31 Mars 2020

Bursat evropiane mbyllen në rritje

Londër, 20 mars - Aksionet evropiane u rritën pas hapjes së bursave të premten, me bankat që udhëhoqën ngjitjen e tregjeve, të shtyra nga fitimet që siguroi Lloyds Banking Group. Kjo e fundit deklaroi se do t’i kthehej bilancit me fitime për vitin 2010. Indeksi panevropian FTSEurofirst 300 i aksioneve kryesore u rrit 0,5 përqind, duke kompensuar tërë humbjet e sesionit të kaluar.

Bankat u rritën, të shtyra përpara nga fitimi prej 8,7 përqind i Lloyds Banking Group. Kjo bankë deklaroi se, pas dy vitesh humbjesh të rënda, do t’u kthehej fitimeve në vitin 2010, duke ulur nivelin e borxheve të këqija dhe duke shtrënguar kontrollin e kostove. Barclays, HSBC, Societe Generale, BNP Paribas dhe Deutsche Bank u rritën nga 0,4 në 2,2 përqind.

Disa ekonomistë mendojnë se tendenca aktuale rritëse do të vazhdojë në treg, pasi nuk shihet ndonjë rrezik i mundshëm që ta prishë këtë orientim. Deklarata pozitive i dha kurajë tregjeve, për më tepër që ajo ishte e papritur. Njëfarë paqëndrueshmërie mund të vihet re në tregje prej tregtimit të opsioneve dhe parablerjeve që skadojnë të premten.

Shqetësimet mbi problemet e borxhit të Greqisë mbetën në tregje edhe këtë të premte. Vendi mesdhetar e rriti stekën të enjten në kërkesat e veta për ndihmë nga BE-ja, për të zgjidhur krizën e borxhit, pasi deklaroi se nuk mund t’i arrinte objektivat e premtuara për shkurtimin e deficitit, në qoftë se kostot e huamarrjes do të mbeteshin të larta, duke shtuar se mund t’i bënte thirrje FMN-së të hynte në lojë për ndihmë.

Kalendari

Ngjarjet e datës 30 mars 2020

- Oda Ekonomike e Kosovës do të mbajë konferencë për media lidhur me propozimin për mbështetjen e sektorit privat pas përhapjes së pandemisë COVID-19. (Objekti i Odës Ekonomike të Kosovës, ora 10:00)

- Komuna e Rahovecit mban mbledhjen e rregullt të Kuvendit Komunal. (Salla e mbledhjeve të Kuvendit Komunal, Rahovecit, ora 10:00)

- Aleanca Kosovare e Bizneseve mban konferencën për media me temë "AKB reagon ndaj Propozimit të Pakos së Qeverisë për mbështetjen e bizneseve". (Zyret e AKB-ës, ora 12:00)

 

- Kryetari i Komunës së Prizrenit, Mytaher Haskuka, drejtori i Drejtorisë së Shëndetësisë dhe njëkohësisht koordinator i shtabit emergjent, Visar Shehu, dhe drejtori i Drejtorisë së Administratës, Osman Hajdari mbajn konferencë për media lidhur me masat e ndërmarra nga Komuna e Prizrenit kundër pandemisë COVID-19. (Shtëpinë e Bardhë ora 14:00)

 

- Nataliya Apostolova, Shefja e Zyrës së BE-së në Kosovë në prani të Kryeministrit në detyrë, Albin Kurti dhe Ministrit në detyrë të Shëndetësisë, Arben Vitia do të nënshkruajë sot një kontratë me vlerë 5 milionë euro për nevoja të menjëhershme të Kosovës për luftimin e pandemisë COVID-19. (Ceremonia e sotshme e nënshkrimit do të transmetohet drejtpërdrejt në Facebook përmes faqes së BE-së në Kosovë @EuropeanUnionInKosovo, ora 17:00)