12 Nëntor 2019

Brexit, Britania mund të humbë 16 miliardë dollarë nga shitjet me BE-në

Londër, 4 shtator - Sipas një raporti nga agjencia tregtare e OKB-së, nëse Britania largohet nga BE-ja pa një marrëveshje, atëherë ka gjasë që të humbasë të paktën 16 miliardë dollarë nga shitjet me BE-në.

Shefi i zyrës së Konferencës së OKB-së për Tregti e Zhvillim u shpreh se humbjet do të vijnë nga eksporti i automjeteve, produktet që lidhen me kafshët dhe tekstilet.

Raporti vjen në kohën kur Parlamenti Britanik po diskuton për një plan për të penguar tërheqjen pa marrëveshje të Britanisë në 31 tetor.

Carlos Razo nga OKB-ja tha:

"Studimet tona përqendrohen në ndikimin që një Brexit pa marrëveshje do të ketë në eksportin e Britanisë dhe rezultati është shumë i qartë. Në kushtet 'pa marrëveshje', eksporti britanik do të ndikohet kryesisht nga BE-ja. Parashikojmë se eksportet e Britanisë në BE do të tkurren me 7%, pra në rreth 16 miliardë dollarë dhe ky është ndikimi më i paktë që mund të ndodhë sepse ky studim konsideron vetëm tarifat dhe jo të ashtuquajturat 'masat jo-tarifore' që do të ketë ndikim më të madh mbi eksportin britanik, e rrjedhimisht një ndikim madhor për Mbretërinë e Bashkuar."

Kalendari

Ngjarjet e datës 13 nëntor 2019

- Save the Children në bashkëpunim me Minstrinë e Arsimit dhe Institutin Pedagogjik organizojnë konferencën ndërkombëtare ‘Fuqizimi i Kujdesit, Zhvillimit dhe Edukimit në Fëmijërinë e Hershme’ që ka për qëllim të ofrojë mundësi për hartuesit e politikave, ofruesit e shërbimeve, përfaqësuesit nga akademia dhe akterë të tjerë, për t’u informuar dhe ndarë praktikat më të mira mbi rëndësinë e investimeve në kujdesin dhe zhvillimin e fëmijërisë së hershme. (Hotel Sirius, ora 9:30)

- Instituti Demokratik i Kosovës organizon tryezën e diskutimit lidhur me dy projekte të mëdha të Ministrisë së Infrastrukturës siç janë, rehabilitimi i rrugës Prishtinë - Pejë dhe Prishtinë - Mitrovicë ku edhe do të bëhet edhe publikimi i hulumtimit mbi arsyet e vonesave në punime në këto dy rrugë, i titulluar “Rrugë pa fund”. (Hotel Sirius, ora 10:00)

- Organizata "Voice of Roma, Ashkali and Egyptians" VoRAE organizon Festivalin Multikulturorë i pari i këtij lloji në Kosovë. (Hotel Emerald, ora 10:00)

- Grupi për Studime Juridike dhe Politike organizon tryezën e diskutimit me temë “Roli i vendimeve të Gjykatës Supreme në luftën kundër krimit dhe korrupsionit: Një thirrje për disiplinim të gjyqtarëve që marrin vendime të kundërligjshme”. (Qendra e konferencave Orion, ora 10:30)

- Në kuadër të fushatës “Jo drogë tek të rinjtë”, Task Forca Anti Drogë tek të rinjtë dhe siguri në Shkolla do të organizoj pritje për student, ku do të shfaqin prezantimet me njohurit e tyre lidhur me narkotikët, si dhe do të bashkëbisedojnë me Shefin e Task Forcës Anti Drogë. (Ndërtesa e Qeverisë, salla P38, ora 11:00) 

- Drejtori i Drejtorisë së Shëndetësisë në Komunën e Prizrenti, Visar Shehu, do të mbajë konferencë për shtyp për ta njoftuar opinionin publik me më të rejat nga fusha e shëndetësisë. (Zyret e Shërbimit Urgjent, rruga Tirana në Prizren, ora 11:00)

- Ambasada e Francës në Kosovë mban konferencë për media në të cilën do të prezantojë edicionin e 19 - të Festivalit të Filmit Frankofon në Kosovë i cili organizohet në bashkëpunim me përfaqësitë diplomatike të Zvicrës, Belgjikës dhe Luksemburgut, Aleancën Franceze, Ministrinë e Punëve të Jashtme, si dhe Ministrinë e Kulturës, Rinisë dhe Sportit të Kosovës. (Salla e konferencave në Ministrinë e Punëve të Jashtme, ora 12:00)

- Teatri i Qytetit te Mitrovicës "Muharrem Qena" shfaq premierën teatrore “Kur treni vonohet”, me autor Osman Goranci dhe me regji të Artan Tmavës. (Qendra e Kulturës “Rexhep Mitrovica”, ora 19:00)