20 Shkurt 2019

Bisedohet për forcimin e luftës kundër tregtisë së paligjshme në Evropën Juglindore

Sirakuza, 6 dhjetor - Kryesuesi i Këshillit Prokurorial të Kosovës, Blerim Isufaj dhe Drejtori i Sekretariatit të Këshillit Prokurorial të Kosovës, Lavdim Krasniqi, kanë marrë pjesë në konferencën me temë ‘’Dialogu Strategjik lidhur me tregtinë e paligjshme në Evropën Juglindore’’, e cila u mbajt në Sirakuza të Italisë, më 5 dhe 6 dhjetor.

Konferenca është organizuar nga Instituti Ndërkombëtar i Sirakuzës për Drejtësinë Penale dhe të Drejtat e Njeriut, me seli në Sirakuza të Italisë, me të cilin institucion Këshilli Prokurorial, ka të lidhur një marrëveshje bashkëpunimi lidhur me forcimin e kapaciteteve të prokurorëve në luftën kundër tregtisë së paligjshme.

Përmbajtja e diskutimeve në këtë konferencë u fokusua në temat si: “forcimi i luftës kundër tregtisë së paligjshme në Evropën Juglindore”, “tregtia e ndaluar si një kërcënim kompleks dhe shumëdisiplinar”, “perspektiva e aplikuesve të ligjit lidhur me tregtinë e paligjshme” si dhe sfidat, prioritetet dhe mundësitë në luftën kundër tregtisë së paligjshme.

Prezantues në këtë konferencë ishin ekspertë me përvojë ndërkombëtare në fushat penale, përfshirë bashkëpunimin ndërkombëtar në çështjet penale.

Në këtë konferencë morën pjesë edhe përfaqësues nga Policia e Kosovës, Akademia e Drejtësisë, Dogana e Kosovës dhe Akademia për Siguri Publike.

 

Kalendari

Ngjarjet e datës 20 shkurt 2019 - Instituti Kërkimor për Çështje Evropiane dhe të Zhvillimit organizon konferencën 'Zëri i Popullit rreth 'Finales së Madhe' ndërmjet Kosovës dhe Serbise'. (Swiss Diamond Hotel, ora 9:30)

- Presidenti i Republikës së Kosovës, Hashim Thaçi, do të marrë pjesë në konferencën e organizuar nga Instituti Kërkimor për Çështje Evropiane dhe të Zhvillimit me temën “Zëri i Popullit rreth ‘Finales së Madhe’ ndërmjet Kosovës dhe Serbisë”. (Hoteli Swiss Diamond, ora 9:30)

- Kryeshefja ekzekutive e Inspektoratit Policor të Kosovës raporton para Komisionit për Punë të Brendshme, Siguri dhe Mbikëqyrjen e Forcës së Sigurisë së Kosovës lidhur me dyshimin për keqpërdorim të detyrës zyrtare nga ana e zyrtarit policor si dhe për raportin vjetor të vitit 2018. (Ndërtesa e Kuvendit, salla N 302, ora 10:00)

- Forumi i Gruas së Lidhje Demokratike të Kosovës organizon tryezë diskutimi me temën “Ligji (s) na mbron”. (Hotel Sirius, ora 10:00)

- Punëtorët teknik të kompanisë “Beni”  që kryejnë shërbime në Konviketet e Qendrës Studentore të Prishtinës do të protestojnë për kthimin nën menaxhimin e Qendrës Studentore (Para drejtorisë së Qendrës Studentore, ora 11:00)   .

- Komuna e Prishtinës mban konferencë për media. (Objekti i vjetër të Komunës, ora 11:00)

nën organizimin e Grupit të Grave Deputete, mbahet tryeza “Institucionet dhe mekanizmat ekzistues në përgjigje të dhunës në familje”. (Ndërtesa e Kuvendit, salla N 30, ora 11:00)

- Presidenti Thaçi do të marrë pjesë në ngjarjen "Women in Energy Scholarship Program", organizuar nga MCC. (Salla e Kuqe, Pallati i Rinisë dhe Sportit, ora 13:00)

- Kryeministri Ramush Haradinaj merr pjesë në manifestimin e 30-vjetorit të Grevave të Minatorëve. (Miniera Stan Tërg në Mitrovicë, ora 14:00)