30 Nëntor 2020

Covid-19 do të ngadalësojë ekonomitë e vendeve që bëjnë tregti me Kinën e Europën

Bruksel, 13 mars - Edhe pse jo me shifra konkrete, Banka Evropiane për Rindërtim dhe Zhvillim paralajmëron ngadalësim të ekonomisë veçanërisht të Azisë Qendrore, Evropës Lindore, Kaukazit, Rusisë dhe Evropës Jug-Lindore ku bën pjesë edhe Shqipëria, si pasojë e përhapjes së koronavirusit.

Shtetet që pritet të ndikohen më së shumti nga përhapja e COVID-19, sipas BERZH do të jenë ata që kanë varësi të drejtpërdrejtë furnizimi apo tregtie me Kinën dhe Evropën.

Ndikim jo pak të rëndësishëm pritet të ketë edhe rënia e fundit e çmimeve të naftës do të ketë një ndikim në vendet prodhuese të naftës në rajonet ku BERZH ka ndikimin e tij.

Për këtë arsye Banka Evropiane për Rindërtim është e gatshme të rrisë mbështetjet për kompanitë në rajonet e saj të operacionit për t’i ndihmuar ata që të rimëkëmben pas ndikimit të pandemisë së koronavirus, në ekonomitë përkatëse.

Sipas njoftimit të shpërndarë nga ky institucion po punohet për një paketë masash për të investuar në 38 ekonomi në zhvillim.

Pjesa më e madhe e masave do të jetë për klientët ekzistues, duke u mundësuar likuiditet emergjent afat-shkurtër, kapital, ristrukturim si dhe ristrukturim për kompanitë me baza të forta biznesi të prekur përkohësisht nga kriza.

Kalendari

Ngjarjet e datës 1 Dhjetor 2020 - Komisioni Hetimor Parlamentar lidhur me procesin e privatizimit në Kosovë në të cilën do të behët plotësimi i listës së dëshmitarëve. (Ndërtesa e Kuvendit, salla N10, ora 9:00)

- Drejtorit të AKI-së raporton para Komisionit për Mbikëqyrjen e Agjencisë së Kosovës për Inteligjencë lidhur me gjendjen e sigurisë në vend. (Ndërtesa e Kuvendit, salla N204, ora 9:30)

- Campus France, Ambasada Frnceze në Kosovë, Aleanca Franceze e Prishtinës dhe Universiteti i Prishtinës organizojnë Panairin e tretë Universitar Francez në Kosovë. (online -https://tourneebalkanskosovo.com, ora 10:00)

- Mbahet edicioni i 5-të virtual i Green Business Expo. (Businessexpo.greenkosovo.com, ora 10:30)

- Ministri i Shëndetësisë Armend Zemaj raporton para Komisionit për Mbikëqyrjen e Financave Publike lidhur me raportin e auditimit për Pasqyrat Vjetore Financiare të vitit 2019, për Ministrinë e Shëndetësisë. (Ndërtesa e Kuvendit, salla N302, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike diskuton lidhur me rekomandimet e dala nga “Raporti për vendin për vitin 2020, i Komisionit Evropian” me të ftuar ministrat dhe përfaqësuesit e agjencive të pavarura. (Ndërtesa e Kuvendit, salla N506, ora 11:00)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston drejtorin e Departamentit të mjedisit dhe ujërave Muhamet Malësiu dhe drejtorin e Autoritetit të Rajonit të Pellgjeve Lumore, nga Ministria e Ekonomisë dhe Ambientit, Gani Berisha lidhur me lejet e lëshuara për operimin e dy hidrocentraleve nga kompania “Kelkos Energy”. (Ndërtesa e Kuvendit, salla N225, ora 11:00)

- Nënkryetari i Partisë Demokratike të Kosovës, njëkohësisht, kryetari i Degës së PDK-së në Prizren, Shaqir Totaj, i shoqëruar nga deputetja Eliza Hoxha, mbajnë konferencë për media në të cilën do të flasin për shtatoren e re të Skënderbeut, punën e dobët artistike dhe lokacionin jo adekuat. (Zyret e PDK-së në Prizren, ora 11:00)  

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston kryetarin e Komunës së Deçanit, Bashkim Ramosaj. (Ndërtesa e Kuvendit, salla N225, ora 13:00)

- Partia Demokratike e Kosovës, Dega në Prishtinë, do të mbajë konferencë për medie. (Te stacioni i autobusëve urbanë “Katedralja”, ora 13:00)

- Zyrtarët e Agjencisë së Ushqimit dhe Veterinarisë raportojn para Komisionit për Bujqësi, Pylltari, zhvillim Rural, Infrastrukturë dhe Mjedis rreth importimit të vajit të palmës. (Ndërtesa e Kuvendit, salla N204, ora 13:00)

- Instituti Demokraci për Zhvillim (D4D) mban diskutimin “Rimëkëmbja nga viti 2020: Si të rindërtojmë ekonominë dhe politikat sociale në vitin 2021?”. (Hotel Sirius, ora 17:00)