08 Mars 2021

Çmimi i naftës bie nën 20 dollarë për fuçi

New York, 21 prill - Çmimi i naftës së papërpunuar Brent ra nën pragun prej 20 dollarëve për fuçi të martën ndërsa koronavirusi i ri (COVID-19) vazhdon të ndikojë në rritjen e tepricës së naftës për shkak të konsumit të ulët global.

Standardi ndërkombëtar ra në 18.02 dollarë për fuçi, duke shënuar nivelin e tij më të ulët që nga shkurt i vitit 2002, në mëngjesin e së martës me një humbje ditore prej 29.27 për qind pasi të hënën u mbyll në 25,48 dollarë për fuçi.

Standardi amerikan West Texas Intermediate (WTI) tregtohet me 6.95 dollarë për fuçi në të njëjtën kohë me një humbje ditore prej 41.88 për qind, pasi mbylli ditën e mëparshme me 11,96 dollarë për fuçi.

Çmimi për një fuçi nafte në bazë të kontratës së të ardhmes (Futures) të cilat skadojnë nesër, ra në nivel aq të ulët derisa arriti në -37,63 dollarë, pasi fillimisht tregtimi u hap në 17,73 dollarë, që është një rënie prej më shumë se -290 për qind, që tregon se masat e tepërta të furnizimit ndaj kërkesës së ulët, detyrojnë furnizuesit të paguajnë blerësit të shkarkojnë inventarin e tyre.

Për shkak të rënies së kërkesës së naftës të shkaktuar nga koronavirusi dhe rritjes së furnizimit kumulativ, prodhuesit e naftës kërkojnë me dëshpërim ruajtjen shtesë, e cila po mbaron me shpejtësi në të gjithë botën.

Më 12 prill vendet prodhuese të naftës OPEC+ u pajtuan për të frenuar prodhimin e tyre të përgjithshëm të naftës duke filluar nga muaji tjetër, një vendim që erdhi një muaj me vonesë pas takimit të mëparshëm në Vjenë të Austrisë më 6 mars.

Vonesa njëmujore për të frenuar prodhimin, mbi zbatimin e uljes nga 1 maji e tutje, e ka lënë tregun global të naftës me një tepricë të furnizimit për të shtuar telashet, që nga ana tjetër ka ulur në mënyrë dramatike çmimet e naftës së papërpunuar.

Kalendari

Ngjarjet e datës 8 Mars 2021 - Mbahet seanca gjyqësore kundër të pandehurit I.L. për vepren penale 'Keqpërdorimi seksual i personave nën moshën gjashtëmbëdhjetë vjet'. (Gjykata Themelore në Ferizaj, ora 9:30)

- Kryeministri në detyrë, Avdullah Hoti merr pjesë në aktivitetin “Shënimi i 8 Marsit- Dita Ndërkombëtare e Gruas”, me ç’rast do të bëhet edhe nënshkrimi i marrëveshjeve me përfitueset e bizneseve të vogla të Grave nga Programi i Rimëkëmbjes Ekonomike  2021 – Masa 4, Faza e dytë. (Ndërtesa e Qeverisë, ora 9:45)

- Qendra për Informim, Kritikë dhe Aksion organizon aksion simbolik për shënimin e Ditës Ndërkombëtare të Gruas. (Sheshi “Skënderbeu” në Prishtinë, ora 10:00)

- Oda e Mjekëve të Kosovës ndan mirënjohje për mjekët në pension dhe për institucionet shëndetësore të rajonit të Mitrovicës që kanë kontribuar në luftën kundër pandemisë COVID-19. (Spitali i Përgjithshëm Mitrovicë, ora 10:00)

- Lëvizja FOL organizon konferencë për media me ç’rast do të bëhet publikimi i raportit “Pasuria e (pa)ndarë - Posedimi i pasurisë nga zyrtaret politike dhe bashkëshortet e zyrtarëve politik”. (Zyrat e Lëvizjes FOL, ora 10:30)

- Sindikata e Punëtorëve të Lotarisë së Kosovës do të protestojë para ndërtesës së Qeverisë. (Ndërtesa e Qeverisë, ora 11:00)  

- Universiteti ''Kadri Zeka'' do të shënojë 8 vjetorin e themelimit! (Ambientet e Universitetit në Gjilan, ora 11:00)

- Me rastin e Ditës Ndërkombëtare të Gruas mbahet marshi “Marshojmë s’festojmë kundër patriarkatit që vret”,  (Nisja nga sheshi “Zahir Pajaziti”, ora 12:00)  

- Shoqata e Gastronomëve organizon marsh protestues në të cilin do të kërkojnë hapje totale për bizneset. (Sheshi “Zahir Pajaziti”, ora 14:00)

- OJQ “ETEA” dhe biblioteka “Hivzi Sulejmani” organizojnë bashkëbisedim me temën “Mësuesia ndër vite”. (Biblioteka “Hivzi Sulejmani” në lagjen Dardania, ora 16:00)

- Qendra e Artit dhe Komunitetit organizon mbrëmjen e poezisë “Poezi për Fuqi - çdo ditë është 8 mars”. (Teatrin Kombëtar në Prishtinë, ora 19:00)