20 Shkurt 2018

Britania i bashkohet rrugës tregtare të Kinës

Londër, 6 shkurt - Britania e ka shpallr qartë dëshirën e saj për t’u bërë pjesë e nismës së Kinës për një rrugë të re tregtare, që vizioni i Presidentit kinez e paraqet si thelbësore për zgjerimin e ndikimit të Kinës në Azi, Evropë dhe Afrikë.

Ekzistojnë megjithatë shqetësime për kostot financiare dhe humanitare të projekteve të mëdha infrastrukturore që po zbatohen.

Siç njofton Zëri i Amerikës, Shtetet e Bashkuara kanë paralajmëruar për rrezikun e ndërvarjes nga projektet e mëdha investuese të Kinës.

Kryeministrja britanike Theresa May kryesoi një delegacion të përbërë nga ministra dhe udhëheqës të biznesit, që nënshkruan marrëveshje prej 12.7 miliardë dollarësh – një epokë e artë në marrëdhëniet kino-britanike.

Përpara vizitës, ambasadorja britanike foli për objektivat e Britanisë në bashkëpunimin me këtë projekt tregtar të Kinës.

“Pikë së pari, do të donim të bashkëpunonim në projekte praktike. Së dyti, do të dëshironim të sillnim në Kinë një pjesë të eksperiencës financiare të Londrës. Këto janë projekte të mëdha infrastrukturore që kanë nevojë për mekanizma komplekse financimi”, tha Ambasadorja britanike në Kinë, Barbara Woodward.

Disa projekte janë madje tepër komplekse, si një autostradë e re prej 51 kilometrash që është ngritur mbi tokë moçalore, për të lidhur kryeqytetin e Ugandës me aeroportin. Ndërtimi u bë nga një kompani kineze dhe kostoja prej 580 milionë dollarësh, u përballua nëpërmjet një huaje të dhënë nga Pekini. Kryebashkiaku i Kampalas thotë se çmimi është tepër i lartë.

“Të gjithë kinezët që vijnë këtu, madje edhe bankat komerciale prej të cilave po marrim huatë, si EXIM bank dhe të tjera, do të rëndojnë mbi shpatullat tona, të fëmijëve dhe nipërve tanë, të cilët fatkeqësisht do të përballojnë këtë barrë”, thotë Eris Lukwago, kryetar i bashkisë në Kampala.

Përmes projektit për rrugën e re tregtare, Kina ka investuar në mbarë Afrikën, Azinë, Lindjen e Mesme, madje edhe në Evropën Lindore. Britanisë i duhet të tregohet e kujdesshme.

“Në veçanti, në pjesë delikate të botës nga ku do të kalojë rruga tregtare e Kinës, ekzistojnë shumë shqetësime humanitare dhe mjedisore, ndërsa fokusohen vetëm tek përfitimi tregtar. Megjithatë, ekziston avantazhi që Britania ka punuar dhe investuar në shumë prej këtyre vendeve dhe mund t’i ofrojë Kinës këshilla praktike”, thotë Barnaby Willitts-King, i Institutit për Zhvillimin e Jashtëm.

Shtetet e Bashkuara e kanë kritikuar edhe më tej politikën e jashtme dhe tregtare të Kinës. Sekretari amerikan i Shtetit, Rex Tillerson, paralajmëroi për rrezikun, ndërsa fillonte një vizitë në Amerikën Latine.

“Në tregjet në zhvillim, Kina projekton një imazh tërheqës drejt zhvillimit. Por në realitet, shpesh bëhet fjalë për përfitime afatshkurtra, në këmbim të varësisë afatgjatë”, tha Sekretari Tillerson.

Shumë ekonomi të reja i mirëpresin investimet e Kinës, si dhe faktin që përfshihen vende si Britania. Por, ekziston shqetësimi se borxhet në rritje do të shkaktojnë probleme në të ardhmen.

Kalendari

Ngjarjet e datës 20 Shkurt 2018 - Kryetari i SBASHK-ut Rrahman Jasharaj i shoqëruar nga kryetari i Sindikatës Komunale të Prishtinës Ahmet Pllana do të vizitojnë Shkollën e Mesme Bujqësore “Abdyl Frashëri” në Prishtinë në grevën dy-orëshe. (Shkolla e Mesme Bujqësore 'Abdyl Frashëri', ora 8:10)

- Kryeministri Ramush Haradinaj merr pjesë në mbledhjen e Qeverisë. (Ndërtesa e Qeverisë, ora 10:00)

 - Fondacioni i Kosovës për Shoqëri të Hapur organizon konferencën “Momenti i ri i zgjerimit në BE: Çfarë mund të përfitojë Kosova”. (Hoteli Swiss Diamond, ora 10:00)

