04 Dhjetor 2020

Çmimi i naftës Brent bie në 30 dollarë për fuçi

New York, 18 mars - Çmimi i naftës së papërpunuar Brent vazhdoi të bie nën pragun psikologjik prej 30 dollarë për fuçi sot për shkak të shqetësimeve globale të recesionit dhe rënies së kërkesës për naftë në të gjithë botën si rezultat i pandemisë së koronavirusit.

Standardi ndërkombëtar i naftës së papërpunuar ra në 28,40 dollarë për fuçi duke shënuar një humbje ditore prej 0,17 për qind, dhe duke e mbajtur markën Brent nën nivelin prej 30 dollarëve për fuçi gjatë dy ditëve të fundit.

Marka standarde amerikane West Texas Intermediate (WTI) ra në nivelin më të ulët me 26.63 dollarë në të njëjtën kohë duke shënuar rënie ditore prej 1.18 për qind, ndërsa vazhdon të shënojë nivelet e saj më të ulëta që nga shkurti i vitit 2016.

Përderisa qeveritë në të gjithë botën njoftojnë masa të rrepta këtë javë për të zvogëluar ndikimin ekonomik të shpërthimit të koronavirusit, lufta e çmimeve për pjesën më të madhe të tregut midis prodhuesve më të mëdhenj të naftës në botë, Arabia Saudite dhe Rusia vazhdojnë të ulin çmimet e naftës së papërpunuar gjithnjë e më shumë.

Zëdhënësi i Ministrisë së Energjisë së Mbretërisë tha të martën se Arabia Saudite synon të rrisë më tej prodhimin e naftës në dy muajt e ardhshëm, duke arritur majat prej më shumë se 10 milionë fuçi në ditë ndërsa sauditët eksplorojnë një fushë të re.

"Arabia Saudite do të përdorë gazin e prodhuar nga uzina e gazit Fad'hili për të kompensuar rreth 250 mijë fuçi në ditë të konsumit të brendshëm të naftës, gjë që do t'i mundësojë Arabisë Saudite të rrisë eksportet e saj të naftës së papërpunuar gjatë disa muajve të ardhshëm për të tejkaluar 10 milionë fuçi në ditë", tha zëdhënësi i Ministrisë saudite të Energjisë.

Ministri rus i Energjisë, Aleksandër Novak njoftoi më parë në mars se vendi i tij mund të rrisë prodhimin me 250-300 mijë fuçi në ditë në një afat të shkurtër dhe 500 mijë fuçi në ditë për një afat më të gjatë.

Ndërsa dy prodhuesit e naftës janë vendosur të rrisin nivelin e tyre të prodhimit të naftës që nga 1 prilli ndërsa tregjet presin një rënie edhe më të madhe të çmimeve të naftës në javët e ardhshme.

Kalendari

Ngjarjet e datës 4 Dhjetor 2020 - Mbahet seanca fillestare për rastin e vrasjes së politikanit serb Oliver Ivanoviq pranë Gjykatës Themelore në Prishtinë, departamenti Special - krimet e rënda me c'rast avokati mbrojtës do te jep deklaratë për mediet pas seancës. (Gjykata Themelore në Prishtinë, ora 9:30)

- Guvernatori i Bankës Qendrore të Republikës së Kosovës, Fehmi Mehmeti do të mbaj një takim virtual me presidentin e Gjykatës Ndërkombëtare të Arbitrazhit Alexis Mourre dhe Drejtoreshën e Komisionit të Arbitrazhit për Evropë, Laetitia de Montalivet. (Takim virtual, ora 10:00)

- Kryetari i Komunës së Prizrenit, Mytaher Haskuka dhe drejtoresha e Drejtorisë së Kulturës, Rinisë dhe Sportit, Emilja Redzepi, do të bëjnë nënshkrimin e kontratave me përfituesit e thirrjes për përkrahjen e OJQ-ve dhe individëve në fushën e kulturës, rinisë dhe sportit. (Shtëpia e Bardhë në Prizren, ora 10:00)

