05 Mars 2021

Çmimet e ulëta të naftës me pasoja të rënda për Lindjen e Mesme

Riad, 17 prill - Pandemia e koronavirusit po e fut Lindjen e Mesme në një krizë të shumëfishtë, nga të cilat ekonomitë e rajonit duhet të mbrohen, thonë analistët. Rënia e çmimit të naftës ka përkeqësuar gjendjen ekonomike në rajonin tashmë të përfshirë nga trazirat dhe konfliktet.

Lindja e Mesme, tashmë e goditur nga niveli i lartë i papunësisë në mesin e të rinjve, trazirat, konfliktet dhe numri i madh i refugjatëve, do të zhytet në recesion këtë vit të shkaktuar nga pandemia e koronavirusit dhe rënia e çmimit të naftës, tha Xhihad Azour, drejtor i Fondit Monetar Ndërkombëtar (FMN) për Lindjen e Mesme dhe Azinë Qendrore.

Ai paralajmëroi se rajoni po përjeton vetëm valën e parë të tronditjes dhe duhet të përgatitet për pasojat afatgjata të krizës.

"Mesazhi këtë vit është se po përballemi me një nga krizat vërtet më sfiduese që rajoni ka përjetuar ndonjëherë. Një numër i caktuar masash janë të nevojshme, dhe kujdesi shëndetësor duhet të ketë përparësi tani. Ekonomitë duhet të mbrohen," tha Azour për agjecinë e lajmeve Associated Press.

Organizata e vendeve eksportuese të naftës, OPEC, Rusia dhe vende të tjera prodhuese të naftës, të dielën arritën një marrëveshje për pakësimin e prodhimit të naftës me 10 milionë fuçi, me shpresën për të ndalur rënien e mëtejshme të çmimit të naftës. Marrëveshje pakëson me 10 për qind e sasinë e përgjithshme të furnizimit global, dhe ka si synim t’i japë fund luftës mbi çmimin e naftës mes vendeve prodhuese në mes të pandemisë së koronavirusit.

Analisti Robin Mills thotë se marrëveshja nuk do të ndihmojë në zbutjen e problemit të rënies së kërkesave për naftë në aspektin afatshkurtër për shkak të kufizimeve globale mbi udhëtimet që akoma janë në fuqi.

“Ndikimi në aspektin afatgjatë është i rëndësishëm, kur ekonomia botërore do të fillojë të rimëkembet dhe vendet do t’i japin fund masave kufizuese. Atëherë njerëzit do të fillojnë përsëri të ngasin makinat dhe të udhëtojnë me avionë, duke rritur kërkesat për naftë. Niveli i kërkesave për naftë do të jetë më i ulët se vitin e kaluar, por rimëkëmbja ekonomike i jep mundësinë OPEC-ut që të ketë pak më shumë kontroll në rikthimin tek niveli më i lartë i kërkesave”, thotë ai.

Duke pasur parasysh nivelin global të krizës, analistët i bënë thirrje qeverive të vendeve të Lindjes së Mesme që të intensifikojnë përpjekjet për të vënë nën kontroll krizën e pandemisë së koronavirusit sa më shpejt që të jetë e mundur. Sipas tyre kjo do t’i hapte rrugën shtimit të kërkesave për naftë dhe rimëkëmbjes ekonomike të rajonit.

Lindja e Mesme ka regjistruar më shumë se 170,000 raste me Covid-19, përfshirë më shumë se 6,500 viktima

Kalendari

Ngjarjet e datës 5 Mars 2021  - Kuvendi komunal i Prishtinës mban seancë solemne për nder të shënimit të Epopesë së Ushtrisë Çlirimtare të Kosovës. (Objekti i komunës së vjetër, ora 9:00)

- Kryetari i Partisë Demokratike të Kosovës, Enver Hoxhaj me bashkëpunëtorë do të bëjnë homazhe në Kompleksin Memorial në Prekaz në nderim të sakrificës së Familjes Jashari, në 23 vjetorin e "Epopesë së UÇK-së". (Kompleksi Memorial në Prekaz, ora 9:45)

- Komuna e Prizrenit do te mbajë seancë solemne me rastin e 23 vjetorit të Epopesë së UÇK-së. (Salla e Kuvendit e Komunës në Shtëpinë e Bardhë, ora 10:00)

- Kuvendi komunal i Pejës  mban seancë solemne për nder të shënimit të Epopesë së Ushtrisë Çlirimtare të Kosovës. (Salla e Kuvendit Komunal të Pejës, ora 10:00)

- Mbahet ceremonia e nënshkrimit të Memorandumit të Mirëkuptimit ndërmjet Universitetit të Prishtinës “Hasan Prishtina” dhe Projektit “Heras Plus”. (Rektorati i UP-së, ora 10:00)

- Mbahet seanca solemne e Kuvendit të Komunës së Gjilanit, e cila mbahet për nderë të shënimit të Manifetimit “Epopeja e UÇK-së”. (Salla e mbledhjeve të KK-Gjilan, ora 10:00)

- Kryetar i Partisë Liberale Egjiptiane dorëzon ankesë në PZAP lidhur me procesin zgjedhore dhe orkestrimin e votave nga Lista Serbe duke e mbështetur  kunderligjshëm ' Romani Iniciativa". (PZAP, ora 10:00)

- Komuna e Prishtinës mban konferencë për media në të cilën do të behët prezentimi i planit te renovimit te soliterave në lagjen "Ulpiana". (Ndërtesa e vjeter e Komunës, ora 11:00)

- Fondi për Popullsi i Kombeve të Bashkuara lanson kampanjën “bashkë kundër covid-19”. (Instituti Kombëtar i Shëndetësisë Publike, ora 11:00)

- Hapet ekspozita “Kujtesa e Kosovës - Adem Jashari - rrëfime për të bëmat dhe heroizmin”. (Biblioteka Kombëtare “Pjetër Bogdani”, ora 11:00)

- Në Gjykatën Speciale mbahet seanca e radhës ndaj Salih Mustafës. (Selia e gjykatës në Hagë, ora 11:00)

- Mbahet manifestimi qendror, Parada e FSK-së, për nder të 23 - vjetorit të Epopesë së Ushtrisë Çlirimtare të Kosovës, në kujtim të Komandantit Legjendar Adem Jashari, familjes Jashari dhe të gjithë Dëshmorëve të kombit, si dhe të gjithë të rënëve për liri. (Kazerma ''Adem Jashari'' të FSK-së në Prishtinë, ora 12:00)

- Presidentja e Republikës së Kosovës, dr. Vjosa Osmani Sadriu dhe Kryeministri në detyrë, Avdullah Hoti do të marrin pjesë dhe do të mbajë një fjalë rasti në ceremoninë e FSK-së cila organizohet për nder të “Epopesë së UÇK-së”. (Kazerma “Adem Jashari” në Prishtinë, ora 12:00)

- Mbahet turniri në futsall. (Pallati i Rinisë, Prishtinë, ora 18:00)