- Mbahet mbledhja e Komisionit i për Administratë Publike, Qeverisje Lokale dhe Media në të cilën do të bëhet shqyrtimi i Projektligjit për Ratifikimin e Marrëveshjes për themelimin e Shkollës Rajonale të Administratës Publike. (Ndërtesa e Kuvendit, salla S-I, ora 10:00)

- Fondacioni i Westminster për Demokraci në partneritet me Institutin e Kosovës për Drejtësi do të organizojnë tryezën e diskutimit “Iniciativa për Dekriminalizimin e Politikës në Kosovë”. (Hotel Sirius, ora 10:00)

- Kryeministri Ramush Haradinaj viziton minatorët e Mitrovicës, me rastin e Ditës së Grevës së Minatorëve. (Mitrovicë, ora 11:00)

- Mbahet mbledhja e Komisionit për të Drejtat, Interesat e Komuniteteve dhe për Kthim  në të cilën do të bëhet shqyrtim i Projektligjit për Presidentin, inicimi i Komisionit për nismën legjislative për plotësim dhe ndryshim të Ligjit për Festat Zyrtare, etj. (Ndërtesa e Kuvendit, salla N 302, ora 11:00)

- Kryetari i SBASHK-ut Rrahman Jasharaj do të takohet me kryetarin e Këshillit grevist të Universiteteve Bardh Bardhi. (Ambientet e Fakultetit Teknik në Prishtinë, ora 11:00)

- Mbahet takimi i delagacionit të Aleancës Kosovare të Bizneseve me kryetarin e Komunës së Vushtrris Xhafer Tahirin, ku do të nënshkruet Memorandumi i Bashkëpunimit në mes dy palëve për realizimin e disa projekteve të përbashkëta ekonomike. (Zyrat e kryetarit të  Komunës së Vushtrris, ora 11:00)

- Nën patronatin e kryeministri Ramush Haradinaj mbahet Java e Minatorëve, në shënim të 29 – vjetorit të Grevave të Minatorëve. (Miniera e Stantërgut, ora 11:00)

- Mbahet mbledhja e Komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit ku do të behët shqyrtimi i Raportit me amendamente i Komisionit Funksional në Projektligjin mbi masat doganore për mbrojtjen e të drejtave të pronësisë intelektuale. (Ndërtesa e Kuvendit, salla S-I, ora 12:00)

- Lëvizja Vetëvendosje organizon tryezën me temë 'Procesi i kompromentuar i dënimit të aktivistëve të Lëvizjes Vetëvendosjes! dhe Rezoluta nga debati parlamentar2018'. (Ndërtesa e Kuvendit, salla N 409, ora 13:00)

- Shef i negociatave me Serbinë, Avni Arifi do të raportojë para Komisionit për Punë të Jashtme, Diasporë dhe Investime Strategjike lidhur me Platformën e Qeverisë së Kosovës për procesin e dialogut Kosovë-Serbi. (Ndërtesa e Kuvendit, salla S-2, ora 13:00)
 
- Zyra për Çështje të Komuniteteve organizon konferencën ceremoniale për festimin e Ditës së Komunitetit Ashkali. (Ndërtesa e Qeverisë, salla nr. P38, ora 14:00)

- Kryeministri Ramush Haradinaj merr pjesë na manifestimin, organizuar nga Zyra e Kryeministrit/ Zyra për Çështje të Komuniteteve,  për nder të Ditës së Ashkalive. (Ndërtesa e Qeverisë, salla P-38, ora 14:00)

- Ministri i Financave Bedri Hamza do të pret në takim  kryetarin e Odës Ekonomike të Kosovës Safet Gerxhaliu, kryetarin e Odës Amerikane në Kosovë Arian Zeka, kryetarin e Klubit të Prodhuesve të Kosovës Astrit Panxha si dhe drejtorin Ekzekutiv të Këshillit të Investitorëve Evropian Shpend Balija. (Ndërtesa Kryesore e Qeverisë, ora 14:00)

- Kryeministri Ramush Haradinaj pret në takim kryetarin e SBASHK-ut, Rrahman Jasharaj. (Ndërtesa e Qeverisë, ora 15:00)

- Kryeministri Ramush Haradinaj merr pjesë në mbledhjen e Qeverisë. (Ndërtesa e Qeverisë, ora 16:00)

- Ndihmës Administratori i USAID-it për Europë dhe Euroazi Brock Biermann do të marrë pjesë në ceremoninë zyrtare të nënshkrimit për aktivitetin e ri të USAID-it Qeverisja Efektive Lokale. (Ndërtesa e Qeverisë, P- 38, ora 18:00)