12 Gusht 2022

Çmimet e naftës shënojnë rënie

New York, 1 korrik - Çmimet e naftës kanë shënuar rënie para takimit të Organizatës së Vendeve Eksportuese të Naftës (OPEC) në pritje të vendimit për ofertën e grupit për muajin gusht.

Standardi ndërkombëtar ‘Brent’ i naftës së papërpunuar tregtohet 112,23 dollarë për fuçi, duke shënuar një rënie prej 0,20 për qind pas mbylljes së seancës së mëparshme prej 112,45 dollarë për fuçi.

Standardi amerikan ‘West Texas Intermediate’ (WTI) tregtohet 109,44 dollarë për fuçi, me një rënie prej 0,31 për qind pasi seanca e mëparshme u mbyll me 109,78 dollarë për fuçi.

Sytë e investitorëve janë në takimin e grupit OPEC+, që do të zhvillohet më vonë gjatë ditës për të përcaktuar prodhimin e naftës për muajt e verës.

Çmimet e naftës ranë që në seancën e mëparshme nga frika e rënies së kërkesës globale për shkak të shqetësimeve ekonomike globale.

Tregjet janë në pritje të një vendimi të mundshëm për rritjen e ofertës nga grupi OPEC për të lehtësuar shqetësimet e ngushta të ofertës. Ndryshe, shqetësimi i shtuar i recesionit dhe ngadalësimi i ekonomisë globale vazhdojnë të ndikojnë në çmimet e naftës.

Ndërkohë, sipas Administratës së Informacionit të Energjisë (EIA), inventarët komercialë të naftës së papërpunuar në SHBA javën e kaluar u ulën për 2,8 milionë fuçi në 415,6 milionë fuçi, kundrejt pritjeve të tregut për një rënie prej 110 mijë fuçi.

Ndërprerjet e mundshme të ofertës, të shkaktuara nga sanksionet në Rusi, uraganet në SHBA dhe trazirat politike në Ekuador dhe Libi, pritet të kufizojnë uljen e çmimit të naftës.

Kalendari

Ngjarjet e datës 12 gusht 2022

 - Kryeministri i Republikës së Kosovës, Albin Kurti, bashkë me ministrin e Financave, Punës dhe Transfereve, Hekuran Murati, vizitojnë Doganën e Kosovës. (Drejtoria e Doganës, ora 8:30)

- Kuvendi nëpërmjet Grupit të Deputetëve të Rinj shënon Ditën Ndërkombëtare të Rinisë. (Salla plenare, ora 10:00)

- Komuna e Rahovecit organizon takimet B2B në kuadër të aktiviteteve të Muajit të Mërgimtarëve. (Restaurant Ura e Shenjtë, ora 10:00)

- Nisma e të Rinjve për të Drejtat e Njeriut – Kosovë ((YIHR KS) shënon Ditën Ndërkombëtare të Rinisë me një aksion rrugor me slloganin “Kur bohet mirë?!” (Sheshi “Nënë Tereza”, ora 12:00)

- Avokati i familjes Dehari, Tomë Gashi, mban konferencë për medie në lidhje me rastin e vdekjes së aktivistit të VV-së, Astrit Dehari. (Zyrat e Tomë Gashit, mbi Kino ABC, ora 12:00)

- Kryeministri i Republikës së Kosovës, Albin Kurti, bashkë me ministrin e Financave, Punës dhe Transfereve, Hekuran Murati, vizitojnë kompaninë “Rroni Fer” Sh.P.K. (Magjistralja Gjakovë-Prizren_kilometri i dytë, Objekti i ish-ndërmarrjes “Metaliku”, Gjakovë, ora 14:30)

- Qendra për Këshillim, Shërbime Sociale dhe Hulumtime organizon Festivalin e Rinisë për nder të Ditës së Rinisë. (Lagjja Taukbashqe, ora 18:00)

- Mbahet edicioni i parë i festivalit “MAL FEST”, i cili synon të jetë tradicional dhe objektiv e ka rininë dhe mërgatën e Komunës së Malishevës. Festivali organizohet nga Komuna e Malishevës në bashkëpunim me  organizatën “Values for Better Future”.(parku i qytetit në Malishevë, ora 19:00)

- Në kuadër të Akademisë Verore ‘’Arbën Xhaferi"  mbahet panel diskutimi me deputetët e rinjë të Kuvendit të Kosovës lidhur me rolin dhe rëndesin e të rinjëve në politikë. (Akademia për Siguri Publike të Kosovës, ora 19:30)