22 Qershor 2018

Brexit, kërcënim për tregtinë e jashtme në Evropë

Berlin, 11 gusht - Largimi i Mbretërisë së Bashkuar nga Bashkimi Evropian (Brexit) përbën një rrezik për tregtinë e jashtme në Evropë, ka thënë Dr. Klaus Günter Deutsch nga BDI.

Kreu i Departamentit të Kërkimeve, Politikës Industriale dhe Ekonomike në Federatën e Industrive Gjermane (BDI), Dr. Klaus Günter Deutsch, thotë se Brexit përbën një kërcënim për tregtinë e jashtme në Evropë, kurse politika tregtare amerikane ruan ende pasigurinë e saj. Në nivel të lartë rreziku janë më shumë mosmarrëveshjet tregtare.

Në një deklaratë në lidhje me rritjen e ekonomisë globale, Deutsch ka theksuar se ekonomia globale që nga viti i ri e deri tani ka marrë një vrull të fortë në masa të papritura dhe se rritja reale ekonomike kryesisht përmes Kinës, Japonisë dhe Eurozonës pritet të jetë 3,6 për qind në të gjithë botën.

Duke vënë theksin në rritjen e fortë që ka shënuar tregtia globale dhe prodhimi industrial, Deutsch thotë se "Eksportet në Azi, Amerikën e Veriut e Evropën Perëndimore po rriten në masë të madhe. Prodhimi industrial po rritet edhe në Eurozonë dhe Japoni".

Kalendari

Ngjarjet e datës 22 Qershor 2018 - Mbahet mbledhja e Kryesisë së Kuvendit me kryetarët e grupeve parlamentare. (Ndërtesa e Kuvendit, salla  C-301, ora 9:00)

- Kryeministri Ramush Haradinaj merr pjesë në manifestimin për nder të Ditës së Komunitetit Egjiptian. (Ndërtesa e Qeverisë – salla P-31, ora 10:00)

- Mbahet mbledhja e Komisionit për Administratë Publike, Qeverisje Lokale dhe Media në të cilën do të behët shqyrtimi i Raportit vjetor të Radio Televizionit të Kosovës. (Ndërtesa e Kuvendit, salla N 10, ora 10:00)

- Për nderë të Ditës Ndërkombëtare të Shërbimit Civil, Ministria e Administratës Publike, gjegjësisht Departamenti i Administrimit të Shërbimit Civil, do të organizoj takim për shënimin e kësaj dite​. (Salla e Madhe të ish-Pallatit “Rilindja”, ora 10:00)

- Mbahet mbledhja e Komisionit për Punë të Brendshme, Siguri dhe Mbikëqyrjen e Forcës së Sigurisë së Kosovës në të cilën do të diskutohet rreth procesit të anëtarësimit të Kosovës në INTERPOL. (Ndërtesa e Kuvendit, salla N 303, ora 10:00)

- Kryeministri Ramush Haradinaj merr pjesë në mbledhjen e Qeverisë së Republikës së Kosovës. (Ndërtesa e Qeverisë, ora 11:00)

- Në kuadër të “Javës Kundër Korrupsionit” të mbështetur nga Ambasada e SHBA-së në Kosovë, koalicioni i OJQ-ve “Java Kundër Korrupsionit 2017” organizon konferencë për media, për të shpalosur ndikimet e raportimeve të rasteve në kuadër të “Javës Kundër Korrupsionit". (Hoteli Sirius, ora 11:15)

- Ministri i Kulturës, Rinisë dhe Sportit, Kujtim Gashi do të vizitojë Komunën e Kamenicës ku do të takohet me Kryetarin, Qëndron Kastrati. (Komuna e Kamenicës, ora 14:00)

- Në vazhdën e aktivitetit "Ditët e Kuvendit", mbahet takimi i deputetëve të Kuvendit të Republikës së Kosovës me qytetarë të Pejës. (Teatri profesional “Istref Begolli”, ora 14:00)

- Kryeministri Ramush Haradinaj merr pjesë në përurimin e fluturakeve të para të prodhimit të rrymës me erë. (Fshati Kikë, Komuna e Kamenicës, ora 14:00)

- Aleanca Franceze në Prishtinë organizon kuiz muzikor. (Sheshin Zahir Pajaziti, ora 19:00)