- Qendra për Këshillim, Shërbime Sociale, dhe Hulumtime organizon aktivitetin “Tuneli i Fundit” në përkujtim të grave të vrara si pasojë e dhunës në familje në pesë vitet e fundit në Kosovë, dita e dytë. (Përballë ndërtesës së Kuvendit të Kosovës, ora 10:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton shkresën e Artan Qerkinit përfaqësues i Malcolm Simmons, ish kryetar i Asamblesë së Gjyqtarëve të EULEX-it, “Përgjigje në ftesën për të dëshmuar para Komisionit për Legjislacion” si dhe njoftohet me shkresën e Përfaqësuesit Special të Bashkimit Evropian, Tomas Szunyong, për emërimin e Karin Hernmark Ahliny, Ambasador i Suedisë, anëtar i Bordit  Mbikëqyrës  të Agjencisë Kosovare për Verifikim dhe Krahasim të Pronës. (Ndërtesa e Kuvendit, salla N506, ora 10:15)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston Ministrin e Ministrisë së Infrastrukturës Arban Abrashin. (Ndërtesa e Kuvendit, salla N204, ora 11:00)

- Mbahet seanca e jashtëzakonshme e Kuvendit te Kosovës në të cilën do të behët shqyrtimi i dytë i Projektligjit për Rimëkëmbjen Ekonomike - COVID-19. (Ndërtesa e Kuvendit, ora 11:00)

- Organizata Etea dhe Aleanca Franceze në Prishtinë me mbështetjen e Ambasadës Franceze do të mbajnë takimin e parë të huazimit të librave. (Tek objekti i Aleancës Franceze, ora 11:00)

- Autoriteti Kosovar i Konkurrencës (AKK) mban konferencë për medie lidhur me një hetim ndaj ndërmarrjeve që operojnë në tregun e energjisë elektrike. (Ish-objekti i Bankës së Lubjanës, ora 11:15)

- Kryetari i Delegacionit të Kosovës, Ibrahim Makolli dhe ai i delegacionit të Serbisë Veljko Odalovic do të mbajnë konferencë për media lidhur me varrezën masive në Kizhevak të Serbisë. (Lokacioni i varrezës masive në Kizhevak  të Serbisë, ora 12:00)

- Shpallet aktgjykimi ndaj të akuzuarit N. M., i cili akuzohet nga Prokuroria Themelore e Gjilanit, për veprën penale “vrasje e rëndë” pasi qe në  fshatin Berivojcë, komuna e Kamenicës, i pandehuri dyshohet që pas mosmarrëveshjeve familjare, me një mjet të fortë - shufër metalike, godet bashkëshorten e tij në kokë dhe pjesë të tjera të trupit, me ç’rast të ndjerës i ka shkaktuar plagë të cilat kanë qenë vdekjeprurëse. (Gjykata Themelore Gjilan, ora 13:00)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston drejtoren e Insitutit Hidrometeorologjik të Kosovës Letafete Latifi. (Ndërtesa e Kuvendit, salla N204, ora 13:00)

- Komisioni Hetimor Parlamentar lidhur me procesin e privatizimit në Kosovë plotëson listën e dëshmitarëve. (Ndërtesa e Kuvendit, salla N10, ora 13:00)

- Qendra për Raste Gjyqësore Strategjike mban konferencë për media me rastin e dorëzimit të padisë për konflikt administrativ kundër vendimeve të Ministrisë së Ekonomisë dhe Ambientit dhe Zyrës së Rregullatorit për Energji”. (Para Pallatit të Drejtësisë, ndërtesa A, ora 14:00)

- Ministrja e Punëve të Jashtme dhe Diasporës e Republikës së Kosovës, Meliza Haradinaj-Stublla pret në takim ministrin në detyrë për Evropën dhe Punët e Jashtme i Republikës së Shqipërisë, Gent Cakaj ku pjesë e takimit do të jenë edhe përfaqësuesit e shqiptarëve të Luginës së Preshevës. (Objekti i MPJD-së, ora 14:00)