përqind, indeksi SP500 ra 0,03 përqind, ndërsa indeksi i përbërë Nasdaq u rrit 0,09 përqind.

Kalendari

Ngjarjet e datës 30 mars 2020

- Oda Ekonomike e Kosovës do të mbajë konferencë për media lidhur me propozimin për mbështetjen e sektorit privat pas përhapjes së pandemisë COVID-19. (Objekti i Odës Ekonomike të Kosovës, ora 10:00)

- Komuna e Rahovecit mban mbledhjen e rregullt të Kuvendit Komunal. (Salla e mbledhjeve të Kuvendit Komunal, Rahovecit, ora 10:00)

- Aleanca Kosovare e Bizneseve mban konferencën për media me temë "AKB reagon ndaj Propozimit të Pakos së Qeverisë për mbështetjen e bizneseve". (Zyret e AKB-ës, ora 12:00)

 

- Kryetari i Komunës së Prizrenit, Mytaher Haskuka, drejtori i Drejtorisë së Shëndetësisë dhe njëkohësisht koordinator i shtabit emergjent, Visar Shehu, dhe drejtori i Drejtorisë së Administratës, Osman Hajdari mbajn konferencë për media lidhur me masat e ndërmarra nga Komuna e Prizrenit kundër pandemisë COVID-19. (Shtëpinë e Bardhë ora 14:00)

 

- Nataliya Apostolova, Shefja e Zyrës së BE-së në Kosovë në prani të Kryeministrit në detyrë, Albin Kurti dhe Ministrit në detyrë të Shëndetësisë, Arben Vitia do të nënshkruajë sot një kontratë me vlerë 5 milionë euro për nevoja të menjëhershme të Kosovës për luftimin e pandemisë COVID-19. (Ceremonia e sotshme e nënshkrimit do të transmetohet drejtpërdrejt në Facebook përmes faqes së BE-së në Kosovë @EuropeanUnionInKosovo, ora 17:00)